صدت رحاب تتأفف وتكلمت نوف : يوه بس الحين خل نكمل تحليلنا دلال وين راحت ؟
دلال وهي جايه : هذي انا جيت وش تبين ؟
نوف : اجلسي يالله الحين كل وحده تقول اهلها وش قالو قبل يروحون ؟
ود : سئلت امي وقالت فيه بنات من كبرنا واكيد بنتعرف عليهم بس هذا الي عندي
هزو روسهم وتكلمت دلال : بدو وماقد دخلو المدينه
نوف تكت : كيف مافهمت الوضع للحين هم وش يصيرون لنا
رحاب : يغبيه يصير اخو جدنا يعني عمنا
جيهان : لازم اذا جو نقعد عند جدي ونخليه يفهمنا
دلال : اي هو وعدنا اصلن
سكتو يناظرون بعض ثواني ووقفت ود تفتح التلفزيون وتسدحو البنات يتابعون
وقفو يناظرونهم ماشين وسكرو الباب يدخلون
جلسو يناظرون بعض ثواني وتكلم قايد : متى تبون نقضي لرمضان
الجده سلمى بصدمه : كم بقي له ؟
قايد : باقي ثلاث ايام وينتهي شهر ثمانيه
حاكم : اجل بكره تروحون وتقضون وتحسبون الجيران معكم
لفو من دخل حاكم وبين يدينه كرتون ونزله قدامهم وتكلم : هذا من بيت ابو راضي
فزو سيف وفارس يفتحونه وناظرهم سيف : يالبيه يالفمتو من زمان عنه
فارس : مانشوفه الا في رمضان اكيد مشتاقين
صقر : لاتقضون الحين بياكلونه قبل رمضان
صالح لف على شادن : تكفين سوي الحين نبي نذوقه
شادن هزت راسها : لا تبي تذوقه عشان تخلص العلبه في نفس اليوم
حاكم : قومو دخلوه داخل ولاشوف احد مسوي
هزو روسهم العيال بصمت وقامو يدخلون الكرتون وتكلم ذيب : السمبوسه لاتنسونها
فارس : الكرتون مليان سمبوسه
سكتو يناظرون حاكم الي ناظرهم وتكلم : يالله كلكم امشو للعزبه
صقر ناظرهم يضحك ووقف حاكم ياخذهم وطلع
ووقف صقر يستأذن وطلع ل بيت ريم
وقف يطق الباب ثواني وطلع له ضاحي : وش تبي ؟
صقر تخصر : ابي زوجتي وين ؟
ضاحي بضحكه : مالك زوجه عندنا
فتح عيونه صقر يناظره وضحك ضاحي : اقلط اقلط
ابتسم صقر براحه يدخل ورفع صوته ضاحي : النسيب عندنا جهزو القهوه
صقر : الله يعافيك توني متقهوي
ضاحي جلس : العلوم
صقر تكى : ابد ماش علوم غير ان عمي علق بديرته
ضاحي : توقعت يصوم عندنا
صقر كشر : ماش معجبته الديره
لفو من دخلت الجازي ووقف صقر يسلم عليها ودخلت ريم بالقهوه وجلسو يتقهوون وتكلمت الجازي : علمتني ريم انكم تاتعتمرون
صقر هز راسه وتكلم ضاحي : الله يستر عليكم وتاتطولون
صقر : ايام وجايين
وقف صقر : اكرمكم الله
ضاحي : وين ماتقهويت ؟
صقر : والله اني متقهوي قبل اجي وتقهويت عندكم وماودي اكثر وراي خط
ضاحي هز راسه ووقفت ريم تطلع شنطتها واخذها صقر يحطها في السياره ورجعو يسلمون على الجازي وضاحي وطلعو يسلمون على الجده سلمى والباقين واستأذنو يطلعون من الديره ل مكه المكرمه
جلست تنزل الصينيه ورفعت يدينها شادن : الله يجزاتس خير ي حنين يوم جبتي السمبوسه مبرده
ترف : وين خالي حاكم ؟
شادن : اسكتي تكفين
عاليه : وراتس ي ترف البنت تاتفرزنها لرمضان
شادن : ايه صدقتي
ترف بنظره : ماضنتي والله
شادن : رمضان هالسنه اختي مهيب عندي وانا والعنود ومشاعل الي بنكرف فيه وفيه كم نفر لازم نفطره ونكسب اجر واببدا افرزن من الحين
العنود : يعني كم بتسوين حبه اليوم ؟
شادن : الي اقدر عليه وتعالن انتن ساعدني
العنود رفعت يدينها : ماعرف علميني
شادن : يوه نسيت انتس رفلا خلاص لاتساعديني
تعالي ي مشاعل
العنود تكت : ريحتيني الله يريحك
ترف ضحكت : قومي تعالي بعلمتس انا
تقدمت تجلس جنبها العنود وتناظرها تشرح وبعد دقايق تأففت العنود : ظهري عورني وانا ماسويت نص وحده
كيف لو مكان شادن
شادن فتحت عيونها : اذكر ربتس
همست العنود تسمي وناظرت الصحن من بدا يتعبا سمبوسه وناظرت يدين شادن الي كانت سريعه وتلف بسرعه وابتسمت تتأملها بهدواء
وتتذكر صمود ورمضان العام وكيف كانت مدلعتها وماتخليها تمسك شي والعنود كانت متكيه عندنا وتناظرها وتسولف معها
ابتسمت بهدواء تناظر جوالها من دق واخذته ترد من شافت اسم صمود ووقفت تدخل تكمل مكالمه
وقفت من لمحت احد في المطبخ وطلت من جنب الباب تناظر ذيب وسيف الي ماسكين علبة الفمتو ويسوون
وقفلت من صموت تتكي على الباب تناظرهم
سيف : اسمع زد سكر
ذيب : مبدول انت ماينحط عليه سكر
سيف : الا حلاته حالي
سكت من شاف العنود تناظرهم وضحكت العنود تمسك بطنها ولف ذيب من سمع ضحكتها وابتسم : دوم يارب
اخذت نفس العنود تتخصر وتقدمت عندهم ورفعت جوالها على اذنها : الو عمي
سيف : لا تكفين لحد يدري
العنود وهي تناظر الفمتو الي مكبوب على الرخام : ماضنتي محد يعرف وفيه اثار
ذيب : محد بداري دامتس انتي الي شفتينا
العنود رفعت حواجبها تنزل الجوال : واذا درو
ذيب هز راسه : ماتسوينها
سيف اخذ الكاس يشرب وغمض عيونه يتطعم وتقدمت العنود تمسح الاثار واخذت العلبه ترجعها وناظرتهم يشربون : محد بعارف بس مسحو الشوارب عشان ماتنكشفون
ذيب مد كاسه : اخذي جربي
العنود هزت راسها : ماحبه
رفعو حواجبهم يناظرونها وتكلم سيف : لا ماسمح لتس غصب تاتحبينه
العنود كشرت : مدري احس ماهضمته يسبب خمول وكسل عشان كذا ماحبه
ذيب باستغراب : ماعمري سمعت احد مايحبه وصدمتيني
العنود هزت راسها وتكلم سيف يغسل كاسه ويمثل : من الي مايستحي وشارب فمتو انا ماطب فمي
العنود ضحكت : المشكله فيه ادله
سيف رفع يدينه : مالي دخل
العنود اشرت على شواربه : قلت لكم بتنكشفون
سيف رفع قميصه يمسح فمه وناظرها : فيه ؟
هزت راسها بالنفي ولفت على ذيب : وانت بعد
هز راسه ذيب يمسح وطلع سيف ولفت عليه : مو كنتو مع عمي وش رجعكم ؟
ذيب وهو يكمل كاسه : سحب علينا وجينا
ميلت شفايفها العنود تاخذ منديل تمسح فمه وتكلم ذيب : شنبي يغطي مهو باين
العنود هزت راسها : ولو الحذر واجب
ذيب : طيب اسمعي تاتروحين معنا بكره ؟
العنود : وين ؟
ذيب : اباخذ امي وعمتي وشادن ونروح نقضي
العنود : تمام اروح بس صمود بترسل لي مع ابراهيم مفرزنات
ذيب عقد حواجبه : وراتس معجبتس طبخنا ؟
العنود ابتسم : بالعكس بس احب المفرزنات الي تسويها وتعجبني ومتعوده عليها وقالت بترسل لي وبتحسب حسابكم معي
هز راسه يميل شفايفه : صمود ايات فيهم ؟
العنود باستغراب : اللبنانيه نسيتها
ذيب : الحليله
هزت راسها العنود وكمل ذيب : ايه يحليلها هاذيك خليها تجينا
رفعت حواجبها العنود تناظره : ماتوقع
ذيب : بيستانسون عليها وعلى طبخها
العنود هزت راسها : لا واصلن مارح توافق لو اقولها
ذيب : المهم انتي لاتتعبين في الشغل
لفو من دخلت شادن تنزل الصينيه وابتسم ذيب : ماشاءالله على اختي السنعه
شادن بنظره : اكيد اختك لاعاد مرتك رفلا ماتعرف
العنود ناظرتها : انتي شفيك علي اليوم
شادن : يختس مدري وراني احسني انهبلت من كثر الكلام الي اسمعه
ذيب : وش سامعه ؟
شادن : طلاطيش هرج
العنود : وتطلعين حرتك فيني وش دخلني ؟
شادن : ابتس ريم العروس انجنت مني وانحاشت لمكه الله يستر لاتدعي علي وانتي تحمليني
العنود : ليتني رحت مع ريم
شادن بصدمه : تدعين علي ؟
هزت راسها العنود بالنفي بابتسامه وضربت كتفها شادن وناظرت ذيب بصدمه : تضربني
ذيب : ماعليتسن خوف انتن ان قمتن مع بعض شددتن البيت بالي فيه
شادن تخصرت : وش تسوي هنا وراء مارحت مع ابوي ؟
ذيب تخصر زيها : مالتس شغل مشتاق لزوجتي وابسولف معها وش تبين ؟
عضت شفتها العنود تناظره وناظرت شادن الي كشرت : يفقع كبدي منك انت وزوجتك
سكتو يناظرونها ورفعت اصبعها : المهم اذا الي في بطنها بنت سمها شادن
العنود تخصرت : مارح اسميها
ذيب رفع كتوفه : امها هرجت مقدر اهرج انا
شادن طلعت لسانها بضحكه وطلعت وتكلمت العنود بصدمه : بسم الله وش فيها ياتعصب ياتضحك ماعرفت لها
ذيب : حركات شادن اذا بتغيضنا اعرفها
سكتت العنود تناظر الفراغ وتعدل ذيب : ابروح توصين شي ؟
هزت راسها بالنفي وطلع
وطلعت العنود للبنات
مد يده يدق بوري وطلعو شيخه ورزان وشادن والعنود
ركبو وراء وشيخه ركبت قدام ونوره جالسه بحضنها
ومشو طالعين من الديره ل سوبر ماركت الي باقرب مدينه لهم
دقايق ووصلو ونزلو يدخلون وذيب وراهم بالعربيه
وهم يقضون
وقفت تفتح الورقه وتشوف وش ناقص
وقفت نوره جنب العنود ومسكت يدها تمشيها ومشت معها وهي عارفه وين تبي لان من دخلو وعينها على قسم الككاوات والحلويات
رفعت يدها نوره تأشر فوق : عطيني ذا
اخذته العنود تناظره وناظرتها : تبين شي ثاني
هزت راسها بالنفي نوره وهي تناظر العلبه بيدها وفرحانه فيها وتكلمت العنود : باخذ ككاوات لان بنحتاج واذا سئل عمك ذيب قولي لي وللبزران طيب لان مارح يخليني اخذها اذا درا انهم لي
ابتسمت نوره تهز راسها وتقدمت العنود تاخذ سله وتشكل من الككاوات فيها ومسكت يد نوره يرجعون
وكان ذيب يتلفت يدورهم وشافهم جايين من بعيد وتنهد ينتظرهم
ابتسمو بهدواء يناظرونه وناظر السله وتكلم : وش هذا ؟
نوره : عمي باخذهم عشان بسوي توزيعات للبزران عشان رمضان
فتحت عيونها العنود بذهول تناظر نوره وهي مصدومه كيف فكرت كذا وهي توها صغيره وهمست بخفيف تناظرها : ماشاءالله
ناظرت ذيب من تكلم : بزران من ؟
نوره بتفكير : واجد بزران الديره
سكت ذيب يناظر السله ثواني وناظر العنود الي تناظر شادن وامه وتبين مالها دخل وهز راسه بهدواء ياخذ السله يحطها في العربيه وضحكت نوره بفرح
وابتسمت العنود تناظرها ثواني وهي للحين مصدومه
تقدمت عند شادن من نادتها وهزت راسها تسمعها وتكلمت شادن : عطيني رايتس ايات اخذ هذي ولا هذي
العنود بعدم فهم : وش الفرق ؟
شادن وهي توزنهم بيدينها : هاذي ثقيله وهاذي خفيفه
رفعت حواجبها العنود تاخذهم وتقراء الي عليهم وميلت شفايفها : يحلوه مو الوزن هذي بفلفل وهذي بدون فلفل
شادن ضربت راسها : الي مايعرف الصقر يشويه
العنود : ماتعرفينها ليه تاخذينها ؟
شادن : عجبني شكلها وقلت اجربها
ميلت شفايفها العنود بابتسامه : بقولك انا خذي الي بدون فلفل وجربيها واذا حبيتي بفلفل تحطين من عندك احسن
هزت راسها شادن تاخذها وترجع الثانيه وحطتها في السله وناظرو ذيب على جواله وتكلمت شادن : امي وعمتي وين ؟
رفعت اكتافها العنود وسكتو يتلفتون
ثواني وجو شيخه ورزان وتكلمت شيخه : هاه بقي شي ؟
شادن وهي تناظر الورقه : لا كل شي موجود بس الزيت وينه ؟
رزان : هرجت العامل يوديه هناك
ذيب تعدل : يعني خلصتو ؟
شيخه : ايه خلصنا
هز راسه ذيب يمشي بالعربيه وشيخه ورزان وراه بالعربيه والثانيه
وصلو وحاسبو وطلعو يركبون السياره وذيب مع العامل يحط الاغراض في الحوض
اخذت نفس تناظر الشارع وعضت شفتها من شافت مقهى ولفت تهمس على شادن : تبين قهوه ؟
شادن : يوه يزينها ابحبكها الحين اذا رجعت
العنود ابتسمت : اسمعي هنا فيه قهوه واي قهوه تبين يسوونها
شادن فزت : وين
العنود اشرت : هناك
شادن وهي تناظر المقهى : احتري ذيب لين يجي ونقوله
العنود كشرت : وليه ننتظر ذيب هو مشغول خل ننزل ناخذ ونرجع
شادن ضربت خدودها : يويلي عشان يذبحني
العنود كزتها : اسكتي
تكت العنود ثواني وناظرتهم : دقيقه واجي
نزلت تسكر الباب وتقدمت تدخل المقهى وشادن تناظرها بصدمه وامها ورزان يسئلون وين راحت وهي ساكته وتناظرها تطلب
لفت من ركب ذيب يشغل وتكلمت : دقيقه العنود راحت تجيب قهوه
لف عليها ذيب باستغراب : وين ؟
شادن اشرت : هناك دقايق وتجي
عض شفته ذيب يناظر المقهى ونزل يدخله ووقف جنب العنود وهمس : كان علمتيني اجيب ؟
العنود بهدواء : خفت تقول ماتصلح لتس ومو وقته
ذيب لف عليها : يعني ماتصلح لتس ؟
هزت راسها بالنفي تناظر المنيو وكمل : تذكرين اول مره جينا هنا
العنود وهي تناظر المنيو : يوم خليتني اتغطا غصب
ذيب بلحن : كل شي حولي يذكرني بشي
ابتسمت بهدواء تاخذ طلبها ولف ذيب وهمست : دقيقه طلبكم
ذيب : اذا عنهم مايشربون القهوه هاذي لاتكلفين
العنود هزت راسها : لاني اعرف انهم مايشربونها طلبت لهم قهوه عربيه
ناظرو الكيسان من نزلوها على الطاوله واخذت كاس العنود وذيب اخذ الباقين وطلعو
طقت الدريشه وفتحت لها الباب شادن ومدت عليها الكاس : خذي ترا حار
اخذته شادن بحذر وركبت العنود بيدها مشروبها بارد
وسكرت الباب ولفت من تكلم ذيب : نوره افتحي الكيس الي عندتس
نوره هزت راسها : لاتخلصونه عن العنود
عضت شفتها وصدت من لف عليها ذيب وتكلم : اقول هاتي
فتح الكيس يوزع عليهم ماعداء العنود ونوره واخذو كيسان القهوه يتقهوون وشغل ذيب ماشي ومدت يدها نوره تاخذ ككاو وضرب يدها بخفيف : اجل توزيعات للورعان
نوره فتحت يدها : عطني
هز راسه بالنفي ياكل ويشرب قهوه وتكلمت شيخه : والله قهوتهم طيبه بس ماكثرو هيل
نوره باصرار : عطني
هز راسه بالنفي ذيب وتكلمت شيخه : يبن الحلال عطها لاتصيح
نوره تكتفت تناظره بحزن وتكلم ذيب وهو يناظر الطريق : انا وش قلت
سكتت نوره تناظره وتكلمت العنود : ذيب هات الكيس
هز راسه بالنفي ورجعت نوره تعيد : عمي عطني
سكت ذيب وتكلمت العنود بنبره حزن : ذيب
اخذ نفس وهو كان خايف من هالنبره لانه مارح يكمل وبيعطيهم وفتح الكيس يعطيهم على حبه وسكره يحطه في دولاب السياره : اخر مره تذوقنه انتن يالثنتين
ابتسمت العنود تاكل منه وضحكت ننوره تناظر شيخه تفتحه لها وتكلمت شادن : قهوتهم ماينشبع منها
رزان : كايفه
سكتت العنود تناظر الطريق بهدواء ونزلت نظرها تاخذ قهوتها ورفعت راسها من تكلم ذيب يدندن : كل شي حولي يذكرني بشي ،
ابتسمت بهدواء من عدو المطب وعرفت انه الطريق الي مرو منه وقت انحرقت من القهوه وذيب يخفف الم الحرق عنها
وتنهدت تتذكر مشاعرها وقت الموقف وكيف كانت متوتره وخايفه وكيف صارت الحين
وبالمثل عند ذيب الي سمع تنهيدتها وتكى يناظر الطريق ويستمع لسوالفهم
دخلو المجلس يناظرون جدهم لوحده وتقدمو يجلسون حوله
رفع راسه يناظروهم وهز راسه : اعتبر نفسي في جلسة تحقيق ؟
ود : شدعوه داخلين واحنا مسلحين ؟
ضحك ذياب وتكلمت جيهان : قولنا وش السالفه
هز راسه ذياب ينزل فنجانه وبدا يقول لهم قصة عقاب وكيف كانت هامته قبيلته وماكان بيتركهم ورفضه انه يطلع معه وتكلم لهم عن عياله واعطاهم تقرير كامل عن عقاب وعياله واحفاده
سكتو يناظرونه بصدمه وتكلمت نوف : طيب ليه كل ذا ؟
ذياب : يانوف الفلوس احيان تعمي واعمته وشاف نفسه
سكتو يناظرون بعض ثواني ولفو من دخلو باتل وعزيز
وتكلم باتل : اووو فاتتنا القعده صح ؟
ود : مايفوتك شي انت
عزيز ناظر ذياب : ناديتنا امر
ذياب : مزرعة عقاب الي جنبي يبي لها تعديل خفيف في الحوش وابيكم تشوفونه
باتل : كهرب
هز راسه ذياب وكمل باتل يحك جبينه : الفجر مريت جنبها واستغربت من صوت الكهرب كانه يلذع واشوف فيه شرار وقمت طفيت الطبلون وشفت ان البلا في الاسلاك مدري ماركبوها زين مدري وش بلاها
ذياب : الله يعافيك زين انك طفيته لايشب
هز راسه باتل وكمل عزيز : نجيب عمال يشوفونه ؟
ذياب : ليه عمال وانتم تخصصكم عن الكهرب شوفوه انتم واذا مانفعتو جيبو عمال
عزيز ناظر باتل : كانك تطبق لاخر اختبار
ضحك باتل وناظر ذياب : ابشر نشوفه اوامر ثانيه ؟
ذياب هز راسه : سلامتكم
طلعو عزيز وباتل رايحين للمزرعه ودخلو يناظرون العمال الي يشتغلون في البيت وكملو طريقهم
وقف يناظر الاسلاك وتكلم باتل يأشر : هذا الي يطلع شرار
قرب عزيز يناظر وطلع نظارته باتل يلبسها وتكلم عزيز : من مركبه هذا غلط عليهم ؟
باتل : وش طلع معك ؟
عزيز : شف هذا السلك الاحمر موصل في السلك الثاني ونفس الشي في الجهة الثانيه معكوسه
هز راسه باتل يناظر الاسلاك وكمل عزيز : اسمع ابفكه اعدله
باتل : لا لا خله كيف تفكه ومامعنا عده لازم ادوات
عزيز ميل شفايفه يناظره وكمل باتل : ابدق على الكربائي الي سواه ويجي ونقف عنده ونخليه يعدله
هز راسه عزيز : وانا ابروح اعلم جدي
هز راسه باتل ينظر رد من الكهربائي ورجع عزيز يدخل مجلس جده ناظرهم يسولفون وتكلم ذياب : هاه وش طلع معكم ؟
بدا عزيز يقوله وش المشكله وتكلم ذياب : زين سووه
عزيز هز راسه : علمت باتل وقال لازم ادوات مانقدر نسويه بدونها
ذياب : وبتجيبون ادوات ؟
عزيز هز راسه بالنفي : كلمنا الكهربائي الي سواه وبيجي ونوقف عنده ونخليه يعدله
هز راسه ذياب : الله يقويكم وش صار للعمال خلصو
هز راسه بالنفي وهو يشرب مويه : اشوف باقي قليل ويخلصون
جيهان : يعني بيجون يسكنون عندنا ؟
ذياب : مدري والله بس احتمال يجون
هزو روسهم يسكتون ولفو من دخلت سميره وانحنت تبوس راس ذياب : ماقلتو لي انهم جو
رحاب : والله واحنا متى نشوفك عشان نقولك
دلال : طول وقتك برا واذا دقينا مارديتي
سميره رفعت اكتافها : اكيد لاني مشغوله
ذياب رفع حواجبه : وش عندها سميره بنت محسن مشغوله
التشبيهات في الانستاء(rxoa.19)
