سميره : رحت للشركه ومن اجتماع ل اجتماع
ود : يوه يهالشركه الي فيها اربع وعشرين ساعه
سميره بثقه : مايكملون بدوني
ناظروها البنات بكره ولفت على ذياب : اي وين كنتو ؟
ذياب وقف : يقولون لك البنات سالفه طويله وتعبت وانا اعيدها
هزت راسها بهدواء وطلع ذياب وناظرت البنات ثواني وتكلمت : بنام لاحد يزعجني
مشت تطلع وسكتو البنات يناظرونها رايحه ووقفو يروحون لجهير والباقين
فتحو البوابه يدخلون السياره ونزلو وتقدم ذيب يفتح الحوض ورفع صوته : صالح حاكم سيف ركان فارس
ثواني وجو وطمر ذيب في الحوض يناظر الاغراض ولف من جو شيخه ورزان وزينب والبنات ياخذون اغراضهم وبعد ماخلصو : اخذتو اغراضكم كامله ؟
هزو روسهم وكمل ذيب يناظر العيال : يالله الباقيه نوزعها على الجيران
تقدمو العيال وكل واحد اخذ كرتون وطلعو يوزعون
...............................
في المطبخ ويجهزون السحور
طلعت شادن وبيدها صينية اللبن وجت شيخه وراها بصحن السحور
والعنود بالكريمه توزعها
لفو من تكلم قايد : يالله يعيال سحور قومو
ناظرو سيف وفارس وراكان الي متسدحين ونيام ورفعت عصاها الجده سلمى جهتهم تقومهم
وجلسو الكل حول السحور وجلسو سيف وراكان وفارس اماكنهم يناظرونهم بيستوعبون وتكلم سيف : كم الساعه ؟
حاكم : ثنتين الليل تعالو تسحرو
وقفو يدخلون يغسلون ورجعو يجلسون وبدو يتسحرون
لفو من طاح ناصر ووقف حاكم فوقه يناظره بعصبيه : انا وش اسوي فيك سودت وجينا عند الناس
الجده سلمى بفجعه : لا اله الى الله تونا في اول رمضان وراكم
حاكم اشر على ناصر : اسئليه وش مسوي
زينب : وراك على الولد اخلص اهرج علامه
حاكم : ماسكه وراء بيتس يكلم
ناظروه بعدم فهم وتكلمت زينب : كلن معه جوال ويكلم مافيها شي
حاكم بغضب : يكلم بنات هذي التربيه الي ازعجتينا فيها اخرتها يتدسس ويسوي الغلط
فتحو عيونهم بصدمه يناظرون ناصر واخذ الجوال حاكم يكسره وتكلم : عساني اشوف معه جوال لين والله لاخليك تلحقه
وناظرهم : جايني ابو راضي يقول امسكه اشغلنا مغير يطقق البيبان واذا فتحو له البنات قعد ايتغزل فيهن ويوم دخلت بيتس الاه منسدح على الجوال ويسولف ويضحك
مسكت راسها الجده سلمى : يويلك من ربك
سكت ناصر يناظرهم وصرخت زينب : اذلف ذلفت مارجعت لاتشوفك عيني
فز ناصر بخرشه وطلع وسكتت زينب ماسمع راسها وتستغفر وجلست حاكم يشرب ماء وسكتو يكملون سحورهم
خلصو سحور وتسدحو العيال يناظرون السماء وتقدمو البنات يشيلون الاغراض ووقفت الجده سلمى تدخل تريح وقايد وحاكم دخلو بيوتهم
تقدمت تنزل صينية الشاهي وجلست جنيها العنود وسكتو يناظرونهم متسدحين لفو من طق الباب وفز ذيب يفتح لانه عارف الطقه طقة من ورفع صوته من فتح : ارررررححححببب
تقدم صقر بابتسامه يسلم عليه وذيب يرحب ودخلت ريم وراء صقر وفزو شادن والعنود يسلمون عليها
وبعد السلام تكلم صقر : وين جدتي وامي وابوي وعماني
العنود : داخل وكلن في بيته
صقر هز راسه يدخل يسلم عليهم وريم بالمثل وبعدها طلعو للحوش وجلس صقر : العلوم
ذيب : اترك علومنا علومك انت ؟
صقر : علومي زينه الحمدالله
سيف : دعيتو لنا معكم ؟
صقر : جمعتكم في دعوه وحده
راكان : زين انك ذكرتنا
هز راسه صقر وضرب رجله صالح : اسمع فيه سالفه صارت اليوم
فارس ناظرهم وفهم سالفتهم وقام يستئذن وطلع ناظروه رايح ورفع صوته سيف : فروس تعال وين رايح
فارس رفع يده وطلع تاركهم وتكلم راكان : شكله فهم وش ابقول
صقر بفضول : اخلص اهرج
صالح بدا يقوله سالفة ناصر وان ابوه مسكه ورفع يده صقر : ايييه داري من زمان
ناظروه بصدمه وتكلم صقر : بس انا هددته ماعاد يعيدها وقلت اني ابعلمكم وقام ايترجاني معلم احد وانه اخر مره يسويها وسكتت
ذيب ضرب رجله : من متى تدري ؟
صقر : تذكرون يوم تملكت ورقدت في السطح
هزو روسهم وكمل : هاك اليوم سمعت احد يهرج يوم طليت الاه متكي ويسولف واقوم اطمر عليه واهجده
راكان : وماعلمتنا
صقر : لانه ترجاني وقلت بيهجد مادريت انه رجع
شادن : طيب وش كان يقول ؟
صقر طلع لسانه : هرج فاضي ويمدح نفسه وهو خرطي
ناظروه بذهول وتكلم سيف : تسذوب نويصر
هز راسه صقر يشرب كاسته وجلسو دقايق يسولفون وقبل الاذان بخمس دقايق فز حاكم يجيب علب ماء ويوزع عليهم وبدو يشربون وفز صالح يودي ابوه مويه لان موصي قبل الاذان يصحونه يشرب ماء
واذن وقامو يوضون ويطلعون للمسجد يصلون الفجر
والبنات صلو وراحو للمطبخ يطلعون من المفرزنات يحطونها في التبريد عشان اذا جهزو الفطور تكون مبرده ومو جامده وطفو الانوار وراحو ينامون
