ثواني وطلعت العنود وهي تضحك من سالفة البنات : هلا
صقر تكتف يتكى على الجدار وراه : ذيب وين رايح ؟
رفعت اكتافها العنود : مدري ليه تسئل ؟
صقر فرك جبينه : مدري ماني مرتاح لروحته
عضت شفتها العنود بخوف وتكلم صقر : اذا كلمتس علمينا
هزت راسها العنود تشوفه نازل ولفت ترجع للبنات
الي يخططون وش بيسوون الليله
ناظرت نوف الي اخذت عباتها ونزلت ولفت للبنات الي وقفو عند الدريشه يشوفونها وجلست تاخذ جوالها
تقدمت تبوس راس ذياب ونزلت تبوس يده وتكلم ذياب : الله يرضى عليتس
ابتسمت تناظره وغمز ذياب : عندتس شي وشهو ؟
نوف برائه: ودي نسوي قعده اليوم ونشوي ونستانس شرايك ؟
هز راسه ذياب : وش بعد ؟
نوف : والله مانخرب بس بنسهر ونتعشاء
اسامه : وعلى حساب من ؟
عضت شفتها نوف تناظر ذياب وضحك ذياب يطلع بطاقته ويمدها لها : لاتصرفون واجد
فزت نوف تناقز بفرح وباست راس ذياب وركضت راجعه للبنات
دخلت عليهم وهي تغني وترقص : فزي له يارض لا جاك بشويش يتمايل ، هو مو بقصده لاكن كذا ربي خلقه
رفعت البطاقه وهي تتمايل وتكمل : ماتصنعها ولا تفرده كل الوسايل هو مو قصده ولاكن كذا ربي خلقه
ضحكو البنات يعززون لها وجلست نوف تبعد شعرها بغرور : بطلع السوق مابي اقعد معكم
ضربتها دلال : يالمغروره ترا كلمت المطعم بيجون بعد شوي
نوف بتمثيل للنسيان : اي مطعم حبيبتي جدي عطاني بطاقته وش ابي فيكم روحي ادفعي انتي انا بطلع للمول واتقهواى مع صحباتي
تقدمت جيهان تاخذ البطاقه وصرخت نوف توقف تاخذها منها : خلاص بجلس معكم مارح اروح
ضحكو البنات وتكلمت دلال : يوم طفرتي ذكرتينا
ضحكت نوف تفتح جوالها : وش المطعم الي طلبتي منه ؟
دلال : جديد وصحباتي يمدحون الكباب والمشاوي عندهم وبنجربه بس ترا شرطت عليهم يسوونه عندنا وقالو تمام
رحاب وقفت : اجل قومو نجهز الجلسه
اخذت عباتها ووقفو البنات يلبسون وطلعو معها
لفت تشوف جوالها ماوصلها ولا رساله منه وصدت تاخذه وتنزل بدون اي كلمه
في مكان بعيد عنهم
لفو من وقفت السياره وتكلم اصيل يناظر السايق : ليه وقفت ؟
لف عليهم السايق : فيه تفتيش
هز راسه اصيل ونزل شوي من الشباك الي جنبه يناظر المكان ولف من تكلم ذيب : عطوني المنظار
اخذه ذيب ولف يناظر به وهمس يناظر اصيل : سكر الدريشه عندك
سكرها اصيل ومد عليه المنظار ذيب واخذه يقرب يشوف ورفع حواجبه يناظر الي واقفين ببدال شرطه وتكلم يناظر السايق : لاتبين شي خلك طبيعي
هز راسه وعض شفته يشوف جراح الي يناظرهم وعبدالله الي يتلفت ويحاول يفهم : بدت المهمه متنكرين بلبس الشرطه وينظمون الطريق
لف من وصله اتصال وطلع جواله يرد : وش صار معكم ؟
سعد : الطريق مسكر وفيه دوريه
اصيل : مهم دوريه العصابه متنكرين بلبسهم تخطوهم
هز راسه سعد يناظرهم تقدمو عنده ودعس بنزين يمشي ويتعداهم
ابتسم اصيل من تخطوهم ولف يشوفهم ولف على السايق : زود السرعه شكو فينا
هز راسه السايق يزود
وتكلم جراح : كيف عرفتهم
ذيب : نقط الدم في الطريق تبعتها بالمنظار لين شفتهم طرح وراء الشره
هز راسه جراح وهو رافع حواجبه ويسمع اصيل الي بلغ عنهم
دقايق ووصلو للمكان ونزلو يشوفون سيارة سعد والعسكر الي معه
ونزلو يفرشون الفرش ويتعشون عشان يبدون
