العنود بهدواء : بتجندونه من اول اسبوع
ضحكو من كلمتها وتكلمت ساره : ابوه قبله
ضحكت العنود تناظر ذيب وتكلمت فاطمه : اذا كذا عادي
وقفت شادن تاخذ دلع وتجلس جنب جدتها : هاذي من عمت دلع وجدتها
هزت راسها الجده سلمى تطلع علبه وتفتحها واخذت منها اساور الذهب وطلعت اربع وتكلمت : هاذي لام دلع و دلع
عضت شفتها العنود من اسم ام دلع ومن مشاعرها لهالكلمه
ورفعت يدها شادن تفتح مهاد دلع وتطلع يدها وتقدمت الجده سلمى تلبسها الغوايش والخاتم
وتكلمت العنود بحنيه : خواتمهم لطيف حجمها
الجده سلمى وهي تعدل الخاتم : ملبوس العافيه
شادن بفرح : مقاسها
ذيب بالبتسامه : ماتقصرين يجده كثر خيرتس
الجده سلمى : الله يسلمك
وقفت الجده سلمى ووقفت العنود تتقدم عندها : ارتاحي
الجده سلمى رفعت يدها تلبسها الغوايش وتكلمت : ملبوس العافيه
العنود بهدواء : الله يعافيك
رجعت تجلس العنود وجلست مكانها الجده سلمى
واخذت العلبه الثانبه وطلعت منها خماخم ( حلقات)
وناظرت العنود : هذي لدلع تبين اخرم اذانيها الحين ولا لياكبرت
رفعت اكتافها العنود بهدواء وتكلمت شيخه : اخرميها الحين احسن
العنود بذهول : تخرمين انتي ؟
هزت راسها الجده سلمى : حفيداتي كلهن خارمتن الهن
سكتت العنود تناظر دلع ثواني وتكلمت : بيعورها ؟
شيخه : يعور بس مايطول ترا
ميلت شفايفها العنود ولفت على ذيب ورجعت تناظرهم وتكلمت الجده سلمى تناظر فاطمه : عطيني بس ابره ومناديل
هزت راسها فاطمه تقول ل صمود تجيب وثواني وجابت تعطيها الجده سلمى ولفت على دلع وتكلمت : شادن امسكيها وانتبهي اتحرك ؟
هزت راسها شادن تثبت راسها وسمت بالله الجده سلمى تخرم ل دلع
شادن طبطب على صدر دلع من صاحت وغطت وجهها العنود تسمع بكي دلع ووسعت بين عيونها تشوف الجده سلمى تدخل الحلق
ورفعتها شادن تهديها ومن سكتت دلع لفتها وخرمو الاذن الثانيه ورجعت دلع تصيح
وسكرت اذانها العنود ماتقدر تتحمل صراخها ووقف ذيب ياخذ دلع بعد ماخلصو وحضنها يهديها ويمشي بها
وبعد ثواني سكتت دلع وباس خدها ذيب يشوفها تشاهق
ومسح وجهها يسمي عليها وبعد ماغفت نزلها بسريرها وتكلم يعدل لحافها عليها : ابرجع للعيال اذا بغيتو شي علموني
هزت راسها فاطمه ولف يهمس للعنود : راشد ودلع لايغيبون عن انظارتس ولايطلعون الا معتس
هزت راسها العنود وهي مستغربه ولف ذيب طالع
ناظرهم في الحديقه وصمود واقفه قدامهم وتحاول تعرف وش يبون
ودخل يدينه في جيوبه : وش عندكم ؟
راكان اشر على الديجيه الي مشغل باغاني وتكلم : نبيها تغيره وتحط شيلات نبي نرقص
ذيب ميل شفايفه : وقته
لف على صمود : جيبيه هنا
ميلت شفايفاها صمود : مايتغير مكانه ثابت
ذيب : اجل كيف اغير الصوت
صمود راحت عند الديجيه ولفت الاب : هنا
هز راسه ذيب يقولها تروح وراحت واخذ الاب يبحث ويغير الاغنبه
عزيز : مهو من جدكم تاترقصون ؟
صالح : ابفضي النشاط الي فيني
اصيل وهو يعدل في الديجيه : ابرفع للاخير وبتشوشون
اشتغلت الشيله ورفع الصوت اصيل ورفعو حواجبهم من علو الصوت الي يغطي القصر كله وتكلم ذيب بحماس : اللعن ابوه يقوه
ضحك اصيل يناظر ملامحهم ولفو يناظرون نياف وصقر الي تحمسو وبدو يرقصون وماطولو الباقين ودخلو معهم
