وقف ياخذ نفس ولف يشوفهم لازالو يلحقونهم وكمل يركض مع نياف الي تعداه
ضحك يشوف الجيران يناظرونهم يركضون في الشارع
ورفع يده : نياف وقف وين رحت ؟
اخذ نفس يكمل ووصل عنده يناديه ولف عليه نياف يوقف وانحنى ياخذ نفس وتكلم باتل يجلس على ركبه : وش هالركض المجنون
نياف لف يناظرهم من قربو ورفع يدينه ينزل شماغه ولفها وناظرهم وتكلم : الي يقرب ابلسعه
وقفو عندهم ياخذون نفس وتكلم اصيل يناظر البيت : يعيال جيرانا ادركو انا ورعان
انس جلس : الله ياخذكم جاني ارتجاج في الامعاء
مسكو بطونهم يضحكون من كلمته ولفو من وقف عندهم جارهم وتخصر يناظرهم : مسوين شي ومنحاشين من جدكم ؟
رفعو حواجبهم يضحكون وتكلم اصيل يهز راسه : لا لا
عماد : وراكم صدى ركض رجولكم يلج في بيتي
انس بضحكه : افرش بيتك ومايلج
كزه هذال يسكته وانحنو يضحكون مره ثانيه
وهز راسه عماد يروح تاركهم
فزو من صوت البوري جنبهم ومسك قلبه انس : ترقى الارتجاج لقلبي
عضو شفايفهم يمنعون ضحكتهم وناظرو الي فتح دريشة السياره يطلع راسه ورفع صوته : يهيب الا وش مجلسكم في الشارع البيت طول بعرض ماكفاكم ؟
اصيل هز راسه : لا والله مهب كذا بس طلعنا انتمشى
ذياب بعصبيه : تمشون في الشارع يالله قدامي للبيت
سيف بهمس : يعيال جدي عقاب عندنا اليوم
فز على صرخة ذياب : اعجلو
هزو روسهم يتقدمون يركبون وصرخ ذياب مره ثانيه : انزلو وارجعو كعابي
جراح : يجد من متى وانت عنيف كذا ؟
ذياب : من عرفت انكم سلق تدوجون في الحواري فضحتوني في الجيران ماكن عندكم سيارات
عضو شفايفهم ينزلون وتكلم باتل : تمون يالغالي
مسك راسه ذياب وفتحو عيونهم يحطون رجولهم ركض ويرجعون للبيت
نزلت الحطب وتقدمت تحط مكعبات اشعال نار ومدت يدها ب الولاعه تولع
بعدت تجلس مكانها وتسمع البنات يسولفون
لفو من دخلو العيال يركضون ووقفو بنص الحوش وطاحو على الارض من التعب
وبعدهم دخلت سيارة ذياب
وقف حاكم الصغير وهو معصب منهم واخذ علبة ماء وفتحها يوقف فوقهم ورش الماء عليهم وعقدو حواجبهم يناظرونه وتكلم حاكم بعصبيه : ليه رحتو وخليتوني ؟
سيف جلس يضم رجوله : احمد ربك ماجيت ولا لتنخرش
مشى من عندهم حاكم يجلس ووقفو العيال يجلسون معهم وتكلم جراح : ماشاءالله على شبة النار
جلسو يمدون ايديهم يتدفون ولفو من عطس باتل وناظروه خشمه احمر وتكلم اصيل : قم تدف زكمت ٠
ود رفعت يدها على جبين باتل : حرارتك مرتفعه
نزلت يدها : قوم اللبس مارح يدفيك ذا
باتل : فروتي وين ؟
ود رفعت اكتافها : مدري مو في غرفتك
ميل شفايفه باتل يرفع كتوفه ووقف يدخل
رفع حواجبه يشوف جده جالس في الصاله ومشى بيرقى ووقف من تكلم ذياب : تعال تعال
نزل باتل يجلس معه وتكلم : امر
ذياب : وش تضاربتو عنده ؟
باتل عقد حواجبه : ماتضاربنا نلعب وشديناها
ذياب هز راسه : شكلك بديت ادحدر ؟
ميل راسه باتل بعدم فهم وتكلم ذياب : انت مسئول عن امك واختك بعد ابوك صح ؟
هز راسه باتل : ايه عسى ماشر ؟
ذياب : عاجبك الي يصير مع اختك ؟
عقد حواجبه باتل : وش يصير ؟
ذياب ضحك بسخريه : منت قد المسؤليه اجل
باتل : دقيقه ابفهم وش السالفه ود مافيها شي هذي هي موجوده ومتعافيه الحمدالله
ذياب : اسمع عمك توي جيت من عنده وخطب ود لولده فهاد
فتح عيونه باتل بذهول وكمل ذياب : رمالي شماغه الي قدام الريجيل وطلبني وماقدرت ارفض وقلت تم
باتل بانفعال : جدي انت تسمع وش تقول
هز راسه ذياب وكمل باتل بصدمه : فهاد الورع جدي توه العام متخرج من الثنويه ود اكبر منه بسبع سنين
ذياب وقف : ورع ولا عود انا قلت تم والعمر مايهم بكره يكبرون مع بعض ويتعودون
عقد حواجبه باتل من كلام جده ودخل ذياب ومسك راسه باتل يدخل اخذ فروته ومشى طالع لهم
عض شفته يشوفهم يضحكون ومندمجين وناظر ود الي تعلق وسكت يجلس وبناظر النار بهدواء
لف من اتصل جوال ود واخذته ترد : اهلين سميحه
عض شفته يناظرها ووقف يأشر لها تقفل وعقدت حواجبها ود تناظره وهمس باتل : صرفيها
ود بهدواء : سميحه شوي واكلمك
نزلت جوالها تسكر وتكلم باتل يمد يده : قومي معي دقايق ؟
عقدت حواجبها ود باستغراب وناظرتهم يناظرونهم وقامت تمسك يد باتل ومشى باتل و ود جنبه
ميلو شفايفهم باستغراب وتكلمت جيهان : شكل فيه سالفه ؟
دلال وقفت : لازم اعرفها
مسكتها نوف تجلسها : اهجدي ود بتعلمنا
عزيز : وراكم ملقوفين كذا ؟
رحاب وهي تناظرهم بعدو : يمه بنات شكل السالفه قويه
اصيل ناظرهم : سؤال انتن وش دخلكم اخو واخته خلوهم
سكتو يناظرون بعض وتكلم صالح : يعيال اشتكت للديره
سيف : اسكت اولا جدتي تكلم حريم الديره ومتكي عندها من الشوق
مسكو بطونهم يضحكون وتكلم ذيب : افااا وش تبي بالحريم تسمع فيهن ؟
سيف : ابعرف احوال الديره
نياف : وعرفت شي ؟
سيف هز راسه : جلال اعرس على زاهيه وعساف اخذ حنين
دلال ناظرته : جلال الي تقولون يشبهني ؟
طاحو يضحكون وتكلم اصيل ياخذ نفس : محد يشبهك يابنت الحلال انسي
شادن : تخيلو انهم كلهم اعرسو في يوم واحد
صالح تعدل : وراهم ماعزمونا ؟
شادن : يقولون مانبي نتعبكم مع هالخط
صالح تكى : ه والله ماعزمهم على عرسي
ذيب ضحك : فكر انت اول
جراح ناظر سيف : هاه ماعرفت شي غير العرس
هز راسه سيف : ماجابو غير هالسوالف
رحاب ضحكت : مسجل
ضربو رجولهم يضحكون دقايق وسكتو ياخذون نفس ولفو على باتل الي جلس وناظرو ود الي اخذت اغراضها وشهقت تتفجر كتمتها للبكي وركضت تدخل
نوف بصدمه : تبكي ؟!
لفو يناظرون باتل الي ملامحه ماتطمن وفزو البنات يدخلون وراء ود
وتكلم اصيل يناظر باتل : وش السالفه ؟
باتل ناظرهم بهدواء وتكلم بغصه : عمي
فزو يتعدلون وتكلم عزيز بسرعه : مات
باتل ابتسم : ليته مات وماسواء الي سواه
عقدو حواجبهم وتكلم اصيل : تعوذ من ابليس وعلمنا الزبده ؟
باتل : جدي كان عندهم يقول انه رمى شماغه على جدي وطلبه ود ل فهاد
فتحو عيونهم بصدمه وتكلم جراح : فهاد الورع
هز راسه باتل يكمل : وجدي لبى طلبه
مسكو روسهم يناظرونه بصدمه وتكلم ذيب : شفناهم قريب ؟
هزو روسهم بالنفي وتكلم باتل يقول سالفتهم ومن فهاد ومن اهله ل احفاد عقاب لانهم مايعرفونهم
