نزلو يشوفونهم مكانهم وتقدمو يجلسون معهم وتكلمت دليل باستغراب : مارحتي ؟
هزت راسها دلال بتوتر : تكنسلت العزيمه ورجعت
ميلت شفايفها دليل تهز راسها ولفو من تكلمت رحاب : ترف شفيها ماجت
عاليه : تقول مصدعه ومالها خلق
ريم تعدلت : لايكون رجلها تعورها
رفعت كتوفها عاليه ووقفت ريم تدخل ل ترف وتكلمت دلال : امشو ندخل داخل
جيهان : ليه ماجبتي لي قهوه معك ؟
دلال ناظرت كوبها وناظرتها : ماخبرتيني
دخلت دلال وقامو يدخلون بعدها
دخلو يشوفونها متمدده وتكلمت ريم : وش فيتس اهرجي
ترف : قلت لكم مصدعه
دلال : دقيقه اعطيك بندول
ترف هزت راسها : اخذت تو
هزت راسها دلال ولفت تسمعهم يسولفون وشاركتهم
عضت شفتها تناظر الاب ودخلت تحدد موقع الرقم وعضت اصبعها بتوتر تناظر الموقع وعقدت حواجبها من تحدد كبرت شوي ورفعت حواجبها تشوف الموقع الي يتوسط بيتهم قربت اكثر تشوف وهزت راسها تطلع وترجع تحدد مره ثانيه وطلع نفس الاول ورجعت تحذف وتحدد مره ثالثه وطلع نفس الاول الموقع يتوسط بيتهم
طلعت جوالها تدخل على محادثة نياف وتفتح الكام وتصور الموقع وارسلته تكتب : صاحب الرقم ببيتنا
تأففت تشوف اخر ظهور كان الظهر وقت سئل ليه تبي الصور وسكرت جوالها تشوف الموقع بداء يتغير ويدخل مجلس الرجال الخارجي
وفزت تسكر الاب وتاخذ جوالها ونزلت تركض
طلعت تشوفهم فجلستهم ولفو عليها يشوفونها تركض متجهة للمجلس وقف باتل باستغراب : ود شفيك ؟
ماردت ود الي دخلت المجلس ووقفت تاخذ نفس وتناظر ذياب وحاكم ومحسن وقايد الي لفو عليها بفجعه
دخل يناظرها تناظرهم وتكلم يوقف جنبها : وشفيك طلعتي تركضين ؟
لفت عليه وهي تاخذ نفس ولفت تناظرهم وتكلم ذياب : ود يابوي وراك كذا ؟
هزت راسها ود تلف تطلع وطلع وراها باتل الي مسكها يجلسها ويعطيها مويه لانها لازالت تتنفس بسرعه
اخذت المويه تشرب شوي وقامت رهف تجلس جنبها وتمسح راسها تقراء عليها وغمضت عيونها ود ترتاح ثواني وفتحت تناظر امها الي تكلمت : فيك شي ؟
هزت راسها بالنفي تشرب مويه وتكلم باتل : ليه طلعتي تركضين ؟
هزت راسها ود تقوم : مافيه شي مهم
ناظرتهم كلهم وحولت نظرها ل نياف الي جالس في زاويه ويناظرهم
رفع نظره لها باستغراب ونزلت نظرها لجواله وناظرته ومشت تدخل
عقد حواجبه ينزل نظره لجواله ورفع يده ياخذه يفتحه
عض شفته يناظر رسالتها ورفع راسه يناظر المجلس ورجع ناظر رسالتها وكتب : في المجلس يعني ؟
فتحت جوالها وتقدمت توقف عند الشباك الطويل الي يبين مجلس الرجال وجلستهم وقرت رسالته تهز راسها وتكتب : اي
اخذ نفس يقوم متجة للمجلس وناظر جواله من ارسلت : لاتخرب شي ولاتبين
ابتسم نص ابتسامه يناظر البيت وشافها واقفه عند الشباك في الدور الثاني وصد يدخل المجلس
ضربت رجلها بقهر منه وفتحت جوالها وهي تعرف انه مارح يسكت وبيسوي شي اتصلت على رقمه وعقدت حواجبها من كان مشغول
وسكرت جوالها تحذفه على الكنبه وتتكتف تناظر المجلس
