اصيل هز راسه : مهب كذا لاني مالي خلق ادخل محاكم بسبتك
طاحو العيال يضحكون وتكلم باتل : رجع بوستي ماتستاهلها
هز راسه اصيل يضحك وجلسو ياخذون نفس ولفو من رفع صوته راضي يتقدم لهم وبيدينه صحن ويغني ووقف في النص يدور بالصحن ويردد : تفضلو على العشاء وتفضلو على العشاء حياكم الله ياعيال حياكم الله ياعيال
ذيب : نزل صحنك عشان انتفضل
نزله راضي وقام سيف يمسك جركل الماء
و قامو يغسلون ورجعو يجلسون حول الصحن ويتعشون
لفت تكز ترف من مسكتها طقطقه وهي تسمع ام راضي تناديها وطلعت وهي تسمعهم يتضاحكون وهي تمشي وتتحلف فيهم
وقفت تناظر ام راضي : ناديتي
هزت راسها ام راضي : شوفي دخلنا صحون الحريم وبقي صحنتسن دخليه انتي وحنين
لفت تشوف حنين الي متكيه على الباب وتكلم راضي الي وراء الباب وتأففت تشوف ام راضي راحت وتخصرت تناظر حنين : وغير شكلي بوديه لحالي
لفت عليها حنين تهز راسها : اذا تقدرين السالفه ماتتفوت
شادن بغضب : راضي تاتذلف ولا شلون اختك معك في البيت سولف لها هناك
بلع ريقه راضي يسمعها معصبه وهز راسه : اسفين عالازعاج
تخصرت تناظر حنين الي كشرت وعرفت ان راضي راح من صوت خطاه وتكلمت : امشي خلصيني
حنين وهي تشيل معها : وراتس معصبه ؟
شادن ماردت وهي للحين معصبه من البنات وماتدري شلون طلعت عصبيتها على راضي وبتكملها على حنين اذا طولت تزن فوق راسها
ميلت شفايفها حنين ودخلو ينزلون الصحن وتقدمت شادن جهت العنود وترف الي ينغزونها ويغمزون لها ومدت يدها تقرصهم وصرخو بألم وفكت رجلها تركض طالعه من عندهم
فركت مكان القرصه وناظرت ترف الي تضحك وهمست : متعوده
هزت راسها ترف : يدي مليانه معليتس في البدايه لونها احمر من بعدها يتغير يصير اخضر وبعدها تروح ماتقعد
رفعت حواجبها العنود تناظرها مو مهتمه وحركت يدها تفرك مكانها وهي مكشره وجلسو يتعشون بهدواء
ثواني وجت شادن وهي تدور لها مكان بعيد عنهم وجلست تتعشى وهمست امنه : صحيح سكتي راضي ؟
فتحت عيونها شادن تناظرها : والله شكل حساساتس الي شغاله
امنه ضحكت : علمتني حنين
شادن ناظرتهم : لاكلام على طعام
عاليه بذهول : بسم الله عليتس طالعه منها
هزت راسها شادن تاكل وتكلمت ترف : ماكنها اول من يهرج اذا قعدنا
ضحكت شادن تصد عنهم وتتعشى وهي تسمع اسئلة حفيدات ذياب وسوالفهم معهم
تقدم ينزل الحطب في النار عشان ماتطفي ولف على سيف الي جايب اغراض الشاهي وحط مويه في ابريق وحطها على النار وجلس ينتظر
ويسمع راضي الي يغني وينتظر ذيب يجي
ثواني ورجع لهم ذيب وتكلم راضي بابتسامه : هاه ذيبان
ميل شفايفه ذيب يناظر العود وهز راسه ياخذه وسكت يشوفهم يطلبون
ثواني وعدل العود يتنحنح ويقول : هبي علي يابارداة النسانسيس
هبي على جاشن تزايد وقيده
ابتسمو يسمعونه وكمل : سامرت ليلك يا النجوم المناكيس
انثر شريط الذاكره وأستعيده
مدامت الدنيا لطرفه وابن قيس
والله تعالى يفعل اللي يريده
أما طلعنا مثل طلع القرانيس
والا على هرون تبكي زبيده
رفع يده جراح يصفر وابتسم راضي يقول مع ذيب : مافيه داعي للقلق والوساويس
ولا الحسايف والحياه الزهيده
العمر مره والسنين المتاعيس
بكره تقفاها السنين السعيده
رفع يده صقر يأشر على راسه : ياراس لاتشغلك كثر الهواجيس
اللي مضى لايمكن انا نعيده
أطلق خيال الفكر طلق المحابيس
وخل الفرايد تجتمع في فريده
ردد اخر كلمتين وضحك يناظر ملامحهم وتكلم جلال : والله انك جبتها
سكت ذيب يبتسم وعدل العود وتكلم نياف بابتسامه : فيه ثانيه كذا كثير علينا
رفع حواجبه ذيب ل نياف : واجد
تنحنح ذيب يناظرهم وعدل العود يناظر راضي : في ذي لاتردد معي
رفع حواجبه راضي وغمز له من فهم عليه : ابشر
صد ذيب يناظرهم وصد يناظر العود ويقول : اللي مساء البارح وانا سيد سهرها
اقبلت مثل البياض وودعت مثل الخطية
المساء ضج بسوالف عطرها واشعل سفرها
والعروق اللي روت مسيارها خضر وندية
سكتو يناظرونه بذهول وكمل : مانشدت اخت المهاه ليامتى حزة خدرها
حد علمي يوم امد لجيدها شرهة ايدية
عقدها المغرور تاة بعطرها ولا نحرها
ساعة اشرة علية وساعة يشرة علية
كل مالدت على البال والعقد يخرزها
قلت انا ماني خوي عادتة ينسى خوية
ليتها تدري وعقد الماس لويدري عذرها
اشهد ان الجمرة اللي في الحشاء منى وفية
من سرت يمي وانا مالي خيار الا قدرها
كنها كل السنين المقبلة والأولية
من غدت همي وانا مالي ديار الا ديرها
جالها بين الظلوع الظامية روحة وجية
سكت يبعد العود عنه ورفع صوته جلال : ابك الله يلعن الي يجلس عزابي
ضحك ذيب عليه ورفعو يديهم يصفقون وتكلم راضي : بكره ابخطب مقدر اكمل كذا خلاص
عزيز بغمزه : سمعتنا انت بس ماسمعنا منهي
ذيب هز راسه : مالك دخل
ضحك عزيز وتكلم باتل : من سرت يمي وانا مالي خيار الا قدرها
فتحو عيونهم يناظرونه وناظرهم : شفيكم ؟
اصيل : من ورانا
باتل ابتسم يصد وكزه هذال : حركاته ماتعرفونه بينرفزكم
ضحك باتل يأشر عليه وهز راسه هذال : هين هذا اخر همه
امجد : بالله غن
ذيب : وش تبي ؟
سكت امجد يفكر وتكلم انس : تعرف الحب بلوى
هز راسه ذيب بعد تفكير وعدل العود ولفو عليه وبدا يغني وراضي معه : ياصاحبي ماتهون وصاحبك مايهان
انا تراني على هقوتك واللي تبي
الحب بلوى هم من هموم الزمان
لكن عليك بكلام الله وهدي النبي
لا تقول حظك من القمة نزل فالطمان
رفع صوته امجد يقول معهم : واقول لك مايقدر زادي ومشربي
دخلت قبلك مراحل متعبة وامتحان
صقلت مافادني حرصي وكثري اتعبي
اداحم الوقت الامحق بالجنوب المتان
الين ضعفت عزومي وارتخى منكبي
اقوم قومة جمل واطيح طيحة حصان
ورفعو اصواتهم يقولون معه : وابقى على مذهبي مايختلف مذهبي
اموت واحيا واهاجر من مكان لمكان
اليا تذكرت عشقي الاول ومطلبي
مطنوخة الزين كله والدلع والحنان
الغادة اللي سبت فكري وعقلي سبي
من زينها الطاغي يغارون كل الزيان
العنق عنق المها والعين عين الظبي
ابتسمو يسمعونه يكمل وابتسم ذيب من وصل عند : قالت ابي منك امان وقلت كلي امان
انتِ فأمان الله وفي وجهي وفي اشنبي
صروخو العيال ب: شنبي
وكمل ذيب يناظرهم : عشنا سوا ثم راحت كأن م شي كان
قامت عيوني وراسي شاب وانا صبي
سكت ينزل العود بتعب واخذ نفس يناظرهم وتنهد ياخذ كاسته من بردت وكبها يصب له ثانيه وتكى يتقهوى ويسمعهم وهو للحين يفكر في ثاني شيله قالها وكيف انه ماقدر يسكت وغنى في العنود عندهم وسكت ماكمل لانه مايبي يمدحها اكثر من هالمدح عندهم وهو عادي لو يمدح ويقول ويغني اكثر من كذا بس عندها مو عندهم
تنهد يناظرهم ورفع معصمه يشوف الساعه الي صارت ١:٣٠ وسكت يفكر اذا هي رجعت ولا عند البنات وطلع سبحته يلعب بها وارسل عليها : وينتس ؟
وطفى جواله ينتظر ترد ويسمع سوالفهم ويشاركهم
