هزت راسها العنود : ننزل الحين
تكتفت تناظر الجو وطلعت جوالها تصور وجلس ذيب يتكي يناظر معها وجلست جنبه العنود تتأمل المنظر وغروب الشمس وانوار دبي الي اشتغلت وكانت مذهوله من جمال المنظر
دخل يسلم وابتسم يشوف فواز يصيح : اخيراً طلع صوتك
حاوطته الجازي تهديه : توه صاح يوم جيت
جلس صقر على طرف السرير : من بدايتها
ضحكت ريم بتعب : شكله يحب الصياح
ابتسم صقر يفرد يدينه وتقدمت الجازي تعطيه فواز وباس راسه صقر يناظرهم : متى تطلعين ؟
ريم : بكرا الظهر واذا قدرت طلعوني اليوم
هز راسه صقر بهدواء وتكلمت الجازي : وش اعلوم ابو راضي والباقين سنعت انهم جو
هز راسه صقر ينزل فواز بيدين ريم : اي والله جو وراحو الصبح وراحو معهم ابوي وعمي وجدتي كلهم مابقي غير البنات واصيل وجراح
عقدت حواجبها ريم وبلعت ريقها الجازي : وراهم ؟
تنهد صقر يقولهم السالفه ومسكت قلبها الجازي بشهقه
وفز فواز ورفعت يدها ريم تسمي عليه وناظرت صقر : صادق
هز راسه صقر وتكلمت الجازي الي مصدومه : الله يصبر امه واهله يووه يمديها تطير وتوقع
ميل شفايفه صقر وتكلمت ريم : كان راحو البنات معهم
رفع كتوفه صقر : مدري شكلهم رادينهم انا ترا ماجيتهم الا اولا حتى امس ماقابلت الشياب دخلت غرفتي ورقدت مدري عنهم
الجازي : وذيب والعنود روحو
هز راسه صقر وهمست الجازي : الله يستر عليهم والله ماقصرت
ريم : جت طبخاتهم صمود ونزلت فطور وقهوه تقول من عند العنود
رفع حواجبه صقر بابتسامه ولفو من طق الباب ودخلت فاطمه وابتسمت تسلم عليهم وتقدم صقر يبوس راسها وجلست فاطمه : كيفك اليوم
ريم هزت راسها : الحمدالله
هزت راسها فاطمه ولفت تشوف الجازي تصب قهوه ورفعت يدها : تسلمين والله مبي
لفت الجازي تاخذ فنجالها وجلست تناظر صقر الي يناظر فاطمه ومبتسم ولف يناظر صقر وابتسم بهدواء ينزل راسه يناظر يدينه ويسمعهم يسولفون ويفكر
هو عاذرهم كلهم بس امه حتى ماسئلته عن ولده وماباركت له عض شفته يتذكر الصبح وقت شافها طالعه بعباتها وابتسم يوقف جنبها : تاتروحين لولدي وريم
ولفت عليه رزان بطرف عينها : لا ابروح مع الحريم ومرتك الياء طلعت للبيت جيتها
سكت يهز راسه وطلعت رزان رايحه معهم
رفع راسه من هزته فاطمه : شفيك تناظرني وتفكر
ناظرهم صقر وابتسم يهز راسه : لا بس كنت افكر اقول وراء ماترجعين للبوي ؟
فاطمه شبكت يدينها : ابوك وهو بعيد مرتاحه انا مهو لازم اقابله
ميل شفايفه صقر : بس لايجي يوم وتفكرين اننا ماندانيتس تقبلنا العنود وحبيناها ويوم جيتي حبيناتس من حبنا لعنود
هزت راسها فاطمه : وانا بعد دامكم طيبين مع العنود انا طيبه معكم
ابتسم صقر بهدواء ووقفت فاطمه : استأذن ولاتنساء تعزمني على التمايم
هز راسه صقر : ابد اول الحاضرين انتي
ضحكت فاطمه بخفيف ومشت طالعه ولف صقر يناظرهم ووقف : ناقصكم شي ؟
هزو روسهم بالنفي وتكلمت الجازي : شف الدكتور يمكن يطلعونها اليوم
هز راسه صقر يطلع يسئل ولفت الجازي تشوف ريم تتثاوب واخذت فواز تحطه بسريره وتغطت ريم تنام
