ذيب بعدم اهتمام : مهب مهم المهم الحين العيال يبون عيالي
العنود : ليه عيالي استوعب انهم بنت وولد جمعتهم كلهم بكلمت عيال
ذيب ابتسم يهز راسه : طيب هم عيالي
العنود ضربت راسها : بنتي وولدي بزراني ورعاني مو عيالي
ذيب : متى يصيرون عيالي طيب ؟
العنود : اذا صارو اكثر العيال تقدر تقول عيالي
ذيب هز راسه : صح جبتيها ومتى يزيدون العيال ؟
العنود ناظرته بصدمه وناظرت دلع وراشد ولفت عليه : ماكفاك راشد تبي غيره
هز راسه ذيب وهزت راسها العنود بالنفي : مستحيل الحمدالله انهم توأم بنت وولد عشان ماضطر اجيب مره ثانيه
خلاص اثنين يكفون
ذيب رفع حواجبه : هذا اذا سمحت التس انا
ميلت شفايفها العنود تناظره : خلاص يكفي
هز راسه ذيب وهو يعرف انها تعبت كثير في حملها وصارت تخاف اكثر وماتبي ترجع لها المخاوف والتعب
وتكلم يناظر راشد ودلع : الحين كيف اوديهم للعيال
العنود ناظرتهم : بسرايرهم
ذيب : بس نيام
رفعت اكتافها العنود تناظر دلع : حبيبتي الي نايمه والتعب عليها
ذيب : من الخرم صاحت لين قالت امين
هزت راسها العنود : احس يعورها مكان الخرم
ذيب : لا ان شاءالله مايعورها ومايبهذلها وترجع تصيح
نزلت راسها العنود عطرف سرير دلع وحولت نظرها على ذيب الي تكلم : اكلتي شي من اولا ؟
هزت راسها العنود : مو مشتهيه
ذيب وقف : العشاء يبيجي الحين عشان تعشين وترتاحين
هزت راسها العنود بهدواء ولف ذيب يفتح الباب ونادا وقالو له يطلع وطلع للعيال الي يدخلون صحون العشاء وخبر الخدم يجهزون السفر ويدخلون صحون الحريم وتجمعو العيال على صحنهم وجلسو الكل يتعشون
قطع عليهم طق الباب واستغربو من بيكون ووقف ذيب : شكلهم ابوي وعمامي
قام يطلع وعقد حواجبه باستغراب يشوف الرجال والولد الي واقفين وهز راسه : بغيت شي ؟
الرجال اشر على البيت : جاي اهرج ناساً داخل
ميل شفايفه ذيب ولف من طلعو العيال وتكلم باتل بملامح جامده : عسى ماشر وش جايبك ؟
ابو فهاد : وانا وين يروح عني الشر وانتم فيه
عقد حواجبه باتل ورفع اصبعه : احترم نفسك ترانا للحين ساكتين
ابو فهاد ضحك بسخريه : صدقت ساكتين
مشى من بينهم يدخل ودخلو وراه وتكلم يناظر القصر : رح رح طلع لي اختك
باتل : وش تبي بها ؟
ابو فهاد : ابسلم عليها اشتقت الها
رفع حواجبه باتل يناظره وناظرهم مستغربين ولف يشوف امه وود طالعين وتكلم يضم يدينه وراء ظهره : هذي هي جت اخلص وش عندك ؟
ابو فهاد بهدواء : ماني بسويت الي تبينه ليه مشتكيه ؟
لف باتل بصدمه على ود وتكلمت ود بهدواء : ماشتكيت عليك ؟
ابو فهاد اشر على فهاد : وفهاد ؟
هزت راسها ود ترفع كتوفها : ضايقني وماتحملته
ابو فهاد بغضب : تروحين الحين تلغين الشكوا
ود بعدم اهتمام : هذا اذا عقل
ابو فهاد : تسمعين الكلام وتروحين
ود : واذا ماسمعت الكلام وش بتسوي ؟
ابو فهاد بغضب مد يده ومسكها من عنقها : تروحين وانتي ماتشوفين الدرب
فز باتل يبعد يده ووقف قدام ود وتكلم : لاتمد يدك عشان ماتنكسر
ابو فهاد نفض يده : انا الي ابكسر روسكم الناس تسئل وتقوم مقاطعين عمانهم ومسوين مشاكل ماخلونا من الكلام وفي كل مجلس عيال زياد راحو عيال زياد جو وينكم يعمانهم عنهم سودتو وجيهنا
رهف باعلى صوتها : ماسود وجيهكم غيركم عيالي عندي والي يبيهم يجيهم مهم مضطرين يروحون محل عشانكم وعشان كلام الناس الي مايخلص
ابو فهاد : كيف تبين بنتك تمشي مع الناس وهي متخبيه عندك وترفع شكاوي على كيفها وكل من قال نبي نخطب قالو له مهي مسنعتكم وانحاشو منها
ود : ياخي مالك دخل ومن انت عشان تقرر حياتي عني
ابو فهاد : لا والله تبين تجلسين عانس طول عمرك وتخبين بين باتل وامك
ود بغضب اشرت على راسها : كيفي وانا ماتخبيت عشان تقول انت والناس كذا وماني مجبوره ابرر لانكم ماتهموني وماتفهمون والحين خلص كلامك يالله على بيتك لا وديتك مع ولدك
ابو فهاد ناظر رهف : كفو هاذي التربيه الي تبينها الله يستر لاتسوي مصيبه توديك في داهيه الحين من بياخذها وكلامها كذا يسو
قاطعه نياف الي تقدم عنده : انا باخذها عندك شي ؟
لف عليه ابو فهاد ولانت ملامحهم يناظرون نياف الي مشبك يدينه وراء ظهره ويناظر ابو فهاد وتكلم باتل : نياف وش تقول انت ؟
نياف ناظره : ابد والله المفروض بكره افتح الموضوع معكم بس دام عمها فتحه اليوم فتحته
ابو فهاد : انت تسمع وش تقول ؟
نياف : ايه اسمع واعرف انا وش اقول
فهاد : البنت مالها الا ولد عمها وش تصير الها انت ؟
نياف : حفيد عمها
ابو فهاد بعصبيه رفع اصبعه ل نياف : ماتصير الها والكلام جاك ماعندنا بنت الك
نياف هز راسه : وابعلمك انا ام واخو البنت والبنت هم الي يقررون مهب عمها وولده
ابو فهاد ناظر ود : من وين جايبته هذا
عقدت حواجبها ود من تفكيره وتكلم نياف يتقدم له : محد جابني انا الي جيت واعرف جيت المن
ابو فهاد ضحك بسخريه ولف طالع وطلع وراه فهاد بعد ماضرب رجله في الارض وتكلم صقر يناظر نياف : ولد صادق ؟
نياف هز راسه : ايه صادق
باتل مسك معصم نياف ولف عليه نياف ومشى باتل ومشى نياف معه
سكتو الكل يناظرونهم يبعدون ولفو على ود الي مصدومه وتكلمت رهف : اخوك يتصرف معه امشي ادخلي
ميلت شفايفها ود تناظرهم واقفين بعيد وتشوف باتل
يتكلم ونياف يسمعه وهي ماتدري ليه توترت وتبي تسمع وش يقولون ولفت تناظر البنات الي يناظرونها ومشت داخله معهم
