ود وقفت تاخذ الاب : نعرف نهاية ابو الذيابه ذا وش ورانا
وناظرت نياف : اسفه على الازعاج
ميل شفايفه نياف يهز راسه وطلعت نزل نظره يفتح جواله وفتح عيونه يشوف الصور وناظر الاسم وضحك يقراه : ماني ابو الذيابه
اخذ نفس يناظر رقمها وكتب : ليه الصور ؟
ارسلها وتعدل يقوم واخذ اغراضه يطلع
ركب سيارته يسمع صوت الرساله وطلع جواله يشوفها وابتسم من ردت : يكثر اسئلتك
ميل شفايفه مايدري وش نهايتها ومايدري وش سالفتها ووش تبي بالصور
اخذ نفس براحه من خلص من اخر مريض ووقف يدخل الكافتيرياء ويناظر في الصور الموجوده وانواع القهوه وهو مايعرف انواع القهوه وتكلم من تقدم عنده الكاشير : فيه شاهي ؟
هز راسه الكاشير : شاهي اخضر ولا شاهي احمر
ضاحي : شاهي احمر
هز راسه الكاشير يسجل طلبه ويقول ل ضاحي السعر وطلع ضاحي من جيبه فلوس يدفع وتكلم الكاشير : ارتاح ويجيك الطلب
هز راسه يجلس ويتفرج في الممرضين الي قاعدين يتقهوون والناس الموجوده تستريح
ابتسم يناظر الكاس من نزله قدامه وتقدم يحركه ويشرب وكشر من كان مر واخذ سكر يزيد
لف على الي دخلت تضحك وعقد حواجبه يشوف نجود داخله معها وصد يناظر كاسه
تقدمو يطلبون ولفو يختارون طاوله ولفت تشوف نرجس جلست مع شله وميلت شفايفها لانها ماتحب هالشله ولفت تدور طاوله ثانيه وتسمع نرجس تناديها
عضت شفتها تشوفه جالس لوحده ويناظر كاسه وميلت شفايفها تتقدم تجلس بنفس الطاوله وتطلع جوالها تفتحه
رفع نظره عليها وابتسم بهدواء يتكلم وهو يناظر كاسه ويحركه : كيف الشغل اليوم ؟
ميلت شفايفها ترفع نظرها : زين المفروض اسئلك انت جديد علينا
ضاحي هز راسه : عليهم بس مهو عليتس
ناظرت قهوتها من نزلوها قدامها ورفعت يدها تاخذها وتشرب شوي وتكلم ضاحي بهدواء : ماسئلتس سؤال امس
ميلت شفايفها تناظره بتوتر وهزت راسها وتكلم ضاحي : من البارح افكر في سؤال والحمدالله لقيت
نجود : وش سؤالك ؟
ضاحي : مجبوره تجاوبين طيب؟
هزت راسها تجهل الي يفكر فيه والسؤال وتكلم ضاحي يناظرها : سئلتس قبل وماوصلني جواب وبرجع اعيده
لو اخطبتس توافقين ؟
ناظرت كاسها وهي مصدومه من سؤاله وماتوقعت بيكون قوي عليها وعضت شفتها تسكت
ابتسم يشوفها منزله راسها وهز راسه ضاحي : السكوت علامة الرضاء
رفعت راسها تناظره وتكلمت بتوتر : مو كذا بس صدمني السؤال
ضاحي : طيب جاوبي
نجود : مو جاهزه وبس
ضاحي هز راسه : متى ماجهزتي قولي لي
رفعت حواجبها وعضت شفتها تسمع تكملة كلامه : ولاتطولين علي
عضت شفتها تمنع ظهور ابتسامتها واخذت قهوتها تطلع وهي ترجف من الحياء
ابتسم بوسع وهو لمح وجهها الاحمر وقت طلعت وتنهد تنهيده طويله ياخذ كاسه ويطلع يكمل شغله
دخل وفتح اول زرارين بجاكيت بدلته وتلفت يدورهم في الجلسات واستغرب من ماحصل احد
ضيق نظره يشوف الي واقفه بعيد وتقدم يمشي لها
ابتسم بهدواء من كانت هي ووقف يناظرها تثبت عكازها وتمشي على رجلها بدون العكاز ويدها على الجدار عشان ماتطيح
ابتسمت من ماحست بألم وبعدت يدها عن الجدار تمشي لوحدها وتتبعد عن الجدار
فز من عقدت حواجبها بألم ومسك يدها من مدتها تستند على الجدار وثبتها عشان ماتطيح
لفت تناظره باستغراب وصدت ترفع طرف حجابها وتتلثم
ومد يده الثانيه ياخذ عكازها ولف عليها يثبته تحت كتفها
بلعت ريقها بتوتر من يده الي قريب صدرها وتكلمت تمسك عكازها وتبعد عنه : بعد
رفع نظره عليها يشوف رجفة عيونها ومسك معصمها يقربها له : ليه تخافين مني ؟
ماردت ترف تناظر صدره الي قدامها لانه طويل ورفع يده تحت لحيها يرفع راسها له وتوترت زياده وتكلم : لاتخافين مني عشان ماتماداء
عقدت حواجبها من كلامه
ولانت ملامحه من طاحت اللثمه عن باقي وجهها وسكت يناظر ملامحها
امتلت عيونها دموع تنزل راسها وبعدت عنها تستند على عكازها وتمشي داخله البيت
بلع ريقه يناظرها رايحه ونزل نظره ليده الي مثبته مكانها وكانت تحت لحيها
جمع اصابعه يناظر مكانها ويرجع يتذكر شكلها ولف يضرب الجدار بعصبيه : ليه كل هالخوف
اخذ نفس بعصبيه يمشي داخل ومتجاهل دلال الي تناديه رقى السلم يدخل غرفته وسكر الباب يقفله بالمفتاح
ومسك راسه من رجعت ملامحها تتكرر في باله ورجفة عيونها الي شبت النار فيه
