نوف رجعت شعرها وراء اذنها بتمثيل للدلع : نادي باتل
صرخو البنات وضحكت نوف تاخذ الترمس : حفضنا انه اخوج خلاص فكينا عاد
ود : الله تجنن اللهجه عليج
نوف وهي تصب قهوه : حبيبتي
رحاب : تكلمي كذا عند باتل
هزت راسها نوف : اخذتوها حلا خلاص مزحنا لاتزودونها
مدت النجال نوف تعطي البنات وتكلمت : وش مسوين ؟
هزو روسهم وتكلمت شادن : مسرع تونا قبل ساعه طلعنا ورجعنا مايمدي نسوي شي
دلال ضحكت : كفو هذي الي تصلح معي عادي نصير صديقات
ضحكت شادن تهز راسها و ضحكو من صافحو بعض وتكلمت جيهان : صدقيني بتغثك لاتصادقينها
شادن ابتسمت ترفع كتوفها و فتحت عيونها جيهان وتكلمت ود : جيهان حاولي تسحبين نفسك
جيهان ناظرت الباقين : تصيرون صديقاتي
ضحكت ود : تحديد الكل
هزت راسها جيهان تضحك وتكلمت نوف : كيف البيت ؟
هزو روسهم وتكلمت ريم : زين
هزت راسها نوف ولفت على العنود : بتجلسين هنا
هزت راسها العنود : بيتي موجود بجلس هناك
ابتسمت نوف : الله لو نجلسين هنا بنفلها ونستانس
ابتسمت العنود ولفت تسمع البنات
لفو من نزلت سميره بفستان وحاطه سماعاتها وتغني وترقص وناظرتهم جالسين ومرت من جنبهم تغني
وتجاهلوها البنات يسولفون
سكتو من الرجال الي دخل وعياله وراه ووقفو يسلمون وبعد السلام جلسو يتقهوون وهمس ذيب للعيال : من وين تعرفونه ؟
باتل ناظر مشاري وعياله وهمس : جارنا
ميل شفايفه ذيب يشوف نظرات بندر وسكت يناظره بعناد
يحس بيد صقر الي تهزه وجراح الي يناديه وصامل مايبعد انظاره عن بندر الي كانه يتحداه بالنظر وذيب مو اقل منه
همس يرص على سنونه ويناظر بندر : قفلو عني ناوي شر هالادمي
جراح ناظر بندر : وش ناوي شر عيونك تطلع لهب وتاتشب فيه
صقر : ذيب خلك منه واسمعني
هز راسه ذيب وهو يناظر بندر ثواني ونزل عيونه يفركها بألم
وابتسم ذيب بنصر من نزل نظره بندر ولف عليهم : اييه وش تقولون ؟
صقر : خلصنا السالفه وش بلاك انت ؟
ذيب بعدم اهتمام : تحداني وخسر مسوي نفسه
جراح : ممكن نعرف وش التحدي
ميل شفايفه ذيب بعدم اهتمام ولفو من دخل اصيل يهرج جده ووقف ذياب يرفع صوته : حياكم الله على عشاكم
وقامو الكل يتعشون
...................................
الصباح
صحو الكل من بدري بعد يوم مُتعب ونزلت تشوفهم يفطرون وتقدمت تسلم وتجلس تفطر معهم وتكلمت تناظر امها : ليه ماصحيتوني بدري ؟
شيخه : خليتس لانتس مارقدتي البارح ترتبين
هزت راسها شادن تفطر ولفو من تكلم قايد : عمي برا اذا تاتجون
هزو روسهم وجلسو يكملون فطورهم ودقايق وقام حاكم يطلع مع قايد ولحقوه العيال
لفو يشوفون اصيل الي دخل ببدلته ولف عليه ضاحي : الحين
هز راسه اصيل وتكلم : متأكد تجي
هز راسه ضاحي وكمل : واهلك
ضاحي : ماودهم
هز راسه اصيل يطلع وطلع وراه ضاحي
ولحقوهم العيال
وقفو عند السياره يشوفونهم جايين وتكلم سيف : وش عندكم انتم من امس وانتم داخلين طالعين ؟
ضاحي : محاكمت ابوي اليوم وابروح
رفعو حواجبهم يناظرونه وتكلم صالح : تاتروح ؟
هز راسه ضاحي وتكلم راكان : وش تاتسوي هناك ؟
اصيل : مارح يسوي شي بس يجلس ويناظرهم
سيف ميل شفايفه وتكلم صالح : صامل
هز راسه ضاحي : تجون معي ؟
لفو يناظرون بعض وهزو روسهم وتكلم اصيل : اركبو تأخرنا
تقدمو يركبون وشغل اصيل رايح
نزلو يشوفون ذيب وجراح واقفين ببدالهم ينتظرون وتقدمو عندهم وتعدل ذيب يناظر العيال : وش جابكم ؟
سيف : جينا مع ضاحي
عقد حواجبه ذيب : تدرون وين جيتو انتم ؟
صالح هز راسه : مانا مسوين شي نوقف مع ضاحي بس وناظرهم
اصيل : خلهم عادي لو يدخلون ترا
ميل شفايفه ذيب ومشى اصيل ومشو معه دخلو يشوفون العساكر متوزعين والمحامين وتقدم اصيل يكلمهم
ثواني وأشر لهم اصيل من بدت الجلسه ودخلو
جلسو جنب بعض وضاحي في النص وسكتو يناظرون قاعة المحاكمه ثواني وكملو الحضور ودخل القاضي وبدو
وبعد دقايق طويله تم الحكم والي هو : اعدام
غمض عيونه وهو يحس بمويه بارده انكبت على صدره وابتسم بهدواء يفتح عيونه يناظر مسفر الي واقف ويدينه مكلبشه ويناظره ولف يناظر العيال وهز راسه بابتسامه وابتسمو من ابتسامته ولفو يشوفون مسفر الي لازال يناظرهم او يناظر ضاحي بالتحديد حتى وهو يمشي مع العساكر الي ماسكينه
واخذ علبت المويه يشرب وهو يناظر مسفر رايح معهم تنهد تنهيده طويييللله ولف على العيال الي يناظرونه وتكلم : وراكم ؟
صالح : ضاحي فيك شي انت ؟
هز راسه ضاحي يقوم ولفو من تكلم سيف : ترف
لفو من اشر لهم وعقدو حواجبهم يشوفون الي ماسكه اوراق وتناظرها وتكلم سيف يرفع صوته : هيه ترف
رفعت راسها من سمعت اسمها وعقدت حواجبها : بسم الله
صالح : وش تسوين هنا ؟
ترف رفعت حواجبها تناظرهم يناظرونها ورفعت الاوراق وتكلمت : انتم وش جايبكم ؟
سيف : جايين مع ضاحي ابوه
قاطعته ترف الي وقفت تجمع اغراضها وهزت راسها : عرفت حضرتها انا بعد بس ماتوقعت تجون عشانه
صالح : المهم وين اخوانتس وراتس الحالتس هنا ؟
ترف : هادي في شغله وغيث عند ابوي وانا جايه اطبق
راكان باستغراب : تطبقين !؟؟
سيف بضحكه : يدرون اهلتس ؟
هزت راسها ترف : لو مايدرون ماشفتوني هنا
مشت تطلع وتكلم صالح بعدم تصديق : وين المصرع خل يمسكون اختهم ؟
جراح باستغراب : وراكم عادي طيب تشتغل مافيها شي
راكان : هذا عندكم عندنا لا تمسك بيت اهلها احسن الها
ميل شفايفه اصيل يناظرهم معصبين وتكلم : جازت لكم الصاله بتقعدون هنا
هزو روسهم ووقفو يطلعون
