وهز راسه سيف : انتي وراتس كذا كنتس جلال اذا عصب ؟
مسكو بطونهم يضحكون وتكلمت دلال تناظره بذهول : من جلال ذا ؟
صالح : واحد في الديره
عزيز وهو ياخذ نفس : كنك هو بالنقاب بس الفرق اللون
ميلت شفايفها دلال بدلع : اشباهي واجد بس ماتحصلون احسن مني
امجد وهو يصفق : كفو اخت امجد اي سكتيهم
صالح ناظرهم : لازم نوريها صورت جلال يمكن تهجد
جلست دلال تسمعهم بفضول ولفت على البنات : كيف شكله ؟
ضحكو يصفقون بيدينهم وتكلمت شادن توصفه لها
..................................
طلعت من السوق بعد ماخذت اغراضها وطلعت جوالها تتصل على هادي وهي تتلفت تدور سيارته
ثواني ورد وتكلمت : وينك ؟
هادي : رحت لمحل دقايق واجي
هزت راسها ترف : تمام لاتطول
سكرت ورجعت جوالها لشنطتها تجلس وتناظر السيارات وتنتظر هادي
دقايق وطلعت جوالها من شافت الوقت تأخر والمكان فضى ورجعت تتصل على هادي الي رد : جاي جاي
هزت راسها تسكر ووقفت ترجع جوالها وتاخذ اكياسها
صرخت من حست باليد الي انحطت على فمها وانفها تكتمها بمنديل وعقدت حواجبها من حست فيه يسحبها وغمضت عيونها من تخدرت وطاحت فاقده الوعي
وقف يناظر المكان فارغ والمحلات مسكره وعقد حواجبه يطلع جواله يتصل عليها
دقايق وهو يعيد الاتصال ومحد يرد ونزل من السياره يتركها مفتوحه من الربشه والتوتر الي فيه دخل يمشي في الاسياب وينقل نظره بين الجوال والمحلات لف من سمع رنه جوالها وتقدم جهتها وفتح عيونه يشوف شنطتها واكياسها محذوفه في الشارع وهي مو موجوده
تقدم ياخذها وهو يتلفت ورفع صوته يناديها : تررف ترررررف
مايسمع رد بس يسمع صدى صوته يردد اسمها
اخذ اغراضها وكمل يدور مره ثانيه وبعد دقايق
رجع لسيارته وهو يرجف ويتلفت بأمل يحصلها وللأسف ماحصلها
سكر الباب يشغل ويدعس بنزين واتصل يبلغ الشرطه
فتحت عيونها وهي تحس بدوخه وفزت تناظر الجدران الي تحاوطها وبقع الدم الي منتشره والريحه الخايسه والحشرات الي تتنقل حولها
ضمت رجولها تناظر المكان بخوف ولفت من سمعت صوت سلاسل وعقدت حواجبها تشوف يدها مكلبشه في حديده في الجدار رجعت يدها مكانها من حست بألم الحديد بيدها ورفعت يدها الثانيه تدور جوالها ورجعت راسها من ماحصلت شي وشهقت تبكي وتناظر الغرفه
وترفع صوتها : طلعوني
مدت رجولها تتعدل بجلستها وفتحت عيونها من تذكرت الجهاز الي معها ومثبت بتيشيرتها ورفعت يدها تفتح عباتها وتنهدت براحه من حصلته ورفعت اصبعها تضغط الزر الي فيه وترجع تلف عباتها عليها بأمل احد يطلعها
وهي تحاول تتذكر وش صار وكيف جت هنا
واخر شي تذكره وقت طلعت ونادتها امها وثبتت لها الجهاز
لان هاذي اول مره تطلع لوحدها وبالعاده تطلع مع عاليه او امها
تذكر ان امها ماكانت مرتاحه لروحتها وتذكر انها ترجت امها توافق لانها محتاجه هالاغراض ولازم تجيبها ومحد راح معها لانهم مشغولين
واخر شي وقت كانت تنتظر هادي
رفعت راسها ودموعها غطت وجهها وتفكر اهلها كيف وضعهم الحين وتدعي ربها
