وتكلم صقر : انت علامك تونس شي يوجعك شي علمنا لاتسكت
ظافر هز راسه بالنفي يسكت وسكت صقر يناظره
وتكلم جلال بقل حيله : ياخي اهرج ياخي تكلم علمنا وش بلاك
اخذ نفس ظافر يناظرهم يناظرونه بخوف وقلق وتكلم بهدواء : مافيني شي وانا علمتكم
ريان : وراك قالب اجل منت بالي نعرفه
تنهد ظافر يمسح وجهة وتكلم ذيب : فيه شي الاهل فيهم شي مكدر خاطرك
هز راسه ظافر بالنفي : مابهم شي بس فيه موضوع مكدر خاطري وايام وتنفرج لاتشيلون هم
سكتو يناظرونه ثواني ورجعو يكملون سالفتهم متجاهلين ظافر الي متكي ويناظر الفراغ ويفكر يقولهم ولا
رجعو للبيت وكانو البنات في الجلسه والجده سلمى جالسه وتقولهم قصصهم اول وجلسو معهم يستمعون ثواني وخلصت القصه وتكلم سيف : الله يرزقني صبرتس يجده كم مره عدتي القصه هاذي ؟
الجده سلمى : لو اقولها مليون مره مامل منها
فارس : طيب قولي سالفة يوم طلعتي الرشاش
الجده سلمى : هذي وانا جدتك زمان وحنا في الخيام قبل تطلع البيوت والبنا وقتها انا حامل ب عمتكم ساره وحاكم معي عمره خمس ست سنين بس كان ورع مايعرف
ومحداً عندي عمي وخالتي كانو معزومين وعقاب راح معهم وجلست انا عند الحلال
وادخل الخيمه اباخذ لي غرض الا واسمع صوت السياره الي وقفت واطل من الخيمه قلت انهم عمي وخالتي وابطلع الهم وانا اقف محلي واناظر في الرجال الي نزل من سيارته ويفتح الشبك حق اللبل واتفحص الرجال وهو متلثم بشماغه ويدخل عند اللبل وتهج النياق ويطيح شماغه الاه يوم وضح هو من وارجع للخيمه واخذ الرشاش واطلع له هو شافني طلعت بالرشاش ارتاع يحسب محد فيه وانا موجوده ومادراء عني
ويروح يركب سيارته ويروح واقوم ارجع الرشاش محله واطلع ارد النياق لشبكها ويجي عمي واعلمه بالي صار ومن بعدها ماحوص حولنا هالشايب
صقر : حي عينتس والله
العنود بتركيز : من كان الرجال الي جاء ؟
الجده سلمى : صنهات عدواً لجدتس وكم مره يسمم البل ويكشفه عمي ويتحلف فيه ويروحون يغيرون اكل اللبل بواحد ثاني وصرنا ننتبه منه
رفعت حواجبها العنود بذهول تناظرها وتكلم سيف : الرشاش فيه الحين ؟
الجده سلمى : اخذه جدك مدري وين قلعه
ريم : قولي قصه ثانيه
الجده سلمى : وش تبين بس واقول
لفت تناظرهم ريم وهي ماتعرف قصصها وتكلمت شادن : قولي قصة حسنى
ضحكت تهز راسها وبدت تقول القصه
صحت على صوت الدولاب وتكت بيدها تحت راسها تناظره يلبس حزامه وتكلمت : بتروح
هز راسه وهو يلبس جاكيت البدله ولف عليها : ازعجتس
هزت راسها تناظر الدولاب : لازم نحصل له حل لازم يضرب يعني
ذيب وهو يتعطر : اصبري كم يوم واغيره لتس والحين انا ابروح تامرين شي ؟
هزت راسها بالنفي ترجع تنسدح ولبس بسطيره يطفي النور وطلع يتركها تنام
وقف يناظر الديره الهاديه وكانو الكل نيام وسما بالله وركب السياره يفتح جواله ويتصل على جراح وشغل طالع من الديره لمكان العمل ولحسن حظه ماكان بعيد وهذا الي مريحه انه مارح يضطر يغيب اسبوع عن اهله عشان الدوام
ناظر الجوال من رد جراح يقول : ارحب
ذيب وهو يناظر الطريق : البقى وصلت
جراح : باقي شوي ووصل وانت لاتكون سبقتني ؟
ذيب ابتسم : مابقي لي شي
جراح هز راسه : حلو اسمع اذا وصلت قبلي بتحصل اصيل وهو بيدلك
هز راسه ذيب : زين انا وصلت ابسكر طيب
هز راسه جراح يسكر وناظر سيارة ذيب من وقفت ونزل وزود في السرعه عشان يلحق عليه
وقف ولف ذيب عليه لانه كان يعدل بدلته وهز راسه من حصله جراح ونزل جراح يقفل سيارته وتقدم يسلم على ذيب ويدخلون سوا
وكان قدامهم اصيل الي ينتظروهم ويناظر ساعة معصمه ومن شافهم جايين تعدل في وقفته يناظرهم ووقفو قدامه ورفع حواجبه يناظروهم يناظرونه ورفع صوته اصيل : ياعسكري
استوعبو ورفعو ايديهم يدقون التحيه وابتسم اصيل : استرح
استراحو وتقدم يسلم على ذيب : وراكم مسرع نسيتو التحيه
ذيب : توتر يارجال مهب طبيعي
جراح : تونا في البدايه ارفق علينا ياعميد
اصيل : عاد فليتوها لاتمونون ويالله على شغلكم
جراح ناظر ذيب الي ناظره وتكلم : بيجحدنا بس اسم الجد فيه بيكشف السالفه
ضحك اصيل يهز راسه ومد يده يدلهم ومشو يدخلون مكاتبهم ويبدون شغل
