العنود : طيب و العلياء ؟
ذيب : ابتسلف حقها منتس لاني ماضمن جلستها عند ابو عساف وابرجعها وفلوستس ارجعها اذا توظفت
تكتفت العنود تناظر الفراغ ثواني وتكلمت : واذا رحت انت من يساعدني في عقاب ؟
ذيب بضحكه : يمدينا نجننه قبل اروح
ميلت شفايفها العنود تفكر
وذيب يرتب اغراضه
وبعد دقايق صمت لفو من طق الباب نياف وفتحت العنود
ناظرهم ثواني وتكلم : هذال يقول يبي بياناتك كامله وترا الدوره ست شهور
ذيب بصدمه : اوفف كثير يولد
نياف بابتسامه : عسكريه ترا
هز راسه ذيب يطلع هويته وجلس نياف يسجل بيناته
ناظره ثواني وتكلم : تدري احس منت قادر تدخل
عقد حواجبه يناظره وكمل نياف : فيك ربو انت والعسكريه فيها جهد وتعب ويمكن يئثر عليك
ذيب : بس الربو الي فيني مهب قوي يجيني بين فتره وفتره
نياف ميل شفايفه يناظره : مدري انا بس ابرسل بيناتك ونشوف
هز راسه ذيب وبعد ثواني خلص نياف وطلع وهو يكلم هذال
جلست على سريرها تناظر من الدريشه ولفت من تكلم ذيب : ينادون للفطور
ناظرته وهزت راسها : مابي
سكت ذيب يطلع تاركها ووقفت تفتح شنطتها طلعت لها بجامه صوف ودخلت الحمام وبعد ثواني طلعت وقفت عند المغسله والمرايه الي برا الحمام ورفعت المنشفه تنشف شعرها المبلول
اخذت شنطة الكريمات تفتحها واخذت كريم تحطه على شعرها وتمشطه جمعت شعرها وبدت ترطب وجهها
ناظرت المرايه من انفتح الباب وكانت المرايه تعكس الباب
دخل ذيب وناظرها عند المرايه وتقدم يفتح البطانيه ويدخل في فراشه
سكتت تكمل ترطيب وجلست ترطب رجولها وتلبس شراب
سكرت الدريشه ووقفت تطفي النور وترجع لفراشها
جلست تفتح الابتوب حقها وتحط موفِي وطلعت سماعتها تشبكها بالاب وكملت تتابع بهدواء
تقدمت تنزل محافظ الاكل وفتحت القدر تعبيهم
ناظرت الباب من طق ولفت شيلتها تفتح : من
فارس : امي تقول خلصو ثوبي ؟
ريم : اصبر دقيقه
سكرت الباب تروح لامها الي جالسه وقدامها مكينة الخياطه وتكلمت : يمه خلصتي ثوب ام ناصر
الجازي لفت تاخذ كيس وناظرتها : ايه يامي عانيه
تقدمت ريم تاخذه وراحت تسكر محفظه وطلعت ل فارس : هذا ثوب امك وهذي المحفظه الكم
تقدم ياخذها فارس واخذ الثوب : كثر الله خيرتس
لف يروح ودخلت تاخذ المحافظ وطلعت لبيت ابو ظافر
طقت الباب تنتظر وطلع ظافر وتكلمت : امك طالبه جريش
هز راسه ولف يدخل وطلعت ام ظافر وابتسمت تعطيها : مشكوره يامي وهاذي فلوس الجريش
اعطتها ريم المحفظه واخذت الحساب ولفت توصل المحافظ للباقين وتاخذ حسابها
وبعد دقايق خلصت من اخر بيت ودخلت الدكان تقضي اغراض المطبخ الناقصه
وقفت عند الطاوله تنزل الاغراض وناظرت صقر الي جالس على كرسي عند الكاشير
صدت تناظر العامل وتكلمت : ابي رز عشره كيلو
هز راسه العامل يطلع يجيب
ومدت يدها تاخذ كيس ورجعتها من انسحب الكيس من يدها وناظرت صقر من بدا يجمع اغراضها وسكتت توقف على جنب ثواني ورجع العامل ومعها الرز
وتكلمت : وصله لبيت ام ضاحي مع الزيت
هز راسه العامل واخذت الاكياس وطلعت راجعه لبيتهم
وقفت من سبقها صقر وبيدينه كيس الرز والزيت
عقدت حواجبها تناظره ومشت تكمل طريقها
وقف عند الباب ينزل الاغراض ولف عليها وتكلمت : مسخن انت اليوم
هز راسه صقر : لا
سكتت تدخل الاغراض الي معها وطلعت تدخل الرز ناظرته للحين واقف وتكلمت : عسى ماشر
صقر : الشر مايجيتس
ناظرته بصدمه وتخصرت : وش موقفك للحين
حس على نفسه صقر وابتسم بفشله وحك جبينه ولف يروح
ضحكت ريم من وضعه ودخلت الرز والزيت وسكرت الباب
وصقر رجع لبيتهم متفشل
