يناظر عيونها يتذكر كل الصدف الي جمعتهم يتذكر ملامحها ودلعها وفرحتها وكيف تحرك شعرها رجع له مظهرها وقت كانو في بيت العنود
صحو على صراخ البنات ولفو من ارتطمت سيارتهم في السياره الي قدامهم ورفع معصمه يثبت ود قبل تصقع في القزازه قدامها وتكلمت رحاب بصرخه : بغينا نموت بسبتكم
فتح بابه ينزل يشوف الصدمه وتنهد من كانت خفيفه ولف على السياره الي قدامه وناظر صاحبها من تكلم ماسك راسه : مالي يومين شاريها
عض شفته نياف يشوف اضرار سيارته وتكلم يناظر الشخص : احمد ربك في الحديد ولا فيك
الشخص ناظره بصدمه : يرجال الحديد ذي تعبت عشان اشريها
تخصر نياف يناظره وناظر سيارته ولف راجع للبنات : انزلن فيه مطاعم هنا
دلال : بس مو المطعم الي نبيه
ود ناظرتها : انزلي كيف نوصل هناك بالله عليك
نزلت ود ونزلو البنات وراها وتقدمت ود تشوف الضربه وتكلمت جيهان : مايحتاج تشوفين لان بيصير اكثر اذا ضليتو على وضعكم ذا
ناظرتها ود بطرف عين ومشت تناظر المطاعم وتختار
تكى على سيارته يسمعه يكلم وتكتف ينتظره يخلص
دقايق وخلص يسكر جواله ولف عليه : وش السواه الحين
صاحب السياره : كلمت خويي ويبي يجي
ميل شفايفه نياف يجلس في سيارته ويناظر جواله وثواني ورفع راسه يناظر الي جا ورفع حواجبه نياف يناظر ضاحي ولف يناظر الرجال وتكلم ضاحي : اووله جمعكم ربي في صدمه
نياف : وش السالفه ؟
ضاحي : حسام خويي
وناظر حسام : نياف
حسام عقد حواجبه : تعرفون بعض ؟
ضاحي : نياف ولد العايله الي من جماعتنا
رفع حواجبه حسام يناظر نياف وتكلم نياف : المهم الحين كم تكاليف سيارتك
حسام ناظر نياف ورفع كتوفه وتخصر نياف وتكلم ضاحي : كيف صارت ؟
حسام : جيت ابركب سيارتي الا وطويل العمر يضرب سيارتي
نياف رفع يده : دقيقه ماكنت قاصد
ضاحي مسك كتف حسام : امس مبشرني انه شراها وفرحان فيها
حسام هز راسه : يرجال تعبت وانا اجمع قيمتها اخرتها راحت
نياف : صبر وراك مكبر السالفه انت ترا بس الصدام واللوحه المنعدمين الباقي سهل
مسك راسه حسام وتكلم ضاحي يناظر السيارتين : سهالات يريجيل سهالات
جلس حسام يناظر سيارته ولف يناظر سيارة نياف وتكلم بهدواء : عشاني ماسمعت كلام ابوي وصليت الفجر في وقتها
لف عليه نياف بصدمه ولف يناظر ضاحي الي مذهول وكمل حسام : كل يوم اصلي في وقتها الا اليوم من الفرحه فيها اخرتها
نياف ضحك وتكلم ضاحي : اجل لاعاد تأخرها عشان ماتروح السياره كلها
ميل شفايفه حسام يناظر سيارته ولف ضاحي يناظر نياف الي يضحك وميل شفايفه يتكتف
جلست تنزل شنطتها وتكت بيدها تحت لحيها تناظرهم واقفين وتكلمت نوف تهزها : وش تبين نطلب لج ؟
ود وهي تناظر نياف برا : مدري اي شي
ميلو شفايفهم البنات يناظرونها وصدو يفكرون وش يطلبون وجيهان تكلم فجر
عضت شفتها تناظر السيارات وتفكر
لفت تشوف البنات قررو وقاعدين يقولون لها وش بيطلبون وهزت راسها بدون اي كلمه وطلعت جوالها تدخل رقمه وتكتب : وش صار ؟
طفت جوالها تشوفه جلس بسيارته وفتح جواله وناظرت جوالها من رد : نحتري المرور
ميلت شفايفها تكتب : مطولين ؟
نياف : مدري عن الي عندي يتحلطم فجر راسي
ابتسمت بهدواء تكتب : ادخل افطر لين يوصلون
ارسلتها تسكر جوالها من وصل طلبهم وبدو يفطرون و ود تنقل نظرها بينهم وبين نياف الي واقف مع ضاحي وحسام
