سكتت العنود تناظره وكمل ذيب : موت سطام مافيه ادله وله يوم ونص وهو طايح محد حس فيه وسجن راضي صار قبله بيوم وجيت شياب الديره عندنا الرياض عشان راضي ماخشت مزاجي ويقدرون يتصلون ابوي مايمر يوم مايعرف احوالهم في الجوال مزرين وهم في بيوتهم يدقون يقولون راضي صار له كذا وكذا
لازم يطقون مشوار ويمرحون في الرياض واليوم الثاني يرجعون للديره وفي وجيهم على طول ل ابو حميدان ماجلسو دقيقه وحده ولا قالو نص ساعه ونروح للبو المقتول
وابو الزفت وش قال اول ماشاف ابوي تم اغير رايي بس تزوج شادن يالعنود بالله عليتس جايينه رجال اكبر من ابوي ويعزهم اكثر من ابوي ورادهم خايبين ويوم شاف ابوي على طول غير رايه
سكتت العنود تفكر في كل كلامه وتكلمت بصدمه : صح عليك والمملك الي ملك لهم ماسئل عن مهر وعن شروط ؟
ذيب : صالح يقول على طول ملك لهم وطلع مع ابو حميدان
سكتت العنود بصدمه تفكر ثواني وتكلمت : كلامك صح اكيد فيه احد وراء الموضوع بس شلون نعرف
رفع كتوفه ذيب يمسك راسه : هذا الي عجزت اعرف له
عضت شفتها العنود تناظر الفراغ وتفكر وتنهدت تقوم : نام وريح بكرا ان شاءالله نفكر
سكت ذيب يتمدد وطفت النور العنود تتمدد وهي تناظر ذيب الي يناظر السقف ويفكر
فزت تسمع اصوات الكلاب حولها وناظرت اصيل الي لازال محاوطها وبلعت ريقها تسمع الاصوات تقرب وضربت صدره بخفيف : اصيل اصيل
لفت تمد يدها تدور جوال واخذت جواله تفتحه وشافت الساعه ٤:٢٠ الفجر وعقدت حواجبها تفكر كم لهم ساعه هنا ولفت على اصيل تهمس : اصيل تكفى قم رجعنا فيه صوت هنا
فز اصيل يناظر حوله وهمست ترف تسمي عليه وتكلم اصيل : من هنا ؟
ترف وهي تعدل حجابها : اصوات الكلاب قريب رجعنا البيت
مسك راسه اصيل وناظرها لازالت بحضنه : والله زينه النومه هنا ومعك
ترف تمسكت في الدركسون وكتفه عشان ترجع مكانها ومسك ذراعها اصيل يساعدها وجلست مكانها تدور نقابها وتأففت تشغل النور وعقد حواجبه اصيل الي ماصحصح للحين واخذت نقابها من مكان اقدامها وناظرت اصيل الي نزل راسه على الدريشه ورفعت يدها تهزه : اصيل
ناظرها اصيل وهزت راسها ترف : صحصح تكفى مو ناقصين نضيع بعد
تنهد اصيل يشرب ماء وطفى النور وتكلمت ترف تشغل النور : لا خله عشان اشوفك اذا نمت
سكت اصيل يشغل السياره ولبست نقابها ترف تشيل القهوه والفناجيل وحرك اصيل راجع للديره
عضت شفتها تشوف الرجال متجمعين في الحوش وابو راضي متكتف يسمع ابو حميدان الي يهدد : مايطلع راضي لين ترجع البنت لبيتها
حاكم تنهد يناظره وكمل ابو حميدان : ماهقيتها والله يحاكم تاخذ بنتك بليلة عرسها متى صارت هاذي لو دراء ابوك عن سواتك هاذي تفل في وجهك
حاكم عقد حواجبه : احترم انك في بيت عقاب وثمن كلامك والبنت جت مع اخوها ومهي عيب لان ولدك راميها في الحوش واخوها فزع الها
عضت اصبعها تشوف الوضع اشتد بينهم ولفت تشوف شادن الي حاضنه امها وناظرتهم متوترين ودخلت تقوم ذيب
ناظرته للحين نايم وتقدمت تضرب كتفه بخفيف : ذيب
عقد حواجبها ذيب يجلس وكملت العنود بتوتر : غسل واللبس الرجال متجمعين في الحوش وابو حميدان معهم
وسع عيونه ذيب : الساعه كم ؟
العنود : ثمان الصبح
تأفف ذيب يقوم يغسل وطلع يلبس وصلى الفجر وطلعت العنود وثواني وطلع وراها
دخل يسمع كلمة ابو حميدان الي رماها على ابوه وعقد حواجبه بغضب يمسك فك ابو حميدان وهمس : احترم نفسك واللزم حدودك
سكت ابو حميدان الي مايقدر يتكلم لان ذيب شاد على فكه واعلى عنقه وكمل ذيب بهمس : تاخذ ولدك وتذلف من هالبيت ولاشوفك داخله
حميدان تقدم وفك يده ذيب يناظرهم وحرك فكه الو حميدان يمين ويسار وتكلم حميدان : تدري اني اقدر اشتكيك زوجتي ومالك حق تاخذها مني
ذيب هز راسه : بس لي حق اخذها المحكمه واخليها تخلعك
سكت حميدان يناظره ولف ذيب على ابو حميدان ودخل يدينه في جيوبه : والمملك الي جبته لكتب الكتاب منهو نعرفه ؟
ابو حميدان : لاتغير الموضوع
ذيب رفع كتوفه : ماغيرت الموضوع انا في نفس السالفه
وناظر حميدان : الحين اطلع للمحكمه واعلمها كل سالفتكم ويحكون ومالك حق تطلب غير الديه
وتاتسمع وش يقولون
لانت ملامح ابو حميدان وحميدان يناظرونه وكمل ذيب يناظر ملامحهم : راضي بيطلع وشادن ترجع النا وغيره مالكم عندنا
ابو حميدان : اجل جيبو النص الثاني
ذيب رفع حواجبه ولف يناظر العيال : شاهدين انه طالب مليون ونص ؟
هزو روسهم العيال وابتسم ذيب يناظر ابو حميدان : يالله اخذ ولدك وتقلع
عض شفته ابو حميدان يناظر ذيب وناظرهم كلهم وتقدم سيف يفتح الباب وتكلم ذيب يناظر ابو حميدان : خله يفتحونه هم
وقف سيف يناظرهم ولفو الو حميدان وحميدان طالعين ولف ذيب يناظر ابو راضي والباقين يناظرونه ورفع صوته ذيب : شادن اجهزي عشان نمشي
دخل ذيب يجلس ورفع يده ياخذ الترمس وصب له قهوه وتكى يناظر الفراغ ويتقهوى
