صمود : امين ويبشرنا بعودتك قريب
هزت راسها تمسح دمعتها : ماكنت ناسيتها ثانيه وحده من ذاك اليوم واذا فكرت ارجع اقول مارح تسامحني واقعد بمكاني وبعد هالخبر برجع بكرا اكيد
صمود ابتسمت : صدقيني بتسامحك
هزت راسها : الله يسمع منك ياصمود والله مانساء معروفك معي والله انك تستاهلين كل خير
ابتسمت صمود تمسح عيونها : بدك ابكي الحين مالو داعي تحكي كذا والي سويته كان واجبي وانتو بتساهلو الخير
هزت راسها تدخل غرفتها : بشوف اول طياره رايحه للسعوديه وبجي
ابتسمت صمود : تمام مع السلامه
سكرت من صمود تاخذ الاب ورفعت يدها تمسح دمعتها ورفعت راسها تهمس : يارب تسامحني
رجعت تناظر الاب وتدخل الموقع تحجز
ابتسمو يشوفونهم دخلو وفزو شادن وعاليه يركضون
ضحك هادي يشوفهم جايينهم ورفع صوته : بشويش عليها
ابتسمت ترف من حضنوها وطاح عكازها من يدها تحاوطهم وتسمع تعابيرهم
ابتسمو يبعدون ورفع يدها شادن تضرب كتفها : ليه كذا تسوين فينا خوفتينا نصيح عليتس من ضعتي
ترف رفعت اكتافها : مالي ذنب انتم تحبوني
عاليه رفعت عكازها : امسكي
اخذته ترف تعدله ومشت معهم للباقين
وقفت تشوفهم جو يسلمون عليها ويتحمدون لها بالسلامه
ابتسمت ترد عليهم وجلست على الكرسي من حطته عاليه وراها وتكلم غيث بضحكه وهو ماسك راسه : يكبر رجلها
ناظرته ترف ورفعت عكازها تضربه بخفيف : كله شاش وجبص رجلي نتفه شف كيف
اشرت على رجلها الثانيه وهز راسه غيث وتكلمت الجده سلمى : عساها ماتوجعتس
هزت راسها ترف : بشويش
هزت راسها الجده سلمى ولفو من دخل اصيل يسلم وجلس وهو يناظر ترف الي صدت عنه وتكلم يصد : حمدالله على السلامه و اخر الاوجاع
هزت راسها ترف تسكت وماتعرف ليه توترت من دخلوه وسكتت تناظرهم يسولفون
.................................
يوم كتب كتاب بندر & سميره
كانو الكل يدورون ويجهزون ويرتبون ويبخرون
والمغرب الكل جهز وطلعو لبيت جهير يستقبلون الحضور والمعازيم على صوت الاغنيه الي مشغلتها سميره وحالفه ماتطفي
دخل وراء ابوه يسلم عليهم ووقف يناظر ذيب الي قدامه وسكت ذيب يناظره ومر من عنده بندر يسلم على الباقين
ميل شفايفه ذيب يبتسم ويسلم على الباقين ورفع صوته ذياب يرحب فيهم ويقلطهم
دقايق ودخل المملك ورفع يده يسلم وقامو الكل يسلمون عليه وجلس يتقهوى
عند الحريم كانو صواني الحلا تدور عليهم والبنات فرحانين ويرقصون الين دخلت فرح وراها عذبه وجمان والعاملات الي يدخلون الشبكه والهدايا
رفعت حواجبها فرح تسلم على العنود وبعدت تناظرها كاشخه ومتزينه وميلت شفايفها تمر وتسلم على الباقين
ابتسمت تحضن جمان الي صرخت تحضنها بشوق وبعد ثواني بعدت تسلم على الباقين
رفعت حواجبها تشوف نجود بينهم وتكلمت : تسجيل خروج من عايلتنا لهم
هزت راسها نجود تضحك وتسلم عليها
وجلسو بسوالف وضحك ورقص
الين رفع صوته اصيل : نادو سميره
ابتسمت دلال تطلع تنادي سميره الي على طول نزلت
تقدمت تناظر اصيل مبتسم وماسك الدفتر بين يدينه واخذت القلم توقع وتقدم يبارك لها
وصرخت دلال تقولهم ورفعو يدينهم الحريم يزغرطون واشتغلت الاغنيه وتقدمو يرقصون مع سميره
ثواني وجلست فرح وسميره جنبها يشوفون البنات يرقصون ثواني وخلصت الاغنيه واشتغلت الاغنيه الثانيه وتقدمو العنود ونجود يرقصون ودخلت جمان معهم
عضت شفتها فرح تناظر العنود ونزلت نظرها لبطنها
ورجعت تشوفها فرحانه وترقص وماكأن بندر كان يعني لها
