هزت راسها نجود : تخلص بعد بكرا بس لازم اروح الحين
سكتو يناظرنها ودخلت تاخذ اغراضها ومفتاح سيارتها وتقدمت تحضن العنود وهمست : برجع لك
هزت راسها العنود وطلعت نجود تركب سيارتها ولفت من تقدمو عندها الجازي وريم وناظرتهم وتكلمت الجازي : يمي انا مارتحت اخذينا معتس
هزت راسها نجود بحزن على حالهم : ابشري اركبو
تقدمت الجازي تركب جنب نجود وركبت ريم وراء وشغلت نجود تمشي وراء الاسعاف وطالعه من الديره
وبعد دقايق طويله وقفت السياره تاخذ شنطتها وناظرتهم : وصلنا
نزلت ونزلو معها وتقدمت تدخل المستشفى وناظرت الممرض وتكلمت : غرفة الاشاعة
هز راسه الممرض وتقدمت تدخل مكتبها وناظرتهم : ارتاحو هنا لين اجي
هزو روسهم الجازي وريم يجلسون وتقدمت نجود تاخذ جاكيتها وتطلع
دخلت غرفة الاشاعة وناظرت ضاحي الي ممدد على السرير وناظرت الممرضه الي شغلت الاشاعة وتكلمت : وقفي دقيقه
وقفت الممرضه وناظرت ضاحي الي متوتر وتقدمت عنده تتكلم : مايصير تتوتر استرخي لان الاشاعة بتاخذ نص ساعه او ساعه ولازم تكون مرتاح لان اذا صار اي غلط رح ترجع تعيدها مره ثانيه
اخذ نفس ضاحي وهز راسه ولفت على الممرضه وهزت راسها وشغلت الاشاعة
...................................
دخلو الديره ووقف الوانيت ونزل ونزل صقر منه ولفو يناظرون الشياب الي واقفين عند بيت ضاحي وتقدمو عندهم وتكلم ذيب وهو يناظر الباب مفتوح : عسى ماشر
ابو جلال : الشر مايجيك لاكن البنت الي جت مع اختك شالت ضاحي مع الاسعاف واخذت الام وبنتها وطلعو من الديره
ابو عساف : اكيد مسفر مسوي لهم شي ولا ليه الاسعاف يجي والدكاتره
لفو ذيب وصقر يناظرون بعض بخوف وركضو لبيت قايد طقو الباب وفتح بندر ودخل صقر ينادي : العنود العنود
طلعت العنود وهي تركض بفجعه وتكلمت : وش فيه ؟
صقر : بنت خالتك وين ودت ضاحي واهله ؟
مسكت قلبها العنود تناظرهم يناظرونها وتكلمت : اخذت ضاحي للمستشفى عشان تكشف ع الشلل الي فيه وتعالجه
صقر : والبنت والام فيهم شي ؟؟
هزت راسها العنود : لا مافيهم شي بس اخذتهم عشان يتطمنون على صحة ضاحي
ضرب الباب ذيب بعصبيه وتكلمت : الله ياخذك يابو عساف
العنود عقدت حواجبها: وش فيه صاير شي ؟
صقر هز راسه : خرعنا نحسب مسفر مسوي فيهم شي
سكتت العنود تناظرهم وطلعو ذيب وصقر وتكلم بندر بصدمه : مافهمت شي
العنود : وش تفهم بلاوي الله لايبلانا
سكت بندر يسكر الباب ورجعو يدخلون
وقفت عند الباب تودعهم وطلعو يركبون السياره وتناظرهم رايحين نزلت راسها تناظر ساعة جوالها وكانت ٤:٢٣ استغربت ان نجود للحين ماكلمتها
ناظرت سيارتهم رايحه ودخلت تسكر الباب ونفتح عقدت حواجبها ترجع وراء من انفتح الباب ودخل عقاب بعصاته يناظرها تكتفت تناظره وسكر الباب وتكى على عصاته يناظرها رفعت حواجبها تناظره وتكلمت : عسى هالجيه خيير
عقاب هز راسه : كل خير
سكتت تناظره وتكلم : وش هدفتس من الجية ؟
رفعت يدها تأشر عليه : لاحظ انت الي جاي مو انا
عقاب ضرب عشانه في الارض وتكلم : وش جابتس من ديرتس لهنا
العنود بابتسامه : اعيش مع ابوي الي تركني لاسباب تافهة
رفع حواجبه عقاب يناظرها وتكلم بابتسامه: مهو عشان فلوس و ورث امتس
جمدت مكانها تناظره بصدمه وكمل : جاية تاخذينهم ريال ريال
سكتت تناظره ثواني وعقدت حواجبها تمثل الاستغراب : اي فلوس واي ورث تتكلم عنه
عقاب ضحك بسخريه يناظرها وتكلم : لاتستغبين علي ابوتس يدري انتي جاية عشان فلوس ولا
سكتت تناظره وكمل : بلعتي لسانتس
وبعصبيه : وين لسانتس الي من جيتي ماسكت
العنود بعصبيه: لاترفع صوتك
عقاب هز راسه : بكيفي. يانتس تذلفين من الديره وترجعين لمحلتس ياتجلسين وترضين بكل شي
تكتفت العنود تناظره وتكلمت : انت شكلك جاي تحارش ونسيت اني برد عليك بعشر
عقاب : ماني جاي احارش جيت عشان اقولتس ان بكره بيجي المملك وتملكين على ولد عمتس غصباً عنتس
وعلمت ابوتس والباقين كلهم عن الفلوس وقلت اذا انتي هدفتس فلوس بترفضين واذا انتي هدفتس ابوتس ومحبته تاتوافقين على ولد عمتس وتملكون بكره
