ذيب بسخريه : يعني كذا ماشريت كم عطيت جدنا ؟
ابو عساف : مليون
ناظروه بصدمه وتكلم ابو عساف : هذا الي عندي وجدكم راضي ابها
صقر : العلياء مسيومه ب ٣٠ مليون واخذتها ب مليون ؟
هز راسه ابو عساف : دريتو يالله برا ومالكم شي عندي
ذيب وهو ضام يدينه وراء ظهره : ابشريها ب مليونين تبيع ؟
فتح عيونه ابو عساف يناظره ورجع يعيد ذيب وهو رافع اصابعه : مليونين وترجع العلياء
ابو عساف بطمع : ابد تمم وترجع لك بس مليونين ماتغير
ذيب : ماتغير. بس تبقى فالشبك ماحد ياخذها لين اجيب المليونين
هز راسه ابو عساف وطلعو ذيب وصقر براحة راجعين للعزبه
جالسين في امان الله يسولفون ويتقهوون
ثواني ولفت من تكلمت رزان : العنود قومي عاونيني
رفعت حواجبها العنود تناظرها : في وش ؟
رزان : فالعشاء
العنود : بس ماعرف
عقاب : اتعلمتس وتعرفين
ناظرتهم ثواني وتكلمت : وش مطلوب مني ؟
رزان بقل حيله : يارب اتصبرني بس وش يعني كبسة لحم
ناظرتها العنود وتكلمت : لاتنفخين
تخصرت رزان ووقفت العنود تاخذ شنطتها وناظرتها : وين ؟
لفت رزان تمشي للخيمه ووراها العنود
دخلت وراها وناظرتها من تكلمت : عطيني القدر وقطعي بصل
نزلت شنطتها العنود وتكتفت تناطرها : مارح اسوي الي تقولين اكيد بسوي على مزاجي
رفعت حواجبها رزان تناظرها : و وش تاتسوين ؟
العنود ناظرت كراتين الخضار الي وراها وتقدمت تاخذ صحن تحط فيه من الخضار : بسوي سلطه وانتي الباقي
تأففت رزان بقل صبر وبدت تسوي الكبسه بصمت
والعنود مطلعه جوالها مشغله اغنيه وتقطع السلطه وتغني
تاركه رزان الي ترمي نظرات عليها
دقايق ودخل صقر وقف ياخذ خياره وناظرته العنود : وشو ؟
صقر ناظر امه الي تناظرهم وصد يناظر الخيمه وتقدم يحوس فالاغراض وهمس : مليون
ناظرته العنود وفهمت ونزلت السكين من يدها وغطت السلطه ولفت على رزان وهي تمسح يدينها : خلصت السلطه الله يقويك عالباقي
طفت جوالها واخذت شنطتها تطلع وطلع وراها صقر
وتكلمت : قريب مكانها ؟
هز راسه صقر : شوي بعيد
العنود : يمدي تودوني له ؟
صقر باستغراب : ليه ؟
العنود ناظرته : دامها بمليون ماتسوى وبشوفها اقيم
صقر : مسيومه ب ٣٠ مليون بس الي راح له جدي مطفر ماعنده الا مليون وسمح جدي
العنود : يعني تصير ب مليونين
هز راسه صقر وتلفتت العنود : وين ذيب ؟
صقر : برا مايبي يدخل كارهه عقاب ومايبي يعاين في وجهة
العنود ابتسمت : ماينلام والله المهم بكرا بروح اصرف واعطيكم تروحون طيب
هز راسه صقر وضحك : المحزم المليان كفو
راحت العنود تجلس وطلع صقر ل ذيب
ناظره مدخل يدينه في جيوبه ورافع راسه يناظر السماء
لف من حس فيه وهز راسه وتكلم صقر : بكره تصرف ونروح انجيبها
سكت ذيب يناظره وكمل صقر : ادخل ولاتهتم اله
ذيب هز راسه : ابروح للبيت وابرقد مشوف الدرب
صقر مسك معصمه : حنا نبى نرقد هنا ارقد وبكره انروح كلنا
سكت ذيب يناظره وهز راسه صقر بترجي : اجلس تعش طيب مكلت شي من جيت وادخل ارقد
ذيب هز راسه يلف شماغه على راسه وحاوط كتوفه صقر يدخل معه
ناظروهم من لفو عليهم واخذ بطانيه ذيب وهو يناظر نظرات عقاب له وصد بكره
فرش البطانيه على التراب ونزل المخده وناظر صقر : اذا خلص العشاء جبلي
هز راسه صقر يناظره من انسدح على ظهره وناظر السماء وراح يجلس معهم تاركه على راحته
