سحاب : بس انتي قلتي انتس بردانه
ماردت شادن الي تمشي
وصد جراح الي يناظر الجو وكان دافي ومافيه برد قوي وابتسم بهدواء يلمح يدها الي ترجف وشاده عليها ومشى معهم وهو يراقب حركات شادن
دخلت تشوف البنات مجتمعين وعقدت حواجبها تناظرهم وتكلمت دلال بشهقه : ماسويتي شي وبقي ساعه ونروح
شادن بعدم فهم : وراكم ؟
رحاب : بنت اصحي ملكة اصيل وترف بعد ساعه
فتحت عيونها شادن تناظرهم بصدمه وفزت تنزل عباتها وتجلس تحط معهم ميك اب وتتزين
وبعد ما الكل خلصو ميك اب قامو يلبسون فستينهم
على صوت جهير والجده سلمى الي ينادون تحت
خلصو واخذو عبياتهم وصرخت جيهان تمسك راسها : بنات مالبست اكسسوارتي
دلال : حتى انا اخذيها تلبسينها هناك
شادن : بسرعه معصبين
لبسو نقباتهم ينزلون وطلعو يشوفونهم في السيارات وتكلم اصيل : كان طولتو زياده بسرعه تأخرنا
دلال وهي تركب : شوي شوي يعريس هذا احنا جينا
اصيل : متأخرين خمس دقايق والله فشله
دلال وهي تلبس اساورها : مارح تطير العروس باقي ماطلع لها جنحان
لف عليها اصيل وضحكت دلال وضربت كتفها رحاب : اسكتي
ماردت دلال تضحك وتلبس اساورها وخواتمها
وتكت تناظر الطريق دقايق ووصلو ونزلت تاخذ الشبكه والمهر ونزلو البنات يدخلون الهدايا
ابتسمت تشوف العنود موجوده وضحكت تسلم عليها : سابقتنا
العنود ضحكت : توي داخله
بعدت العنود تسلم على الباقيات وابتسمت تشوف العاملات الي يدورون بالقهوه والحلا ولفت تسمع شادن : وين ورعانتس ؟
العنود : دخلتهم داخل نيام وبيقومون ع الاغاني والصوت
هزت راسها شادن ولفت تناظر ريم الي رافعه راسها وتتكلم وكزتها تتكلم : انتي وراتس تستشهدين
ريم ضربت يدها : بسم الله مدري وراني من العصر وظهري ذابحني
شادن فتحت عيونها : لايكون تاتولدين !؟
رفعت اكتافها ريم وميلت شفايفها شادن تناظرها بخوف وصدت تناظر الضيوف
ثواني ودخلو سميره وخالاتها وبناتهم وقامو دليل وساره يضيفونهم وامتلا المجلس واصوات الحريم علت والضحك يتكرر
ثواني وقامو البنات يرقصون والحريم يصفقون وود حاشره نفسها مع ريم وعصبت من كثر الكلمه الي تتكرر عليها ومن رحاب الي رجعت تقولها : ود يالله قومي ارقصي
ود وهي راصه على سنونها بعصبيه : رحاب اذلفي عنيي مابي ارقص
جيهان : خل يشوفون عروست الاسبوع الجاي تكفين قومي
هزت راسها ود بالنفي تصد عنهم ورجعو رحاب وجيهان يرقصون
لفت من سمعت الطق وطلعت من عندهم
وتكلم هادي يفتح يدينه : وينتس من اليوم اطق ؟
سلمى : من الصوت داخل معاد اسمع اذاني ترجف
ضحك هادي بخفيف وتكلم : ترف وين ؟
سلمى اشرت على غرفتها : في غرفتها
هز راسه هادي يتقدم لها ومشت معه سلمى
دخلو يشوفونها تلعب دلع وتكلم هادي بفرح : عقبال بنتس ان شاء الله
عضت شفتها ترف تصد عنه من شافت الدفتر معه
وجلس جنبها هادي وتقدمت سلمى : هاتي الدلوعه
اخذتها سلمى ولفت تناظر راشد نايم ولفت عليهم : ابوديها امها
هزو روسهم وطلعت سلمى وتكلم هادي يرفع القلب : سمي بالله ووقعي
سكتت تناظر الدفتر ولفت تناظره وتكلم هادي يرفع حواجبه : منتي موافقه ، ماتبينه ؟!
سكتت تناظره ماتدري وش تقول من توترها ورفعت يدها بابتسامه خفيفه واخذت القلم وتقدمت توقع مكان ماشر لها هادي ووقعت وابتسم بوسع هادي يبوس راسها : مبروك مبروك
ابتسمت بهدواء برد عليه ولفت من دخلت سلمى : هاه وش صار ؟
هادي : وقعت
ابتسمت بوسع سلمى ورفعت يدها تزغرط وتقدمت تسلم على ترف وتبارك لها وطلعت تدخل مجلس الحريم ورفعت صوتها : وقعت ترف وقعت دليل ولاوصيكم عليها
ابتسمت دليل تأشر على عيونها ورفعت يدها تزغرط مع ساره وشيخه
