ذياب بتركيز : الحين انتم كملكم هنا ؟
قايد : فوق الثمانين سنه
ذياب فتح يدينه : واستفدتو شي ؟ ماعندكم فيها املاك واصلن وش تملكون كلها كم يوم وتهد لان ماعليها صكوك
سكتو يناظرونه ثواني بصمت
تأففت تناظر الحريم الي حول جدتها ولفت تناظر امها : يمه
شيخه : هلا
سلمى : ابطلع امشي برا واباخذ شادن معي عشان نمر البقاله
شيخه ناظرتها : واخوانتس وينهم وراء ماترسلينهم ؟
سلمى : اخواني ماشفتهم من بعد الغداء واكيد ان ابوي مشغلهم ولا مع عيالي عمي ذياب
شيخه : طيب اسمعي انتبهي لنفستس ولاتتعبين وجيبو الاغراض الناقصه معتسن
هزت راسها سلمى ورفعت صوتها شيخه : شادن ي شادن
شادن وهي تركض : هلا يمه
شيخه : روحي مع سلمى وجيبي الاغراض من البقاله
شادن باستغراب : والعيال ؟
شيخه : مدري وينهم المهم انتبهي لاختس ولا تشيل الثقيل
هزت راسها شادن : ابجيب عبباتي واجي
هزت راسها شيخه تدخل للحريم وطلعو سلمى وشادن
وقفو من لفو عليهم العيال ووقف ذيب يتقدم عندهم وهمس : وش مطلعتسن ؟
سلمى : نبي نروح نجيب الاغراض من البقاله
ذيب مد يده : عطيني اجيبها
سلمى قربت تهمس : اسمع انكتمت من الجو داخل وعماتي مغير يتبكبكن وماودي اصيح معهن وابطلع اشم هواى احسن لي
هز راسه يناظروها : طيب لاتطولن وانتبهن
هزو روسهم ولفو من طلعت العنود واخذت نفس تناظرهم : عبالي رحتو قلت بلحق عليكم
شادن : علامتس ؟
العنود : بطلع معكم ولا ماتبوني ؟
سلمى مسكت معصمها : من يردتس انتي تعالي بس
ذيب تخصر يناظر العنود : ايه بدينا وليه تاتروحين انتي ؟
العنود : قالت لي عمتي انهم بيروحون للبقاله وقلت اروح معهم لان ابي كم شغله وبعد بغير جو شوي
ذيب : اف كلكم منكتمين ؟
هزو روسهم يناظرونه : طيب وانتي انتبهي ؟
هزت راسها العنود ولف ذيب يفتح الباب وطلعو ووقف يناظرهم رايحين
ورجع عند العيال يجلس ويستمع لسوالفهم
مسكت معصمها تمشي بهدواء وناظرتهم وهمست : ياربي انا وش جابني بين الحميل
العنود كزتها : حرام عليك انا خفيفه
شادن : انتي اهون من البطه الي جنبي شلعت كتفي
سلمى ضربتها : اسكتي بس
سكتت شادن ودخلو البقاله وعطت الورقه العامل : خذ جب الاغراض هاذي ؟
العامل : وليه مافي جيب انتا
شادن بنرفزه : ماتشوفيني ماسكه الحميل
كشر العامل بعدم فهم وناظر الورقه وقام يجيب الاغراض
لفو من وقفو جنبهم ينزلون الاغراض الي معهم وهمست شادن للعنود : ابتس من هذول ؟
العنود رفعت كتوفها : وانا وش يعرفني
سكتو من تكلم عزيز : وين راح العامل ؟
جراح : شكله داخل انتظر لين يجي ؟
ثواني وجاء العامل ينزل الاغراض على الطاوله وشهقت شادن : يويلي من يشيل كل هذا ؟
العامل : مدام انت شيل انا مافي ودي رجل تعبان ؟
شادن : تاتشيلها وانت ماتشوف الدرب وين البطاطس ماجبته ؟
العامل : خلص البطاطس مافيه
العنود : طيب حاسب وباخذ كم غرض واجي
هز راسه العامل يحسب وثواني وجت العنود وحاسب اغراضها وتكلمت شادن : سجله باسم ذيب
العنود شهقت : حطيتيها في ظهر ذيب
شادن ناظرتها وضحكت : مهب نصها بياكلونها حرمته وولده خل يدفع
فتحت عيونها العنود تناظرها وضربت كتفها : حاسدتنا
شادن هزت راسها : ماحسد اخوي انا
سكتو من تكلمت سلمى : ابتس اعجلن ؟
شادن : يوليلي لاتلد علينا هاذي
اخذت كيس شادن وتقدمت العنود تاخذ كم كيس
وناظرت العامل شادن : وانت جب الباقي لبيت عقاب
سلمى بتعب : يوه عقاب مات جبها لبيت حاكم
ضحكت شادن من فهاوتها وطلعت ولفت العنود على العامل من كشر وتكلمت : خلها برسل العيال يجيبونها
هز راسه العامل وطلعت وراهم العنود
وتكلم العامل يناظر عزيز وجراح الي واقفين يناظرونهم : تبي تحاسب ولا خلاص
هزو روسهم ياخذون نفس وتقدمو يحاسبون وطلعو وهم يضحكون منهم
وقفو يناظرونهم جالسين وتكلمت العنود : سيف
وقف سيف يطلع وكملت : فيه اغراض عند البقاله ماقدرنا نجيبها تروح تجيبها
هز راسه سيف : كم غرض ؟
العنود بتفكير : يمكن ٦ اكياس ٧
سيف بصدمه : افف كل هاذي ؟
العنود : اكياسه صغار ماتاخذ ولا ترا قليله
هز راسه سيف ودخلت العنود وراء شادن وسلمى
