جلست تنتظر ولفت على امها الي تمسح دموعها
مدت يدها تمسك يد امها وتشد عليها وتكلمت : ياميمتي ماله داعي دموع
ناظرتها الجازي ومسحت دموعها تشد على يد ريم وسكتت تهدي نفسها
وبعد ثواني لفت من همست ريم : يمه
ناظرتها وناظرت وين تناظر ووقفت من شافت كل شياب الديره وشبابها جايين جهتهم
تقدم ابو راضي : سلام عليكم
هزو روسهم يردون وتكلم ابو جلال : بشرو
الجازي بهدواء : توهم مدخلينه غرفة العمليات
ابو راضي : استودعيه الله وان شاء الله يطلع متعافي
الجازي وريم بهمس : ان شاء الله
سكتو من تقدم صقر يعطيهم مويه وناظرته ريم وصدت تجلس
لفت تناظرها الجازي وناظرت صقر ومدت يدها تاخذ المويه وتجلس بدون اي كلمه
سكت صقر يناظر ريم بحزن وصد يبعد
وبعد ساعات طويله ناظرت الشياب من بدو يتعبون والي نايم والي يتثاوب وتكلمت : ارجعو لبيوتكم وان طلع علمناكم
سكتو الشياب يناظرونها وفزو الجازي وريم من طلع الدكتور وناظروه بتوتر
تقدم ينزل كمامته وناظرهم متوترين ويرجفون وتكلم : نجحت العمليه
ابتسمو بفرح يناظرون بعض وتقدمت الجازي تسجد من الفرحه
وريم مغطيه فمها بذهول وبعد ثواني تكلمت : نجحت ؟!!
هز راسه الدكتور بابتسامه: الحمدالله بس لازم يضل كم يوم عندنا عشان يلتم الجرح
هزت راسها تناظر امها الي قامت وتقدمت تحضنها
والشياب والشباب يسلمون على بعض ويباركون بفرح
لفو على ريم والجازي الي يبكون من الفرح ويحمدون الله وتكلمو بصوت واحد : مبروك يام ضاحي
الجازي بابتسامه: الله يبارك فيكم ياربعي
ابتسمو يناظرونها وتكلم عقاب : الحمدالله تطمنا على ضاحي يالله نرجع للديره وان طلع لبيته انسوي له عشاء
هزو روسهم ولفو طالعين
وقفو من تكلم ابو جلال : من تاترجعون معه يام ضاحي ؟
ناظرتهم الجازي من لفو عليهم وتكلمت : ابابات عنده اليوم ونجود ماهي بمقصره
ابو راضي : وبنتس ؟
ناظرتهم ريم وسكتت تناظر امها وتكلم صقر بتوتر : معليه انا ونياف بنطول نبا السوق ناقصنا كم غرض ناخذهم ونرجع للديره ردبنا واحد
الجازي لفت تناظر ريم الي تناظرها وتكلمت ريم : ماله داعي روحو انتم وانا ابجلس مع امي ماني مخليتها
تنهد صقر يناظرها وتكلم ابو ريان : وين تقعدين الله يهداتس كل من فالمكان غرب مايصلح تقعدين عندهم
تكتفت ريم تاخذ نفس وناظرتها الجازي الي ماتبي تخلي ولدها ولا تبي تخلي بنتها ثواني وطلعت نجود من الغرفه ناظرتهم واقفين وتكلمت : نقلوه في غرفتة تقدرون تشوفونه
هزو روسهم الجازي وريم ومشو معها
ناظرو بعض الشياب وتكلم ابو راضي : اسمع ي ابو حاكم تجلس مع احفادك وتجيبونهم وتجون
ابو جلال : اييه مانا بمخلين هالورعان معهم الحالهم
ناظرو بعض صقر ونياف وناظرو العيال الي يناظرونهم مبتسمين وهمس صقر : افا مافيه ولا ذرت ثقه
كزه نياف عشان يسكت وتكلم عقاب : وان كانهم ورعان نخليهم الحالهم الا يجلس معهم ابوهم ويجون سواا
سكتو يناظرونه رايح وناظرو قايد الي يناظرهم ومشو طالعين وراء عقاب
وقفو يناظرون بعض وتكلم قايد بعصبيه: لمتى وانا اتحملكم واتحمل اشغالكم الي تطلع فجأه
ناظرو بعض صقر ونياف وتكلم نياف : انا ابروح لخويي هذال حالف ماطلع الا وانا مقابلة وقلت اخذ صقر معي وجيت معنا انت
قايد : وليه ماهرجت عند جدك كذا ؟
صقر : يبه انت تعرف جدي لو عرف يباياخذنا وقلنا نكذب عشان مايردنا
تكتف قايد يناظرهم وتكلم : ووينه خويك ؟
نياف : اقريب مهب ابعيد
مشى قايد ومشو وراه رايحين ل هذال
