رفعت حواجبها العنود من فهمت : اها لا قم اول وتسمعها
جلس ذيب وبتنهيده : الله يصبرني
ضحكت العنود تمشط شعرها ودخل ذيب يتروش
خلصت تفتح شنطته وتطلع له هودي وواخذت عطوره تحطها على التسريحه وناظرت العطر الي يتوسطها واخذته تفتحه وتقربه من انفها وابتسمت من تذكرت ايام الديره ووقت شمع في يدها نفس العطر وعضت شفتها تتذكر شعورها وقتها ووقت حضنها ذيب وكانت اول مره يحضنها
ضحكت على نفسها وكيف فكرت ولفت تشوفه طالع بشورت بس واشرت وهي للحين حاطه العطر عند انفها : هاذا هو البسه
ناظره ذيب ثواني ولف عليها : وش تشمين ؟
العنود رفعت عطره : احلا عطر شميته
رفع حواجبه ذيب وتقدم ياخذه يشمه : هذا عطري !
هزت راسها العنود : اي او شي حبيته لك
عقد حواجبه ذيب بعدم فهم وتقدم يلبس الهودي وجلست العنود تقوله السالفه وابتسم ذيب يناظرها : يووه هاك اليوم صدقت انتس سرقتيني
ميلت راسها العنود وكمل ذيب : يوم ترقصين كنت واقف اشوفتس والله مدري كيف تحملت زينتس
رفعت حواجبها العنود وكمل ذيب : يمين بالله بغيت ادخل اخمتس قدامهم واطالبتس معاد تلبسين كذا
فتحت عيونها العنود : مادريت
ذيب تنهد : ادركت اني طحت ومحد سمى علي
العنود ضحكت : بسم الله عليك
ابتسم ذيب ووقفت العنود تعدل له الهودي ورفعت نفس العطر : لاعاد تحط غير هالعطر
ذيب اخذ العطر : طيب بس بشرط
ناظرته العنود وكمل ذيب : ترقصين نفس رقصتس هاك اليوم
العنود فتحت عيونها : شرقي
ذيب هز راسه : الي هو اهم شي ترقصين
عضت شفتها العنود ثواني وهزت راسها : اوكي
ابتسم ذيب واخذت العطر تبخ عليه منه واخذت عباتها تلبسها ولفت حجابها واخذت شنطتها وطلعت تشوفه ينتظرها وشبكت يدها بيده ومشو طالعين
صحو الكل من بدري وافطرو ووقفو الرجال وقامو معهم العيال بيطلعون للديره ووقفهم صوت الجده سلمى : لاتروحون الا وحنا معكم
لفو عليهم وتكلم حاكم : يمه ماله لزوم حنا تكفي
جهیر هزت راسها : امك صادقه مانا مخلينهم
الجده سلمى ناظرت ابو راضي : الله يصبركم وان شاء الله يلين ابو حميدان
ابو راضي هز راسه : الله يجزاتس خير يام حاکم
الجده سلمى ناظرت حاكم : لازم وانا امك لازم نروح ونوقف مع امه تلقاها حالها ماش وانا ما يطاوعني قليبي ماجيها واواسيها بعد الي عرفته
سكت حاكم يناظرهم جاهزين ولف يناظر العيال وتنهد يهز راسه : توكلنا على الله
مشو الجده سلمى و جهير ورزان وساره وزينب ودليل وياسمين وركبو سياراتهم وتكلم ذياب : يا عيال نصكم يجلس عند البنات مانا مخلينهم لحالهم
لفو يناظرون بعض العيال وتكلم اصيل : انا بجلس
جراح : ابجلس انا بعد وانتم علمونا وش يصير
نياف ناظرهم : اجل انتبهو لسيارتي وعلموني وش يصير فيها مقدر اخلي خويي والله
هزو روسهم وتكلم حاكم : ام سطام مهي جايه ؟
شادن : يبه ماتقدر تخلي دلع وراشد
هز راسه حاکم ورجع يكرر : ذيب لا يدري لين يجي انتبهو تعلمونه وهو هناك
هزو روسهم ومشى حاكم سيارته وركبو الحريم ومشو متجهين للديره والكل يفكر وش بيصير وهل ابو حميدان بيصمل على كلامه ولا يغير رايه
