العنود : ناقة ذيب الي انباعة بدون رضاه
نجود تعدلت بحماس : قولي لي وش سالفتها
بدت تقولها العنود السالفه وخلصت وهي تقول : انا مستغربه اسبوع ماشفته وطلع السبب بايع ناقته
نجود كشرت : العنود انا للحين مافهمت وش وضع جدك ذا وش كبر عقله يحارشكم
العنود : هو يعاند الي يعاندونه وانا وذيب ماقصرنا فيه
ميلت شفايفها نجود تناظر العنود : انتبهي لنفسك منه مايطمن
سكتت العنود تفكر وثواني ودخلو البنات بالعشاء وبدو يتعشون
والرجال اخذو عشاهم في الحوش وتعشو بعد رقص وناسه
وبعد دقايق طويلة من السوالف والضحك والرقص والوناسه
رجع كل واحد لبيته بتعب
طق الباب يدخل السماعه ولف على ذيب الي حاط غترته على كتفه : تاتروح للدكه
ذيب كشر : والله مالي خلق يكفي الي اولا
صقر : اجل ابسوي شاهي واطلع للسطح وتعال
ذيب : ورا ماتجي في الحوش سطام وسعيد مهم فيه
صقر هز راسه : قدام ابروح اجيب الشاهي وانت جهز القعده
هز راسه ذيب : ابشر
طلع صقر لبيت ابوه ودخل ذيب ناظر امه وشادن قاعدين : وتكلم : صقر يبى يجي ورا البيت ونبى نسمر
شيخه : ادخلو داخل عن البرد
ذيب : معي فروتي وصقر معه بس دقايق مانا مطولين
هزو روسهم ودخلو ينامون وطلع ذيب وراء البيت ناظر الباب الي يفتح على حوش عقاب ودخل ماحصل احد واخذ اقرب فرشه وسكر الباب الي بينهم وفرشها نزل المراكي وفتح الباب ورجع يجلس ينتظر صقر ثواني قليله ودخل صقر بيدينه ترمس شاهي وبيالات ابتسم يناظره ذيب وتكلم : شفيك كنك مطرود
صقر : جدك تو معارضني وفكيت رجلي واضن شافني
ذيب : عاد اليوم ماعجبني حاله
صقر وهو يصب : عادي مغير يبيك تراضيه
ذيب ضحك : يبي اراضيه وهو ليله كله يرقص
صقر هز راسه بابتسامه وتكلم ذيب : وش سالفة العود
صقر : هذا يطويل العمر جلال وريان في الدكه واثرهم مطلعين العود ويجربونه ويطيح عليهم ابو جلال ويشوفهم ويبيهم يجيبون العود عشان يشوفونه الكبار ويشبون
ذيب بصدمه : هم مايجون الدكه وش جابه
صقر : الي سمعته ان ابو عساف وهو داخل الديره شافهم وعلم ابو جلال على جلال
كشر ذيب بكره : ياكرهي له
صقر ضحك : امس قابلت عساف عند الغسال وعساف يعلم العامل ويقول ان ابوه فصل ثياب جديده اله ولعساف وفرحان ماخلى احد ماعلمه
ذيب بتنهيده : الله يرحم ايام الثياب الصفر الي يغسلها في السنه مره
طاح صقر يضحك ثواني واخذ نفس : اثره عشان كذا يبشر بثياب جديده
هز راسه ذيب بضحكه وسكت يستغفر
لفو من سمعو صراخ وفزو بفجعه ناظرو بعض وهمس صقر : العلم ويش
رفع كتوفه ذيب يسمع الصراخ وتقدم يدخل الغرفه ناظر العنود ونجود واقفين في الزاويه ويصارخون عقدو حواجبهم يناظرونهم وصرخ صقر : الصوت بس
سكتو العنود ونجود يناظرونهم وتكلم ذيب بفجعه : وشوله صياح ؟
رفعت يدها العنود تأشر وراء السرير وتقدمو يناظرون
ولفو عليهم بصدمه ورجعو يناظرون وكان صرصور وتكلم صقر : خرشتوه مندس مروعينه بصياحكم
العنود هزت راسها تناظره بقرف : يعع طلعوه برا
ذيب تخصر يناظرهم ولف يناظر الصرصور وناظر صقر الي ماسك ضحكته وضحك يمسح وجهة وصقر ماتحمل وفك ضحكته جلس على طرف سريره ياخذ نفس وصقر جالس على ركبه ويضحك
ناظروهم باستغراب وناظرو بعض وتكلمت نجود : مافيه شي يضحك ؟
رفعو روسهم يمنعون انفسهم عن الضحك بس مافيه فايده وبعد ثواني اخذو نفس يناظرون بعض وكانت وجيهم حمرا ورفعو اياديهم يمسحون دموعهم وفزو من صرخت نجود من تحرك الصرصور وتكلم ذيب بفجعه : خلاص
سكتت تعض لسانها وتكلمت العنود : طلعوه يقرف
صقر قرب عند الصرصور : يحليله الصغير
نجود بقرف من قرب عنده : العنود ماقدر اتحمل هالقرف بروح وارجع وقت ثاني
العنود بصدمه : وين تروحين
نجود وهي تاخذ شنطتها وتقدمت تحضنها : برجع اشوف قريب باي
ناظروها من طلعت تركض وضحك ذيب : انحاشت عشان صرصور
العنود قشرت تناظر صقر ماسكه : الله يقرفك يععع
ذيب ضحك يقلدها : يععع
ضحك صقر يطلع بالصرصور
وتكلمت العنود بتكشيره ل ذيب : مايضحك
سكت ذيب يناظرها وطلع وراء صقر الي رجع وناظر العنود من تكلمت : غسل يدك يامقرف
دخل صقر يغسل وناظر العنود الي حطت له صابون وتكلمت : غسل زين
صقر بضحكه : لهدرجه يكفي انكم خارشين الضعيف
العنود بتكشيره : اسكت بس وغسل
لفو على ذيب الي دخل : هاذي صادقه ترا انحاشت ماشوف غير غبرت سيارتها رايحه
العنود : ليتني رحت معها
ناظروها بصدمه وتخصر صقر : الحين دقيقه هو بوش اذاكم يوم تسون فيه كذا
العنود : بقرفه
صقر ضحك : طيب المقرف ينظف
رفعت حواجبها تناظره بعدم تصديق وكشرت بقرف : مستحيل
لف يناظر ذيب المبتسم ويناظرهم وهز راسه بقل حيله وطلعو لجلستهم
اخذ بيالته يكبها ورجع يعبيها وتكى صقر يتذكر اشكالهم ويضحك لفو من طلت عليهم العنود : ممكن ترجعون تشيكون عالغرفه لان ماني مرتاحه واحس فيه صرصور ثاني
صقر بضحكه يقلدها : لا مافيه صرصور ثاني
ناظرته العنود بعصبيه : خير
صقر ضحك : ماينمزح معتس انتي نمزح
العنود هزت راسها : ماحب المزح ومنك انت
صقر بصدمه : افا هذا جزاي شايل الصرصور عنتس
اخذت نفس العنود بعصبيه من قلدها بكلمة الصرصور
ورفع يده صقر : خلاص معاد بعيدها
ذيب : تعالي اسمري معنا وشوي انشيك
العنود تكتفت : بس انا بنام
ذيب : دامتس تو مفجوعه منتي نايمه
ناظرته العنود بذهول ثواني وناظرت الغرفه وتقدمت تجلس معهم وهي ماتنكر انها خايفه يطلع لها صرصور ثاني ومجبوره تجلس معهم لين يشيكون
جلست تناظرهم يناظرونها وتكلمت : وشو
صقر : مافيه صراصير هنا ارتاحي
العنود بتدقيق : والي فالغرفه من وين جاء
صقر رفع كتوفه : يمكن مع بنت خالتتس
ناظرته العنود بنص عين وسكتت تناظر السماء نزلت راسها من تكلم صقر : ذوقي شاهي وعطيني رايتس
ناظرت البياله قدامها وناظرته : انت الي مسويه ؟
هز راسه صقر بابتسامه ورفعت يدها تاخذ البياله تحطها قدامه : مشكور مابي
انصدم صقر يناظر البياله قدامه وناظر ذيب الي مبتسم ويناظرهم ولف عليها : تعامليني معاملة الصرصور انتي ؟
هزت راسها : وش دخل ؟
صقر : لاني مسكت صرصور حطيتيني مقرف نفسه ؟
عقدت حواجبها تناظره : مالها دخل انت مو غسلت قدامي ؟ جاوب ؟
هز راسه صقر وكملت : انت فاهم غلط بس لانك تقلدني وتضحك علي مارح اشرب ابداً مال القرف دخل
هز راسه صقر بابتسامه وتكى براحه : على بالي مقرف
ناظرته من قلدها وتكلمت بقل حيله : وانت مقرف
تكى صقر يسكت ولف من ضحك ذيب وتكلم : ضحكت بلا سنون
سكت ذيب ياخذ نفس وكمل صقر : وش يضحك ضحكنا معك
ضحك ذيب وتكلم : تقول انها تدعي الله يشفيك
صقر فز : اي والله اعاونها عشان تحبني وحطتني مريض
ناظرته العنود بذهول وكمل صقر : ابي حل تكفون
لف يناظر العنود وتكلمت بذهول : من تبي تحبك ؟
صقر تعدل : وعد ماقلدتس واقوم الحين انفض الغرفه واطلع كل الصراصير. انتي تقابلينها وتهرجين معها ساعديني
ناظرته العنود وتعدلت : دقيقه ذي يبي لها جلسه اي قلي من تعيسة الحظ ؟
صقر : ريم
سكتت ثواني تفكر وتكلمت : من ريم ؟
صقر : مسرع نسيتيها ريم اخت ضاحي
العنود : عرفتها وش فيها ؟
صقر : هي الي احبها وابيها تبادلني
العنود بصدمه : انت تحبها وهي ماتحبك
هز راسه صقر وكملت بابتسامه : بس ماتنلام شايفتك مريض وش تبيها تحب فيك
لانت ملامح صقر يناظرها ورجع يتكي بزعل : مشكوره اختي على المساعده نفعتيني
العنود ضحكت : شفيك زعلت مو انت تمزح معي حتى انا امزح
ناظرها صقر وكملت : انا الصراحه مو كثير اجلس مع ريم يعني اذا تجمعنا بس وماعرفها كثير
صقر : وهذا المطلوب تعرفي عليها واجلسي معها
العنود : بحاول بس انت تبيها تحبك ؟
هز راسه صقر وكملت : الاشياء ذي انت الي تسويها مو انا اذا انت تبيها تحبك لازم تسعى وتشتغل على نفسك وتعرف تتصرف معها وتحترمها ومع الوقت بتحبك
اعتدل في جلسته ذيب بتركيز وتكلم صقر : وانا اعتمدت وسعيت وحطتني مريض
العنود : وش سويت ؟
بدا يقولها صقر من وقت ماساعدها في الاغراض الين رابع ثوب وداه لها
ضحكت تناظره وتكلمت : طيب هي وش تحب ؟
صقر : الطبخ
العنود : يعني الثياب مالها دخل شوف هي وش تحب وحاول تساعدها فيه او تبين لها انك تحب هالشي فيها وادعمها وامدح شغلها وشوف النهايه وش
صقر بصدمه : وثياب امي الي عندهم ؟
العنود ضحكت : رجعها
سكت صقر يناظر الفراغ ويفكر ولفو من تكلم ذيب : يالله طولنا قومو ارقدو
وقف ذيب ووقف صقر ياخذ الترمس والبيالات وتكلمت العنود : شيكو عالغرفه
هزو روسهم ونزل صقر الي معه وتقدم يدخل الغرفه مع ذيب وبعد دقايق طلعو ناظروها مكانها وتكلم ذيب : مافيه شي
وقفت العنود تدخل واخذ الترمس صقر يطلع وتقدم ذيب يلف الفرش ورجع يدخل الغرفه ناظرها جالسه وتكلم وصد ينزل ثوبه وينسدح على فراشه لف عليها من تكلمت : ليه مارفضتي ودخلتي وتركتيه
نجود وهي تناظر الطريق : اقولك يخرع وخفت ورحت ولا كنت برجع لك بس طلعلي
العنود ناظرت ذيب وتكلمت : الصبح اتكلم معاه ماله حق يطردك
نجود : انتبهي لنفسك لايضرك
هزت راسها العنود : مارح يقدر اصلن
نجود : تمام انا بسكر وبكرا اكلمك
هزت راسها العنود تنزل الجوال وتسكر وناظرت ذيب : عقاب كان برا وقت رحت
ذيب باستغراب : وين ؟
العنود : نجود تقول انها رجعت وطردها عقاب وراحت
ذيب بصدمه : يوم طلعت كان يطفي الانوار برا ومعصب
العنود : يعني شايف نجود
رفع كتوفه ذيب يناظرها وتكلمت بهدواء : شصار عن العلياء ؟
ذيب سكت ثواني وتكلم : راحت مرواح جدي
العنود باستغراب : اي جد ؟
ذيب : الي عطانيها
العنود : وش بتسوي الحين انا عرفت اليوم ماكنت ادري عنها قبل
ذيب ميل شفايفه : عقاب معلمتس ؟
هزت راسها : البنات يسولفون عنها
ذيب : مقدر اسوي شي حتى الي شراها معرفه
العنود بهدواء وهي تفكر : يمكن خيره
ميل شفايفه ذيب وكملت العنود : فيه ناقه مزاين كانت عند جدي وكان يجيه ريجيل كثير عشان يشرونها وكل واحد يزيد في السعر وكان رافض ومايبي يبيع بعد يومين ماتت
عقد حواجبه ذيب يناظرها وكملت : يمكن لو مابعاع العلياء يصير نفس الي صار في ذيك
ذيب جلس : انا مقهور لانه ماعطاني خبر ولا شاورنا وهو يدري انها هديه واني ماحبيت الابل وتعلقت فيها الا عشان جدي والعلياء
العنود : ابوه ؟
هز راسه يناظرها : يوم امي جابتني كان ناوي يتمم لي بها بس رفض ابوي وقال انه مجهز تمايمي وقال جدي دامك مجهز اجل العلياء هدية من اله
ميلت شفايفها العنود وكمل ذيب : وافق ابوي وكبرت وصرت اروح مع جدي للعزبه واعاونه في الابل وبعد تسع اسنين توفى جدي وصرت اهتم فيها الحالي
العنود باستغراب : وقت جيتو في المزاين قالو اسم ابوك
هز راسه ذيب : عقاب كان حاطني ورع وابلعب في الحلال ودخل ابوي معي وصار يبيع ويشري ويشارك ابها بس ماكنت ادخل العلياء عشان مايجون شرايين وتروح
هزت راسها العنود بفهم وتكى ذيب
وبعد ثواني صمت تكلم ذيب : وانتي ؟
ناظرته العنود من فهمت وتكلمت بهدواء : بعد وفاة جدتي كنت متخرجه من الثنوي وخلصت الجامعه وقعدت فتره
جدي ماعجبه وضعي وانا جالسه جاني وقال ادخلي معي فالتجاره وقال انه يبيني اعتمد على نفسي وماحتاج لاحد في غيابه
امتلت عيونها دموع وكملت : عطاني فتره افكر فيها وشفت كلامه صح وبديت ادخل معه في التجاره وصرت اشتغل واشري وابيع لين صرت ماحتاج احد واعرف
سكتت تمسح دموعها واخذ نفس ذيب يسكت وبعد ماشاف انها هدت تكلم : جدتس كان يعرف انا اهلتس
ناظرته ثواني وتكلمت : بعد العزيمه عرف ولا قبل ماكان يعرف
سكت ذيب واخذت نفس العنود تنسدح وتتغطى وقف يطفي النور ورجع ينام بعد تفكير
..............................................
الصباح جالسين ينتظرون الفطور لفو من اتصل جوال
وانحنا يطلع جواله ناظر الشاشه ورد يحطه عند اذنه : ارحب
هذال بابتسامه : البقى اعلومك
نياف : بخير شلونك انت
هذال : على ماتحب
نياف : امر
هذال : ابد والله تو قفلت من ولد عمي وابشرك ان اوراق ذيب مشت ولازم يحضر بعد اسبوع مع جراح عشان الدوره
نياف بفرح وهو يناظرهم : الله يبشرك بالجنه تقوله صادق
هذال بابتسامه : قد كذبت عليك انا ؟
نياف : لا محشوم وبعيد عن الكذب
هذال ضحك : ياحبيبي يالله ماتشوف شر وقل ل ذيب يجهز اغراضه
نياف : ابشر يوصل
نزل الجوال يسكر ورفع راسه من تكلم عقاب : وش الي مفرحك ومخلي فمك منمغط لين اذانيك
نياف بفرح ناظر ذيب : ومشت اوراقك وحتبدا بعد اسبوع
ناظره ذيب باستغراب وتكلم حاكم : اوراق وش ؟
نياف : هو مهب قال يبى يدخل عسكريه
ذيب فتح عيونه من تذكر وهو كان ناسي وتكلم : يوووهه نسيتها وراحت عن بالي اهرج وش ردو
نياف : هذا هذال قال ان اوراقك مشت وبتبداء الدوره بعد اسبوع
ابتسم ذيب وناظر عقاب الي وجهة احمر ويناظرهم وساكت ولف يرد على الكل من بدو يباركون له
لفو من تقدمو ناصر وفارس ينزلون الفطور وامهم جايه وراهم بالحليب ونزلو وبدو يفطرون
ناظرو الجده سلمى من وقفت تطلع واستغربو ورجعو يفطرون تاركينها
طقت الباب تفتح وناظرتها جالسه وبيدها كوب وقدامها الاب وتناظرها
تقدمت عندها وتكلمت بهدواء: لمتى وانتي بهالحال ؟
العنود : اي حال ؟
الجده سلمى : يابنت مهب زين اللتس اطلعي واجتمعي معنا انتي هنا محد عندتس ان مرضتي ولا جاتس شي محد يعرف
العنود : بس انا متعافيه ومافيني شي وابي اجلس لوحدي
الجده سلمى باصرار : قومي البسي واطلعي معي
سكتت العنود تناظرها مصره ورجعت تعيد الجده سلمى : بسرعه قومي
نزلت كوبها ووقفت تاخذ عباتها المعلقه وتحجبت ووقفت قدام الجده سلمى وتكلمت : اذا صادت هوشه ولا صراخ لاتسكتيني وانتي مطلعتني غصب
الجده سلمى وهي تطلع : يصير خير بس امشي
طلعت معها العنود ودخلو بيت عقاب وتقدمو يجلسون وتكلمت الجده سلمى وهي تناظر عقاب : مانبى محارش اليوم
عقاب وهو يناظر العنود : لازم احد يترجاتس عشان تطلعين ؟
ناظرته العنود ورفعت حواجبها تناظره وهزت راسها : ايي
سكت عقاب وناظرت الفطور ووقفت تدخل مطبخ الجده سلمى وتدور ناظرت شادن من دخلت : جدتي ارسلتني وش تبين اطلع لتس
العنود بهدواء تقدمت تاخذ توست وناظرت شادن : ابي جبن فيه
تقدمت شادن تفتح الثلاجه وطلعت الجبن تعطيها وتكلمت العنود وهي تفتح التوست : خلاص
هزت راسها شادن تطلع واخذت صحن العنود تحط فيه التوست الي حشته بالجبن وطلعت
جلست مكانها ونزلت صحنها تاخذ الترمس وتصب شاهي لها وبدت تفطر
وبعد ثواني تكلمت زينب : اخذي هالصحون وديها وغسليها
هزت راسها مشاعل تاخذ الصحون واخذت زينب الترامس وبدو يتقهوون
لفو من طق الباب ووقف ذيب يفتح ودخلت سلمى تقدمت تسلم على ذيب الي يرحب وبعدت تسلم عليهم بشوق وحراره ومن بعده دخل هادي
وبعد السلام والسؤال عن الحال
جلسو هادي وسلمى وبدو ياخذون اخبار بعض ويسئلونهم عن السفره ومن بعده وقف عقاب يطلع وعياله معه ووقفو هادي وسلمى يستئذنون وحلفت شيخه يتغدون
وطبعاً ماقدرو يرفضون وفزو ذيب وصالح للعزبه يجيبون الذبيحه والباقين الي راح يرتاح والي يسولف مع سلمى وهادي والعيال طلعو لعيال الديره الي مجتمعين في القهوه
التشبيهات في الانستاء (rxoa.19)
