ناظر الباب الي بنهايت الممر وتقدم بتوتر رفع يده يفتح الباب وناظره من انفتح وداهمه البراد
دخل الغرفه يتلفت وكانت مفتوحه شوي الستاره ونور الشمس داخل الغرفه
تلفت يناظر الغرفه بذهول وكانت كبيره واثاثها جميل وراقي
رفع حواجبه يناظر المكتب وزوايا الغرفه الواسعه ناظر الستاره وتقدم يبعدها
وناظر سريرها الي بالنص وماكانت موجوده ولف للجهة الثانيه وتقدم وناظرها نايمه على الكنبه رفع راسه لتلفزيون وكان مفتوح ناظر قائمة الافلام مفتوحه ولف يناظرها
تقدم بهدواء ينزل يشيله ينزلها على سريرها
ناظرها من فتحت عيونها تناظره وسكت بتوتر
جلست تمسح وجهها وناظرته ثواني وتكلمت : كيف جيت ؟
ذيب بهدواء : جيت
هزت راسها تناظره وضحكت : شفيك مستحي
ابتسم يحك جبينه وكملت : مانمت ؟
جلس على الكنبه يمسح وجهة وتكلم : توني صحيت
هزت راسها تنسدح وتكلمت : طولت مانمت انا
ذيب سكت وتكلمت العنود بتوتر : تعال
عقد حواجبه يناظرها وكملت : مابي اترك لوحدك تعال نام معي ونصحى سوا
سكت يناظرها ثواني بعدم تصديق وهو ماتوقع انها بتناديه كذا وهو كان جاي بس عشان يجلس يتأملها وماكان بيقرب منها ابدا
ناظرها من مدت يدها تأشر له يجي ووقف يتقدم جلس على طرف السرير يناظرها وانسدح يناظر السقف بهدواء
لف من فكت يده وحطتها تحت راسها وقربت تحضنه
وناظرها بصدمه
اخذت نفس تسند راسها على صدره وتحضنه بابتسامه
ناظرته من تعدل ومد يده الثانيه يحضنها وهمست : مابي رسميات بينا
ابتسم وهمس : مصدوم انتس تطلبين
رفعت راسها تناظره وهمست : لاني اثق فيك واحبك واعرف انك كمان تبي بس مستحي
ناظرها بابتسامه وتقدم يبوس جبينها وناظرها من ابتسمت وتكلم : لاني مبي اسوي شي وانتي ماتبين
اتسمع مبسمها تنزل راسها وتشد عليه
ومسح على ظهرها من شدت عليه وتكلم : نامي وارتاحي
غمضت عيونها براحه واخذت نفس تشم ريحة عطره وابتسمت تنام
رفع يده يلعب بشعرها وكل دقيقه يناظرها وهو مو مصدق ويحس نفسه فرحان اخذ نفس يبوس راسها ويحضنها وينام
ناظرت البوديقارد من طق الباب وطلعت هزت راسها بوشو وتكلم : ابناء العم راشد برا
فتحت عيونها تناظره وناظرت الحديقه وكمل : ينتظرون مافتحت البوابه لهم بستأذن من العنود
هزت راسها تناظرهم وتكلمت صمود : استنى لاتفتح لين اخبر العنود
هز راسه ولفت صمود تدخل الاصنصير بتوتر وتطلع جناح العنود
تقدمت تطق الباب اكثر من مره ووصلها صوت العنود : مين ؟
صمود : افتحي بكلمك
فتحت العنود واستغربت من شافتها متوتره وتكلمت : شفيك ؟
صمود : خالك وخالتك برا ينتظروكي
فتحت عيونها العنود تناظرها وتكلمت : دخلو ؟
هزت راسها صمود بالنفي : ينتظرو عند البوابه
اخذت نفس العنود تناظرها وتكلمت : خليهم يدخلون
صمود بصدمه : وذيب ؟
العنود غمضت تطمنها : لاتشيلين هم
هزت راسها صمود ترجع ولفت العنود تسكر الباب ودخلت
ناظرها من دخلت وتكلم : وش فيتس ؟
العنود فتحت باب البلكونه وناظرته : خالي وخالتي جايين
جلس ذيب وناظرها وتكلم : ادخلي اكيد عيالهم معهم لاتطلعين كذا
العنود ناظرته : وقت غيرتك الحين. اقولك جايين انت تعرف لو شافوك وش بيسوون
ذيب هز راسه : واذا ماعلي منهم لايكون خايفه منهم
العنود تقدمت عنده : ماني خايفه ولا شي وعادي بس بيزعلون علي
ذيب وقف : بالناهيه بنتهم ومهم مخلينتس ويزعلون يومين ويرضون الحياه حياتس انتي
ناظرته العنود ثواني ولفو من سمعو صوت بوري السياره
وتكلمت العنود : بتنزل معي ؟
هز راسه يناظرها : نواجهم كلنا ونعلمهم
تنهدت تهز راسها واخذت عباتها تلبسها وتتحجب ولفت من وقف جنبها ذيب وناظرته وتكلم : اعرف انهم مهم براضيه فيني بس انتي راضيه ؟
العنود بهدواء : ذيب انا كم مره بقولك اكيد راضيه فيك
ابتسم وتكلم بتمثيل للتفكير : يمكن تطولين وانتي تقولينها
ضحكت تمشي وطلعو وناظر صورتها وتكلم : ياعرب والله اني احبها
لفت تناظره وهي عند الاصنصير وتكلمت : مين ؟
ذيب اشر على الرسمه : الادميه هاذي
رفعت حواجبها تناظر صورتها وتقدمت عنده : تصدق ماعجبتني
رفع حواجبه يناظرها وكملت : ابدا مو حلوه انا احلى منها
ابتسم يناظرها وتقدم يحاوط خصرها وحشرها عالجدار وتكلم : عز الله انتس صدقتي
ابتسمت تناظره وتقدم يبوس خدها وبعد من شهقت جمان
لفو يناظرونها في الاصنصير ماسكه فمها وتناظرهم بصدمه
وابتسمت العنود : اهلين
ناظرها ذيب ورجع يدينه يدخلها في جيوبه ويناظرهم
وتقدمت العنود تسلم على جمان الي مصدومه وتناظرهم
وقفت جنبها في الاصنصير وناظرت ذيب الي واقف يناظرها واشرت له : تعال ذيب
بلع ريقه يتقدم معهم
ومدت يدها العنود تسكر الاصنصير وناظرت ذيب ولفت تناظر جمان الي تناظرها بصدمه
نزلو وفتح الاصنصير وتقدمت العنود تطلع وطلعو وراها
ناظرتهم في الحديقه وتقدمت تسلم عليهم والكل سلم عليها بفرح
عقدو حواجبهم يناظرون ذيب وتكلمت العنود : ذيب سلم
تقدم ذيب يسلم على مشاري والعيال الي يناظرونه باستغراب وعذبه اقو منهم
وبعد السلام وقف جنب العنود الي متوتره من ملامحهم وتحاول تخفي وتكلم مشاري : هذا ولد حاكم صح ولا يتهيألي ؟
هزت راسها العنود : اي ولد عمي
عذبه بتصنع الابتسامه : وش يسوي داخل القصر ؟
بلعت ريقها العنود ولفت تناظر ذيب الي يناظرها وناظرتهم : زوجي
فتحو عيونهم يناظرونها بصدمه وتكلمت جمان بعيون مليانه دموع : وبندر وش قصر فيه ؟
ناظرتها العنود وتكلمت بهدواء : ماقصر في شي بس مايثق فيني ولا احترم قراري وطاح من عيني
ناظروها بعدن تصديق وجلسو ثواني يستوعبون ولفت العنود على صمود الي تناظرها : جيبي الفطور
هزت راسها ترو
وتقدمت تمسك معصم ذيب وتكلمت : ارتاح
هز راسه ولف يناظر نظراتهم له وملامحهم الي قلبت وتقدم يجلس جنب العنود
وتكلم مشاري : العنود اسمعي القصه قصة زواج وقلوب المزح بعديه وخليه على جنب
العنود هزت راسها : وانا مامزح
ترف بحقد : وبندر يعرف ؟
هزت راسها العنود : يعرف حتى جاني وسمعني كلام مثل السم وانا مارح ابقى مع واحد مايحترمني حتى قال انسيني ونسيته
ناظروها بصدمه وتكلم مشاري : متى ووين جاك ؟
العنود : في الديره
عذبه : وليه ماقال لنا ؟
رفعت اكتافها العنود وتكلمت جمان للعنود : كنتي تتكلمين عن العضلات وانك تحبينهم ولما قلت لبندر هالكلام وقلت ابن لك عضلات عشانها رفضتي الفكر واشوفك الحين رجعتي لها
سكت ذيب يناظر عظلاته ولفت تناظره العنود وكان ببدلته بدون الجاكيت وبتيشيرته بكم نص وواضحة عضلاته
وسكتت بابتسامه تناظرهم يناظرونها
ثواني صمت وجو الخدم ينزلون الفطور وتعدلت تناظرهم ونزلت انظارها للفطور وتكلمت بهدواء : بسم الله افطرو
سكتو يناظرونها وناظرت ذيب وهزت راسها تطمنه وابتسم يهز راسه وتقدم يفطر معها والباقين يناظرونهم
وقفو وناظرتهم العنود وهز راسه مشاري : بالعافيه
ابتسمو بخفيف وتقدمو يطلعون من القصر
وسكتت العنود تناظر الفراغ بهدواء رفع نظره يناظرها تفكر وهي تاكل واخذ زيتونه يحطها في فمها وناظرته تاكل الزيتونه وتكلم : لايغيرون مزاجتس
اخذت نفس وناظرته وتكلمت : اول مره اخذلهم
ذيب هز راسه : دامهم سكتو وماطالبو يعني انهم متفهمين ومايبون يتدخلون في قراراتس ومخلينتس على راحتس
ابتسمت بخفيف تناظره واشر على الفطور وكمل يفطر لفت للجهة الثانيه وناظرت الخادمه الي جالسه عند الشجره تسقيها وتناظر ذيب بابتسامه وبتدقيق
عقدت حواجبها تناظرها وناظرت ذيب الي مو منتبه ويفطر ورفعت صوتها : سدن
فزت سدن توقف بتوتر وكملت العنود : شقاعده تسوين ؟
بلعت ريقها سدن تناظرها بخوف وتكلمت العنود : ادخلي داخل
دخلت سدن تركض
ولفت تفطر وتكلم ذيب : وراتس على الضعيفه ؟
ناظرته العنود وفتحت عيونها بعصبيه وتكلمت : افطر وانت ساكت
عقد حواجبه يناظرها باستغراب
ورجعت ظهرها تحط رجل على رجل وتتكتف تناظر الحديقه
لاحظ تغيرها وسكت يتكي يتأملها
صدت تناظر الحديقه وهي ملاحضه نضراته لها وجمعت شفايفها تمنع نفسها من الابتسامه وضحك
لفت تناظره بتمثيل للعصبيه : مافيه شي يضحك
هز راسه يكمل يضحك ووقفت ومسك يدها يجلسها : وين
ضيقت عيونها تناظره وقربت : قصري واتمشى فيه على كيفي بتمنعني
رجعت توقف وهز راسه يناظرها وتكلم : بس لازم اعرف وين تروحين
رفعت حواجبها تناظره وتكلمت : بروح ل شوُتوُ مشتاقه له
رفع حواجبه يناظرها وهز راسه يوقف : وانا بعد مشتاق اله
ميلت شفايفها بابتسامه وتقدمت تمشي ومشى جنبها
وهو يناظر الممرات الي تدخلها والحدائق الي تطلع منها بأعجاب
وقف يناظر من وراء القزازه ولفت عليه من وقف وناظرت وين يناظر وتكلم : حتى البركه ماخليتوها
ضحكت تمسك بطنها وتكلمت : هذا مسبح
ابتسم يناظرها تضحك وهز راسه : كلها واحد
ضحكت تكمل طريقها وكمل معها
سمعو صوت البرميل الي طاح وفتحت الباب وطلعو وراء البيت وناظرو شوُتوُ في غرفته ويشمخ الجدران ويحاول يطلع
ابتسمت تتقدم بهدواء من كان معصب وتكلمت : بطلعك الحين لاتعصب
هجد شوُتوُ من تقدمت تفتح الباب
ولفت من تكلم ذيب : مهبوله انتي ماتشوفينه معصب ويصقع في الجدران يبى ياكلتس لقمه وحده ان جيتيه
العنود هزت راسها تطمنه وفتحت الباب وتقدم شوُتوُ وجلست عند وجهة تمسح عليه وتهديه ثواني وارتخا شوُتوُ
لفت تناظره متكى عالجدار ومتكتف يناظرهم وهزت راسها : تعال جرب
سكت يناظرها وتقدم بهدواء جلس جنبها ومد يده يمسح على وتحرك شوُتوُ بعد يده ورفعت يدها تمسك يد ذيب وترجعها وتمسح على شوُتوُ بهدواء
...................................
يوم كتب كتاب ( صقر و ريم )
الكل محتاس ويجهز ويلبس ويتعطر ويتبخر
وصقر يركض معهم من الفرح
وقفت في الحوش ورفعت صوتها : خلصتو ترا مهب عرس كتب كتاب بس وشوله كل هالتأخير
ساره: يمه الله يهديتس لازم رايحين انخطب حنا
لفو من وقف صقر وهو يعدل شماغه وناظر جدته بابتسامه : انا خلصت يالله انروح
الجده سلمى مسكت راسها : يويلي ماخبرتك يصقير خفيف اثقل وانا جدتك اثقل
ذيب وهو جاي بمحزمه : يجده علمناه بس مايفهم
ناظره صقر وفتح عيونه ولفو من جهزو نياف وسيف يوقفون معهم وتكلمت الجده سلمى : يالله يبنات خلصتو
العنود وهي طالعه بعباتها وحجابها على اكتافها : انا خلصت بس ببخر اخواني
الجده سلمى رفعت يدينها : على كثر حفيداتي ماشفت فيهن العجله نفستس
ابتسمت العنود تنفخ الفحم وتحط العود وتقدمت تبخر صقر الي فك شماغه يتبخر وتقدمت عند نياف تبخره ولفت من تكلمت الجده سلمى : يامي انتي وراتس لابسه ابو مسمار لايعورتس
عقدت حواجبها بعدم فهم واشرت الجده سلمى على رجولها وناظرتهم وابتسمت : متعوده مايعور
سكتت الجده سلمى وتقدمت العنود تبخر سيف الي يسولف معها وهي مشاركته ولفت من تقدم ذيب يغير مكانه من جنب صقر ويوقف جنب سيف عشان تبخره
وابتسمت تتقدم تبخره وهو يناظرها وهي تسولف مع صقر ونياف وسيف
لفو من طلعو الحريم والبنات وتكلمت ساره : يويلي انتي من متى هنا
العنود باستغراب : من دقايق ليه ؟
سلمى ضحكت : مستغربين خلصتي قبلنا
هزت راسها العنود بابتسامه : لانها كتب كتاب بخلص بسرعه وبروح نعومه مابي اثقل
سكتو يناظرونها ونزلت البخور تتحجب
ولفو من دخلت نجود تناظرهم : سلام
ردو السلام وتقدمت تسلم على الجده والحريم والبنات وناظرت العنود : الهديه في السياره انزلها الحين ولا شوي
زينب : وش هديته الشبكه والمهر فيه يكفون
لفو يناظرونها وتكلمت العنود : للعرسان مايخصك
سكتت زينب تناظرهم ورفع يدينه سيف يصفر : في منتصف الجبهه
العنود للجده سلمى : نروح
هزت راسها الجده سلمى ومشت طالعه وطلعو وراها
الباقين
ناظرو عقاب وقايد واقفين عند الباب وكملو طريقهم تاركينهم
ناظرو ضاحي وشياب الديره الي واقفين ينتظرونهم وتقدمو الحريم والبنات يدخلون
والرجال تقدمو يسلمون على بعض ودخلو المجلس
وبعد السلام والسؤال عن الحال وصل المملك وبدا وقت كتب الكتاب و وقعو صقر وريم ورفعو اصواتهم الحريم يزغرطون الرجال يباركون وصقر طاير قلبه من الفرحه
وطبعاً عند الحريم بدا الرقص ودخلت ريم وتقدمو الجده سلمى وبناتها ورزان وشيخه والبنات يسلمون عليها ويباركون بفرح وريم ترد عليهم بحيا ناظرت العنود من همست لها : يالله يعاروس
لفت تناظرها بتوتر وتكلمت : وين ؟
العنود بابتسامه : الشوفه
فتحت عيونها ريم تناظرها وقفت العنود وتقدمت شادن تعطرها وتعدل شعرها وتكلمت : وي وراها ريم اليوم مهب الي اعرفها
ريم بتوتر : وقتس الحين
ابتسمت شادن تغمز لها ووقفت ريم من تقدمت عندها الجازي
ابتسم يناظر الجده سلمى عماته ورزان من جو يباركون له وهو يرجف من الفرحه ودخلت بعدهم العنود تناظره فرحان وباركت له وهز راسه يناظرها وهمست بعدم فهم : وشفيك ؟
صقر بابتسامه : وين ريم
العنود بمزح : رفضت تقول مارح اجي تكفي الشوفات الي راحت
ارتخا يناظرها وهمس : تكفين ياختي جيبيها
ضحكت العنود ولفو من دخلو الجازي وريم وابتسم صقر وناظر العنود الي تضحك وكزها يتقدم يسلم على الجازي الي تبارك له وتوصيه
ووقف جنب ريم يناظرهم ولفو يروحون ناظر العنود الي تناظره وتقدمت تعطيه الدبل وطلعت تاركتهم
لف يناظرها وهمس : يويل قلبن تليتيه يالريم
بلعت يريقها وهي تناظر يدينها ومد يده ياخذ يدها يلبسها الدبله ومد عليها دبلته واخذتها بتوتر تلبسه
وابتسم يشد على يدها بفرح وتكلم : ماني مصدق اقرصيني عشان اقوم من الحلم
رفعت راسها تناظره بعدم تصديق وتكلم يناظر عيونها : الا والله انه صدز يويلي ويلاه
نزلت راسها ولفو من طق الباب وفتحته العنود تطل : ريوم يبونك
صقر بصدمه : انا ابيها خليها
ابتسمت العنود تناظرهم ومشت ريم طالعه مع العنود وهي ماسكه قلبها
وصقر وقف يناظرهم رايحين بخيبه
ناظر ذيب من دخل وتكلم يناظره : العنود كانت هنا ريحة عطرها هاذي
صقر نفض يدينه : وراء ماجيت من اول تاخذها وتخليني مع ريم
عقد حواجبه يتقدم عنده وناظر يده وابتسم : مبروك مبروك
ابتسم صقر يناظر يده : الله يبارك فيك
ذيب : وراك مختلف ؟
صقر : انا القاها منك ولا من العنود جت في احسن دقايقي واخذتها
ذيب ابتسم : يزينها يناس يجعلني مانحرم منها
ناظره صقر بصدمه وضحك ذيب ومسكه صقر : هيه وش فيه شي مدري عنه ؟
ذيب بابتسامه : قلبي ياصقير قلبي
نعقد حواجبه صقر يناظره وكمل ذيب : اهه الحب يتعب من يذله والله في حبه بلاني
فتح عيونه صقر يناظره بنص ابتسامه وضرب كتفه : والله اني عارف منتم جالسين سذا
ضحك ذيب وكمل صقر : ايي واختي وش رايها ؟
رفع كتوفه ذيب : وش اتوقع ؟
اتسع مبسمه صقر يناظره وتكلم : ايي قلت الك تقدر تجيبها
ابتسم ذيب و حمرت خدوده وتكلم صقر : من صغرك حياوي
ضحك صقر يناظره ولفو من طق الباب ودخلت العنود ناظرتهم بصدمه وهي ماسكه جوالها وتكلمت : نياف يسئل عنك واقوله راح واثرك هنا للحين
صقر ناظر ذيب من ابتسم وناظرها : اي والله هنا كيف اروح واخلي قلبي مقدر
العنود رفعت يدها : اثقل اثقل البنت متفشله منك
صقر تقدم عندها : ماني بثاقل وبعدين وراتس جيتي واخذتيها
سكتت تناظره وناظرت ذيب وناظرته وتكلمت : شوفه شرعيه في زواجكم ابقا معها الوقت كله ماعندك مشكله
تخصر صقر يناظرهم وتكلم : ها ماني مخليكم تاخذون راحتكم لين اتزوج
ناظرته بعدم فهم ولف يناظر ذيب الي يناظر العنود وتكلم : امش انت عيونك تلاقط
التشبيهات في الانستاء (rxoa.19)
