ذيب بابتسامه : ان شاءالله تصير حلالك
وناظره : هذا عرفناه وش موقف العصر ؟
صقر اشر على عينه : شفتها اتزين قدامي ومانطق الساني انتي زينه بدون تزيين
ضحك ذيب يضرب كتفه : هوووواا انطلق السانك
ضحك صقر يرفع يده : هه هه كنه بدا ينطلق
سكتو من قربو من الدكه وناظرو العيال جالسين يتعشون وتقدمو يتعشون معهم وبعد العشى وبعد ماغسلو رجعو يجلسون وتكلم راضي : ابضبط شاهي يخش المخ
ذيب ضرب رجل صالح : اجل انقز انت جب العود
هز راسه صالح يوقف : بس ابشرط ؟
هز راسه ذيب : وش ؟
صالح جلس مقابله ومسح دقن ذيب : غن ال خالد عبدالرحمن
ذيب هز راسه واشر على خشمه : على ذا الخشم
صالح فز بفرح : عليه الشحم
ضحكو يناظرونه وتكلم غيث : يولد اخوك هذا طرزان من بعد طمرته الي اولا وهو نشطان
ذيب هز راسه : بسم الله عليه اذكر ربك
همس غيث : ماشاءالله
نزل صالح بالعود اعطاه ذيب الي تربع وهو يفكر
نياف هزه : وش تفكر فيه الحين ؟
ذيب ناظره : اشوف حافظ ل خالد شي ولا
بعد ثواني تقدم راضي عندهم بالشاهي وبدا يصب ويوزع وناظرهم ذيب وقال : وشلون ما ادري كيف روحين في روح
ما كنت أصدق باندماجك يا الأرواح
معقول أحد يمشي معي وين ما أروح
معقول أنا أمشي معه وين ما راح
رفعو اصواتهم العيال يعيدون ويصفقون على عزف ذيب : وشلون ما أدري كيف روحين في روح
ما كنت أصدق باندماجك يا الأرواح
معقول أحد يمشي معي وين ما أروح
معقول أنا أمشي معه وين ما راح
ابتسم من كمل صقر معه : أول أحسب إن الغلا ضحك ومزوح
سمرة سوالف بين مركا ومسباح
أثر الغلا بلوة أحاسيس وجروح
لوعة مشاعر بين ذابح وذباح
وردو العيال من سكتو : أول أحسب إن الغلا ضحك ومزوح
سمرة سوالف بين مركا ومسباح
أثر الغلا بلوة أحاسيس وجروح
لوعة مشاعر بين ذابح وذباح
وعلى هالموال لين خلصت الاغنيه واخذ كاسته ذيب يشرب وتكلم راضي ل صقر : انضميت معنا ؟
هز راسه صقر : خمات ترا مهب دايم
نزل العود ذيب يتكي من بدو يسولفون وتكلم ظافر : عيال صحيح ضاحي بيمشي ؟
هزو روسهم يناظرونه وتكلم سيف : عمليه ويرجع يمشي بأذن الله
جلال : ليته عاد انا كاسراً خاطري هو وكرسيه
ريان كشر : انا من يوم تكفخو من ابوهم وانا ضايقه فيني الوسيعه
راضي : صدقت الولد مايقدر ايتصرف مابيده حيله
نياف هز راسه : وش يبى يسوي مايقدر
ريان : الي قدرت عليه والله الي صطرته
جلال : اي والله صدقت يقوها قواه
راضي : هاترا الي عالجت ضاحي الي معها ممرضه وهي الي قالت لهم بتعالجه
سكتو يناظرون احفاد عقاب متكين يناظرونهم وتكلم ظافر : وراكم ساكتين ؟
نياف هز راسه : وش تبانا نقول ؟
ضرب راسه ريان وضحك يناظرهم : العذر والسموحه والله رايح عن بالنا انها بنتكم
راضي شهق : يمين بالله اني ناسي
ظافر : عاد تدرون كنت ابقول ان الضرب هو الي ورثته من قايد بس سكتت
صقر بنظره : يعننك الحين ماقلته
رفع كتوفه ظافر بعدم قصد وتكلم جلال وهو يناظر ذيب : لاتعذرون من اخوانها تعذرو من رجلها
ناظرو ذيب الي صد ينسدح وحط يده خلف راسه
وغمض عيونه بتعب من هالموضوع وتكلم غيث : قلّت السوالف دورو غير هالسالفه
سكتو ثواني ووقف ذيب يلبس زبيريته : تصبحون على خير
طلع راجع لبيت ابوه وناظر السياره الي وقفت ووقف يناظرها ثواني
نزلت من سيارته وشؤُتوُ جنبها وناظرت ذيب الي واقف يناظرها وقفلت سيارتها تصد وتدخل البيت
وتقدم يدخل بيت ابوه الي جنب بيت عقاب ( بيت عقاب فالنص وحاكم يساره وقايد فالجهة الثانيه وكل البيتين فيهم باب يفتح على بيت عقاب من الحوش ) ناظر عقاب وابوه فالبيت حط شماغه على كتفه يدخل
وقف من تكلم عقاب : تعال وين كنت ؟
ناظره ذيب بتعب وتكلم : فالدكه
عقاب : ومتى تاتسوي غرفتك
ناظره ذيب بصدمه وناظر ابوه وتكلم حاكم : انا كلمت العمال يبى يجون يبنون غرفتك برا نفس سطام وسعيد
عقاب : وانت ولا همك وماكنك تاتعرس
ذيب سكت يناظرهم ثواني ومن شافهم ساكتين يناظرونه تكلم : تصبحون على خير
ودخل ينام تاركهم
لف عقاب على حاكم وتكلم بغضب : شفت شفت حتى مايهرجني زين وتبيني اخف عليهم
تقدم عقاب يرجع لبيته من الباب الي بينهم وتنهد حاكم يدخل بيته تقدم عند غرفة ذيب وصالح وفتح الباب يناظر ذيب منسدح وذراعه فوق عيونه وتكلم : احد يرقد والنور مشغل فوقه ؟
رفع ذراعه ذيب يناظر ابوه وتكلم : صالح يبى يجي ومبي اذا جا يشغله واصحى
حاكم سكر الباب وتقدم يناظره منسدح ورفع ظهره ذيب يجلس وتكلم باستغراب : وش فيه ؟
حاكم : ضغط عليكم وجبركم كله لمصلحتكم
ذيب مسح وجهة يناظره وتكلم : بس مايجبرني على شي مابيه قد جيت انت وسئلتي يولدي تاتعرس وقلت لا يبه انا اذا فكرت جيت وقلت لك
حاكم بهدواء: طيب لاتسفة جدك كذا وتخليه يعاندك اكثر عطه اي كلمه بس يسكت مهب اذا شفته ولا هرجك نفخت
ذيب هز راسه وتكلم بهدواء : اسئلك بالله راضي عن الي يسويه فينى ؟
هز راسه حاكم : لاوالله وانا ابوك مانيب راضي لاكن وش بيدينا نسوي مابليد حيله
ذيب : طيب سطام وسعيد قبلي مخليهم على راحتهم وماتزوجو الا برضاهم وش معنى انا يربطني بوحده مادري وش خيرها من شرها
حاكم : انت شفت راحتهم وين ودتهم وهو ندمان انه خلاهم على كيفهم ومايباكم تصيرون نفسهم ونفس ماقلت الك مابليد حيله ولاعاد تعاندونه سلكو لين تنحل وعلم الباقين يخفون عليه
تنهد ذيب يناظر ابوه وهز راسه : ابشر
طلع حاكم يسكر الباب بعده ورجع ذيب ينسدح ويناظر السقف وهو يفكر عقد حواجبه من تذكر قبل يدخل وقت جت وهمس باستغراب: هي قالت ايام وارجع وش جابها وهي ماكملت يوم
سكت يفكر وهو عاقد حواجبه ولف من دخل صالح وهمس وهو يسكر الباب : ارجعت بنت عمنى سيارتها براء
هز راسه ذيب وتكلم وهو يتلحف : طف النور معك
سكت صالح يناظره وهو عاقد حواجبه ونزل ثوبه يعلقه وطفى النور ينسدح في فراشه جنب ذيب
