رفعت اصبعها تمسح دمعتها الي بطرف عينها وتنهدت تنهيده طويله تناظر راشد وتتذكر ذيب ولفت من طقت الباب سلمى تدخل وابتسمت سلمى ترفع بنتها : ابرقد عندتس
هزت راسها شيخه ودخلت سلمى تجلس جنبها وتناظرها : تبيكين !؟
هزت راسها شيخه : تذكرت موقف ونزلت دمعتي بين يومكم صغار وبين الحين
ابتسمت سلمى بهدواء تناظر امها وناظرت يدينها : قبل يومين اتصل سطام يسئل عني ؟
هزت راسها شيخه : اي يمه وسئل عنكم كلكم
ابتسمت بهدواء سلمى تهز راسها : كلمني من جوال هادي يعتذر ويقول انه طلق مهره لانها تعايره ابنا
ميلت راسها شيخه بصدمه : طلقها !
هزت راسها سلمى : هذا الي قاله مدري صدق ولا
لفت شيخه تناظر نوره وسحاب الي نايمين في فراشهم ولفت على سلمى الي كملت : سامحته يمه مهب عشانه طلق لا عشانه حس واتصل يعتذر وذكرني
ابتسمت بهدواء شيخه : يمه اخوتس الكبير ومهما قال وسواء اعذريه هذا هو ذكر وجاتس
هزت راسها سلمى بهدواء وضحكت شيخه : يالله قومي ارقدي
سلمى ابتسمت : طرده طيب انا قلت ابرقد عندتس
شيخه بغمزه : ارقدي اليوم وبكره هادي فيه
فتحت عيونها سلمى بذهول : يمه
ضحكت شيخه تحضنها وناظرتها سلمى بذهول : والله ان النومه معتس اطلق من هادي بكبره
هزت راسها شيخه تضحك وتمددت شيخه تتغطى وقامت سلمى تطفي النور ورجعت نامت
لهم دقايق وهم يناظرون حاكم الي حاضن رجوله ويناظر الفراغ وتكلم جلال : ياخي مهي حاله والله انا مدري افرح عشانكم رجعتو ولا اضيم عشان حالتكم
سيف مسك الزبيره : مهو وقت اتحلطم
ريان : ماعلمتونا وين صقر وذيب ماجو
نياف : صقر عند خالته ومرته والد وذيب دوره في دبي
جلال فتح عيونه : اخس رايح وساحب علينا
صالح ناظره بطرف عين : الله يحفظه من عينك
رفع حواجبه جلال : مصدوم ياخي تغيرتو والله منتم الي اعرفكم
نياف : توك ماشفت شي
ظافر ناظر جلال : احمد ربك ماتقرفو من الديره
جلال رفع يدينه : الله يرزقنى نفس مارزقهم
ريان : يريجيل انا لازم ادور لي جد ولا خال في مدينه عشان يطلعني
نياف : اسكت بس يكفي انك تروح مع ابوك وتجي
عزيز : والله من جو وحنا فالينها نروح مولات ونتقهوى
سيف ضربه : لاتفتح العيون علينا
ظافر : لا معليك كمل
لفو على جلال الي رفع حواجبه : وش يعني مول ؟
راكان : نفس سوق الديره هذا بس مزين وكبير
هز راسه جلال : اهاااا
لفو من دخل عساف يجلس وتكلم حاكم يناظره : وش صار ؟
عساف : مدري يقولون لازم يشرحونه عشان يعرفون السالفه
حاكم فز : يقطعونه !
عساف رفع كتوفه : مدري مافهمت عليهم
امجد مسك حاكم يجلسه : اهدا مهب المعنى الي في راسك يعني يسوون اشاعه لعيونه وراسه ويعرفون كل شي يطلع لهم زي الالبوم
سكت حاكم يناظره ويفكر وتكلم هذال بفتح جواله : اصبر اوريك كيف
مارد حاكم يناظرهم وسكتو الكل يسمعون هذال يشرح له
دخلت البكونه تشوفه متكي ونزلت كاسين الشاي قدامهم وجلست تناظره : وش فيه الحلو سرحان
ناظرها ذيب وابتسم : واحد يسرح وانتي عنده
ابتسمت العنود تاخذ كاس وتمده له : اول مره اسوي شاي عطني رايك
رفع حواجبه ذيب ياخذ كاسه : حلو بدايه جميله
ضحكت العنود تفهم قصده ب الطبخ واخذت كاسها تشرب منه وناظرت ذيب الي مغمض عيونه ويتلذذ بطعم الشاي وبعدت الكاس : ناقص شوي سكر صح
هز راسه ذيب بالنفي : انتي قدامي بالعكس السكر زايد
عضت شفتها العنود تنزل كاسها : بجيب سكر
ذيب جلسها : مايحتاج والله يعجبني سكره خفيف
هزت راسها العنود وكمل ذيب : تبين سكر انتي حطي اصبعتس يكفي
رفعت حواجبها العنود : عشان ينحرق
ضحك ذيب يهز راسه : لا
العنود ناظرته : اسمع يقولونها وافكر اقول قرف تخيل احط اصبعي ويزيد سكر ماتصير
ذيب هز راسه : بس انتي تصير معتس
ابتسمت العنود بهدواء تشرب من كاسها وتنهد ذيب ينزل كاسه من خلص وناظر العنود : يقول ابيك تدري اني فيك اكتفيت ، وابيك سماء مايوصلك الى انا
ابتسمت العنود بوسع تناظره ونزلت كاسها تلف عليه وتنطق : جيته وقلبي هايم به من اقصاه ، وانا اشهد اني ما ابي شخص غيره ، من الملا مافيه شخص بيسسواه ، والخير في قربه ليا قيل خيره ، عشت الهوى يومي تهنيت وياه ، وصارت عيوني بشوف غيره ضريره ، يفرق عن العشاق طبعه ومسماه ، والقلب قانع فيه ولا يبغي غيره
ابتسم ذيب بوسع يناظرها وتنهد ينطق : كن الكلام بثغرها مجرى سبيل لسلسبيل ، مسترسله لو ماضميت ولو ضميت استرسلت ، تقبل على لون المساء لاجات مفتولة جديل ، غصبن عن عيون النساء مايرمشن اليا اقبلت ، وعشقتها لاني من الي يعشقون المستحيل .
ضحكت بخفيف العنود لانه يتحداها ويقصد اقو من الي تقصده ورفعت اكتافها
وابتسم ذيب يناظرها تضحك وعض شفته يتأملها
واخذت العنود نفس تناظره وهمست : غمض
غمض ذيب وهو مبتسم ويجهل السبب وعضت شفتها العنود تتقدم تبوس خده
وضحكت من فتح عيونه ورفع يدينه يحاوطها يجلسها بحضنه وهمس يناظرها : من وراي
هزت راسها بالنفي تحاوط عنقه تقبله وابتسم ذيب يبادلها
وبعدت تتكي براسها على صدره وتشوفه منزل راسه لها وهمست ترفع راسه : لاتناظرني كذا
ناظر الجو ذيب وتنهد يناظرها : لاتلوميني احبتس
ابتسمت العنود تعض شفتها وهمس ذيب يناظر شفايفها : يويل حالي
ضحكت العنود تفك يدينه وتقوم تدخل ورجع راسه ذيب على الجدار بابتسامه ثواني ولف من سمع صوت اغاني
ووقف ياخذ الاغراض ودخل يسكر البلكونه ونزل الكيسان على الطاوله يسمع الصوت يعلى وعقد حواجبه يدخل وميل شفايفه يناظر السماعه وناظر العنود الي رابطه خصرها وترقص شرقي وعض شفته من فهم انها تتحداه بحركاتها بدال القصيد وجلس على الطاوله يتأملها وهو عاض شفته ومتكتف وبعد دقايق خلصت تاخذ نفس وصفق ذيب يدينه : عيني عليتس بارده
ابتسمت تشرب مويه وتشوفه يتقدم لها وتكلم ذيب يوقف قدامها : جبتي راسي
سكتت العنود تناظره وهمس ذيب : تحديني ؟
رفعت كتوفها العنود بتمثيل عدم الفهم : في وش ؟
ابتسم ذيب يحاوط خصرها يقبلها وبعد يشوفها مبتسمه وهمس بهدواء : اعترف اني خسرت
ابتسمت العنود لانه يكرر كلمتها ورفعت ذراعينها خلف عنقه تقبله وحاوطها ذيب يبادلها ووو ...
