عدل كتوفه يشوف الدكاتره والممرضين بدو دوام
ويشوف الناس والاطفال الي دخلو
عدل جلسته يشوف مريض يتكلم معه وبدا يحجز له ويدخل بيناته وهز راسه بعد ثواني يعطيه ورقه : تقدر تدخل للدكتور
هز راسه المريض ياخذ الورقه الي مدها له وراح
تقدم المريض الي بعده وبدا يسجل ويدخل ويبداء شغله بتركيز
عقدت حواجبها تناظر الاستقدام وابتسمت تناظر نرجس تقولها سالفه لفت تاخذ قهوتها من الكافتيريا الي قدام الاستقدام وتمشي مع نرجس الي مكمله سالفتها وهي مو معها
ابتسمت بتسليك من خلصت السالفه : مو لهدرجه عاد
نرجس : اقولك قهرتني
ميلت شفايفها نجود تبين انها معها ورفعت كوبها تشرب من قهوتها وتشوفها لهت في جوالها ولفت تناظر الاستقدام باستغراب وشافت محد موجود يحجز وقامت تاخذ قهوتها وتعدل معطفها الابيض وتتقدم نزلت قهوتها عالماصه تناظر الي يناظر الجهاز ورفع راسه بسرعه : كيف اقدر اساعدك
رفعت حواجبها باستغراب تناظر حولينها : لا ياربي مو هو نفس الصوت
ميل شفايفه يمنع ابتسامته ورجع يناظر الجهاز وهمست نجود : لو هو مانطق حرف الكاف
سكت ضاحي يناظر الرساله الي وصلت من الطبيب على الجهاز ورجع يناظرها وشدت كوبها الي بيدها على الماصه وتكلمت : اسفه ع الازعاج بس مشبهه
ابتسم ضاحي يشوف توترها وتكلم من لفت : منتي مشبهه
رجعت تناظره وتكلمت نجود : وش اسمك ؟
ضاحي : ضاحي
فتحت عيونها بذهول تناظره وضحك ضاحي يشوف ملامح الصدمه عليها ورجعت مكانها نجود : كيف ومتى جيت هنا ؟
فتح يدينه ضاحي : لي ساعتين هنا و توظفت هنا
رفعت حواجبها نجود : ملاحظ نفس المستشفى الي انا فيه ؟
هز راسه ضاحي : انا ابي كذا ليه ماتبيني ؟
عضت شفتها من سؤاله وتكلمت : عادي بس مصدومه
هز راسه ضاحي : ماعندتس شغل
نجود بهمس : تس تس هو يانجود بشحمه ولحمه
ضحك بخفيف ضاحي وتكلم : ممكن ماتعطليني عن شغلي
عقدت حواجبها نجود ولفت تشوف طابور الناس الي وراها وعضت شفتها تاخذ كوبها ولفت تروح وكمل شغله ضاحي
جلست تشوفه يكلمهم وياخذ بيناتهم وسكتت تناظره بذهول وتسمع نرجس الي دخلت بسالفه ثانيه
لفت تسمع صوت جوالها وتشوف رقم صمود ع الشاشه واخذت نفس ترد وتسمع صمود : صباح الخير
العنود بهدواء : صباح النور
صمود ناظرت فاطمه : ماحتجي للقصر ؟
هزت راسها العنود : لا
عضت شفتها صمود وتكلمت العنود : بسكر
نزلت الجوال تسكر وهي عاقده حواجبها وتفكر في فاطمه والكلام الي قالته والبقع والمرض الي شافتهم فيها
تنهدت ترجع ظهرها لورا وتشوف نوره وسحاب جالسين عندها ويلعبون وصدت تناظر الفراغ
ثواني ولفت تناظر نوره الي تمددت جنبها وتمسكت في يدها وابتسمت بهدواء تمسح راسها وتكلمت نوره : ليه زعلانه ؟
ميلت شفايفها العنود وتكلمت سحاب : عمي ذيب يزعل ويطق اذا زعلتي وحنا مانبيه يزعل ويعصب بعدين مايصير حليل معنا
ابتسمت بهدواء تناظرها وتكلمت نوره : قولي لي قصه
لفو من تكلم ذيب الي توه جاي من دوامه : سلام
الكل : وعليكم السلام
ذيب وهو يفتح جاكيته : مجتمعين اليوم
سحاب : دايم نجتمع بس اليوم كشفتنا
نوره : نونس العنود عشان ماتقلب علينا وتقول ازعجتوها
رفع حواجبه ذيب يضحك وجلس يشوفها متمسكه في يد العنود وغمز : ولا تبين شي ؟
ابتسمت نوره وضحكت العنود تشوف ابتسامتها وتكلم ذيب يضرب رجل نوره : والله اني داري
سحاب ضحكت : نبي نروح للحديقه ونبي العنود تستانس عشان ماتعيي
ميل شفايفه ذيب وتكلمت نوره : من سكرت جوالها ساكته اهرجي
رفع نظره للعنود يشوفها تتصنع الابتسامه وتكلم يناظر البنات : روحو لجده شيخه تناديكم للغداء والعصر اطلعكم
ابتسمو بفرح سحاب ونوره وتقدمو يبوسون راس ذيب وطلعو يركضون
وقف يسكر الباب وينزل جاكيته وتكلم يناظر العنود من المرايه : وراتس
هزت راسها العنود وعقد حواجبه ذيب يجلس قدامها وتكلم : يعورتس شي ؟ احد مضايقتس ؟
هزت راسها العنود : من صحيت وانا مصدعه ومالي نفس اكل حتى الطلعه ماصرت ابي اطلع
ميل شفايفه ذيب وكملت العنود : صمود اتصلت تبي اجي للقصر ومابي اروح ادري بحصلها موجوده
ذيب تربع يقابها ودفع يدينه يشد يدينها : شوفي ي نضر عيني انتي براحتس ماني بجابرتس على شي
سكتت تناظره وكمل ذيب : معتس حق تزعلين وتعاتبين وتقاطعين بس انا اشوف ان امتس صح الي سوته
اذا هي بعدت وهجرت عشان صحتكم وعشان ماتضركم
وهي بنفسها قالت انها كانت تتعالج وقالو ان ماله علاج ويبى يعيش معها ويمكن تموت ابه وبسبته
ميلت شفايفها العنود : بس ماني قاده اسامحها انا من وعيت على الدنيا ماحصلتها معي حتى قايد ماعرف وماقام معي وتعب علي الى راشد وخديجه ماسوو شي لي عشان احس فيهم
ذيب : يكفي انها حملت فيتس تسع شهور وولدتس
وهذي انتي حامل وبتولدين
سكت يناظرها ثواني وكمل بهدواء : ماودي عيالي يقاطعونتس ويسوون فيتس الي تسوينه الحين
العنود عقدت حواجبها : بس انا مارح اقاطعهم واوهمهم اني مت ويعيشون بدون ام وفالاخير اطلع واقول انا امكم
هز راسه ذيب يشد يدينها : وانا عارف وماني مخليتس تبعدين عني وعنهم و مستحيل اخليتس تروحين وان شاء الله ربي بيسهل عليتس وتصيرين احسن ام ونربي عيالنا ويعوضتس ربي
ابتسمت بهدواء تناظره وتكلم ذيب بترجي : المسامح كريم يبعد روحي سامحي وتخطي وصيري احسن منهم
العنود : اصلن عوضني ربي ومابي عوض غيرك
ابتسم ذيب وكملت : تدري انك حليت اشياء كثير كنت ماعرف احلها
ميلت شفايفها تناظره وكملت : ذيب انا ممنونه للدينا لانها عرفتني عليك ، تدري صرت احب عقاب عشانه جمعني فيك
ابتسم بوسع ذيب وكملت بابتسامه : بعيد عن كل الي صار والمشاكل الي ف بداية حياتنا صرت اعتبرها اختبارات واجتزتها وفزت فيك
تنهد براحه يناظرها وتكلم : تدرين وش احسن شي صار في حياتي
ناظرته بدون رد وكمل ذيب ورفع يده يضرب طرف انفها من تورد : انتي احسن شي واحسن من تعرفت عليه واحسن
من جبروني عليه وكل ما تذكرت اني رافض فكرة الاجبار الي صارت لنا يضيق صدري مادريت اني ابتهنا وابملك قلبتس وتصيرين قلب وروح ذيب
عضت شفتها بحيا من تعبيره وشرحه وهو يأشر على قلبه وابتسمت تتأمل ملامحه وعيونه الي تلمع
غمضت عيونها من دخلت سحاب ولف ذيب وتأفف وتكلمت سحاب : جدتي تقول طولتو على الغداء
فرك جبينه ذيب يهز راسها وطلعت سحاب ولف يناظر العنود الي لازالت عاضه شفايفها وخشمها احمر وتكلم بقل صبر : لازم نطلع ونروح لمكان محد فيه عشان ناخذ راحتنا
ابتسمت العنود وهي عاضه شفايفها وتقدم ذيب يبوس خشمها ثواني وبعد يقول ياخذ له ملابس ويدخل الحمام
فتحت عيونها وهي مبتسمه ووقفت تاخذ عباتها وتلبسها وتنتظر ذيب
