مسكت راسها العنود وكملت شادن : لاتزعلين نويت اقولتس بس ماقدرت والله
ريم : زوجته انتي
العنود : ولو المفروض قلتي لي
شادن بكذب عشان ماتقلب عليها : صدقيني بغيت اقولتس بس مادريت الا متأخر
سكتت العنود تناظرها بزعل ولفو من دخلت سحاب وتكلمت : جدتي تقول تعالو للعشاء
هزو روسهم وتكلمت شادن للعنود : لاتزعلين مني
اخذت نفس العنود تناظرها وتكلمت : المفروض تكلمتي الحين كيف بقابله
شادن : معليتس ذيب ترا طيب ويمشي الموضوع عادي
تأففت العنود توقف : روحو تعشو مابي انا بنام
ناظروها توقف وطلعت تاركتهم
لفو يناظرون بعض شادن وريم ووقفو من نادتهم سحاب مره ثانيه وراحو يتعشون
والعنود دخلت الغرفه ومسكت راسها تناظر حولينها وتفكر
ثواني واخذت روبها تدخل تاخذ شور سريع دقايق وطلعت تنشف شعرها واخذت بجامه تلبسها
وجلست تفتح الاب وتشيك على المزرعه والقصر وتعرف الاوضاع من الكاميرات الموجوده
وبعد دقايق طويله رجع كل منهم لبيته بتعب بعد سوالف وضحك ووناسه
ناظروهم جالسين في الحوش وقدامهم شاهي وتقدمو يجلسون معهم وتكلمت الجده سلمى : وش جديدكم
عقاب الي توه دخل بعدهم بعصبيه : جديدنا اني ابثور في هالورع عشان افتك وارتاح
حاكم : لا اله الى الله هد يابن الحلال
عقاب ناظر ذيب الي متكي وماعطاه اهميه : متى تعقل هاه علمني تبيني احتال فيك انت تبى امك تصيح عليك
شهقت شيخه تناظرهم بخوف وتكلم ذيب : وانا وش سويت ؟
عقاب مسك الزبيريه وحذفها عليه : لاتجنني وتسوي نفسك ماتدري
الجده سلمى بخوف : يارجال اهرج علامك عليه
حاكم : يبه اهدا وطول بالك لاتتعب
عقاب مسك راسه بصراخ : من سمح لك تذكي الشاه وانت تدري اني اببيعها
ذيب وقف وناظره : ومن سمح لك تبيع العلياء وانت تدري مبي ابيعها
ناظرو وكمل ذيب : والله ماعاد ينفع الا كذا وانا مسويها لعانيه فيك عشان تعرف ان حق الناس مالك دخل فيه
عقاب تقدم يضربه بعصاته وصرخ : ماتربيت انت وابربيك الليله
فزو العيال وحاكم يبعدون عقاب عن ذيب وصرخ فيهم عقاب : ان جيتو حطيتكم معه
الجده سلمى بعصبيه : وخر ذبحت الولد
مارد عقاب ولفو من صرخ ذيب بألم من ضربه فظهره وصرخ حاكم يوقف قدام عقاب : خلاص لمتى وحنا نسكت ونتحمل
وقف عقاب يناظره وكمل حاكم : صبرت وسكت وعيالي ينهانون ومقدر اسوي شي خلاص اعتقهم يأدمي
عقاب : تحامي عنه وتخلي ابوك
حاكم : تركتهم الايام الي راحت عشان ارضيك بس اليوم مقدر اسكت عيالي معادهم ورعان ويعرفون مصلحتهم
عقاب : يعرفون مصلحتهم يحارشون جدهم قدام الناس
حاكم اشر : لانه انت الي بديت وانت اتحمل
اخذ نفس بعصبيه وناظروهم بخوف وضرب عصاته عقاب في الارض ودخل تاركهم
مسحت على ظهر ذيب وناظرها يهز راسه : طيب
مسك راسه حاكم وتكلم قايد : هونوها وتاتهون
حاكم : هينه اصلن
دخل حاكم بيته ولفو يناظرون بعض وناظرو نوره الي تبكي في حضن شادن وشادن تهديها ولفو من دخل سطام وناظرهم : يالله قومو نبى نرجع
هزو روسهم بالنفي حاكم وسحاب وصرخ سطام : قومو
الجده سلمى بصرخه : فوضى هي كل من دخل قام يصايح
شادن ناظرت سطام : خلهم عندنا
سطام تخصر : وليه اخليهم
شيخه بعصبيه : سطام اقصر الشر واطلع عيالك بيجلسون عندنا ومايروحون
سطام : امهم تبيهم
شيخه : تجي تجلس معهم
لف سطام يطلع ووقفو صقر وسيف وتكلمت رزان بعصبيه : وانتم سوو مصيبه وتعالو خلوه يجلدكم
سيف : نبى نرقد هذي مصيبه ؟
صقر : انا ابروح للعنود ماني براقد الحين
رزان : ومن متى وانت والعنود تقابلون
ناظروها وتكلمت الجده سلمى : وراتس انتي بعد اخته واكيد يهرجها
رزان سكتت تناظرهم وتكلم قايد : رح ولاتتطول
هز راسه صقر يروح ووقف ذيب يحرك ظهره بتكشيره وتكلمت شيخه توقف : اصبر ابجيب زيت وادهن مكان الضربه
هز راسه ذيب واخذ شماغه يروح وراء شيخه ولفت شادن تناظر حاكم وسحاب ونوره : تعالو عشان ترقدون
وقفو يدخلون معها وجلسو الباقين
