ميل شفايفه اصيل يرفع كتوفه وتكلم امجد : بس مايغني واجد اصيل
نياف : حاول تكثر عشان اتعود
عدل كتوفه اصيل يتنحنح وتكلم باتل : هبس ليتكم مامدحتوه
اصيل ناظره بطرف عين: مالك شغل
عزيز : اهجد انت وياه اسمع اصيل جرب تغني حزين بيضبط مع صوتك
اصيل فتح اول زرار بثوبه : جتني ضيقه
نياف ضحك : ماتنلام
سيف : اسمع غن راح ورحل في رجعته مافيه امل
عقد حواجبه اصيل يناظره وتكلم انس : لا اسمع تخيل انك تحب وحبيبتك ماتت
فتح عيونه اصيل ولف عليه هادي : فال الله ولا فالك وش تقول انت
سيف : اسمع هو بس يعلمك كيف الشعور
قام اصيل وتقدم يمسك انس بيد وسيف باليد الثانيه وماسكهم من ثيابهم من وراء
ضحكو يناظرون اشكالهم وتكلم سيف الي يكح : ياخي وراك انت صدقت
انس : اسمع قلت تخيل وانت شكلك صدقت ان حبيبتك ماتت
رفع يدينه اصيل وضرب راس انس براس سيف وتكلم انس وهو يمسح مكان الضربه : شكلها صدق ماتت
اصيل بغضب : عض على شحمه انت وياه
رجع ضرب روسهم ببعض ومشى بهم جهت النخل
واخذ حبل وثبتهم واقفين ووجيهم يم النخله ولف الحبل عليهم وعقده ينفض يدينه ورجع يجلس مكانه وتكلم هادي : المفروض انا اسوي كذا
ناظره اصيل : سوينه بدالك
ضحك هادي يضرب كتفه
وتكلم جراح الي يضحك : شف كيف خلاهم يضمون النخله
امجد وهو يمسح دموعه : بس عشانهم قالو تخيل الشي لو صدق
اصيل وهو يفرك راسه : امجد يمين بالله لاروح اربطك معهم
سكت امجد يغطي فمه وتكلم نياف وهو ماسك بطنه : سيف يحب النخله
لفو عليه وضحكو ورفع صوته سيف يناظرهم : اضحكو اضحكو والله انها تستاهل بس خشنه
انس بعصبيه : سيف بعد يدك عن بطني
سيف بنفس النبره : كيف ابعدها وهي مربوطه
باتل : حرام عليك يارجل شف كيف حالتهم ؟
اصيل : احسن عشان يعرفون وش يقولون
سيف باعلى صوته عشان يسمع : اي صح اصيل غن حزين ترا ماغنيت
صقر : اسكت لايعلقك في الماصوره
سيف : وانا ماقلت شي غلط قلنا تخيل انها ميته وهو صدق
اخذ نفس اصيل يفرك عيونه وتكلم انس : اصيل لايكون تحب وخايف عليها
عقد حواجبه اصيل ولفو يناظرونه وتكلمت دلال : اصيل صدق
مارد اصيل الي يناظر انس وقام يطق الباب وطلعت صمود وتكلم : ابي لصق فيه
هزت راسها صمود تجيب واخذه اصيل يروح لهم وتكلم انس : لا يولد شنبي
اصيل : شعرتين خايف عليهم
سكر فمه اصيل باللصق ولف يسكر فم سيف ورجع يجلس وحط اللصق قدامه يتكي ويسمعهم يهمهمون والباقين يضحكون عليهم
رفع راسه من بقت ترف تضحك وابتسم بهدواء يناظرها وتوترت ترف تسكت وتصد تناظرهم
تنهد تنهيده طويله يناظرها ولف عليهم من تكلم باتل : خلاص فكهم
هز راسه اصيل بالنفي : خلهم يتأدبون
ذيب : عز الله مهم فاتحين فميهم الك
ابتسم بهدواء اصيل وتكلم عزيز : اصيل ترانا مانا في القسم
جراح ضحك: ولو انا في القسم ماسواء كذا
اصيل ناظرهم : اطلع لسنتهم واقصصها هذا الي اسويه
راكان : الله لايحطني في يدك
فارس : ولا انا
لفو من طلعو الجده سلمى وجهير والباقين وتكلمت دليل تناظرهم : وينه عمي ؟
اصيل : مشو
جهير رفعت حواجبها : وهذول وراهم مربطين ؟
هذال اشر على اصيل : فعل حفيدك فيهم
رفعو حواجبهم وتكلمت دليل : وراك مربطهم كذا ؟
اصيل : لانهم ورعان ماعقلو
الجده سلمى : فكهم فكهم ويالله بنمشي
العنود : تو الناس
ساره : نبي نروح طولنا والايام جايه بنجي
هزت راسها العنود وقام اصيل يفك انس وسيف
وسلمو يودعونهم ومشو لسياراتهم طالعين
