ابتسمو من همس سيف وتكلم صقر : قريب وراجعين
هزو روسهم وتكلمت ود تناظر العنود وغمزت : تخطي بسرعه وارجعي لنا
هزت راسها العنود بابتسامه وتكلمت نوف : بطلب قهوه وبحسب حسابكم لاتطولون
كملو طريقهم طالعين
وتكلمت عاليه تناظر ترف : تبين شي ؟
هزت راسها ترف تأشر : عطيني ذي
تقدمت عاليه تعطيها وتكلمت شادن تناظر السياره : هذي ماراحت
ترف : شكلها تاتمرح هنا
ضحكو وتكلمت جيهان : عز الله مهي رايحه لين العنود ترضى
دلال : احس فيه كاميرات تصور هالمشاهد مو طبيعي امس خطف واليوم ام راجعه من الموت
ترف ضحكت : وقبلها صاير مليون شي
غيث : فلم
مسكو بطونهم يضحكون وتكلم هذال : السيناريوهات جاهزه مايحتاج احد يحفظ
جراح : تخيلو صدق
عزيز وهو يناظر اصيل الي جايهم بشورت وتيشيرت نص : وهذا البطل اصيل ور المشاهدين مهاراتك
رفع ذراعه اصيل : وين الكاميره ؟
جراح ضحك : كل الجهات كاميرات
ابتسم اصيل يستعرض عضلاته وانحنى يتمرن بوش اب
وصرخت دلال : اطلق بطل
باتل ضحك و رفع يده يأشر : كت كت
ضحكو يشوفونه يتلفت ويأشر لكل الجهات
وجلس اصيل يشرب ماء وتكلمت رحاب : لو صدق مصور بصير فانز ل عضلات اصيل
نوف : ناقص بس تتصارع مع الاعداء ويكمل الفلم
ود : يتصارع عشان من طيب ؟
جيهان : اكيد عشان البطله
دلال تكت تفكر : لازم نحصل بطله
تكى اصيل يشوف ترف تتصدد عنه وسكتو ثواني ولفو بفجعه من صرخت شادن
مسكت قلبها ترف بفجعه وتكلمت رحاب : شفيك ؟
شادن اشرت على ترف : البطله هنا
فتحت عيونها ترف تناظرها بعدم فهم وصرخو البنات بصوت واحد يناظرونها وصرخ هذال : وجع ان شاء الله فكونا من الصياح
دلال فزت تحضن ترف : بطلتنا
عض شفته اصيل يناظرهم وتكلمت ترف بعدم فهم : وش السالفه ؟
لفو يناظرون اصيل الي فاهم سالفتهم وعقد حواجبه بتمثيل وبعصبيه : وش هالسوالف ؟
رحاب انخرشت : نسولف عادي
اصيل : غيرو السالفه
سكتو يدورون سوالف وصد اصيل يناظر الفراغ ويفكر في سالفتهم وفي ترف الي توها استوعبت فكرتهم وعضت شفتها تناظر يدينها وتحاول تمشي الموضوع عادي بس
ماتعرف ليه تحس برجفه وتتوتر منه اول كانت تسولف عادي وتضحك معهم بس من جلس معهم سكتت انربط لسانها وتبي تتكلم ماتطلع الكلمه منها
غمضت عيونها تاخذ نفس طويل ثواني طويله وفتحت عيونها وجت بعيون اصيل الي يناظرها شدت يدها ثواني تناظره ماتعرف ليه ماصدت عنه وهي طول الوقت صاده بس الحين تحس عيونها ثبتت وماتقدر تحركها
سكت اصيل يناظرها وابتسم بهدواء من ماصدت عنه وهو متوقع الصد بس صدمته
صدو يناظرون جيهان الي صرخت ومسك راسه هذال يوقف : راسي مافيه غير صياحكم صجيتوني
وقف يروح وضحكو البنات يناظرونه ووقفت نوف تروح ترجعه
نزلو يدخلون المول الي دلتهم العنود عليه وقالت لهم : ماطفش منه دايم فيه فعاليات ووناسه
هزو روسهم يناظرون المسرح والاطفال الي يلعبون والناس مجتمعه
تقدمو يختارون طاوله وجلسو يناظرون المسرح والمذيع الي يعلن الفائز ويسلمه الهديه
ويضحكون من الرجال الي لابسين اشكال دما ويتهاوشون على الولد الفائز الي يناظرهم مصدوم
لفت من وقفت عندها بنت وابتسمت تشوفها ماده عليها ورده وتكلمت تأشر على نفسها : لي ؟
هزت راسها البنت ورفعت يدها العنود تاخذ الورده ورفعت راسها على الحرمه الي جتهم تضحك : خلاص ي توته ازعجتي الناس
هزت راسها توته وتكلمت الحرمه تناظر العنود : امها ولدت اليوم وجابت لها اخت وفرحانه وحلفت توزع على البنات والحريم الي تحصلهم ورد
ابتسمت العنود تناظر البنت وتقدمت تبوس خدها : مبروك وشكراً ع الورده
ابتسمت البنت تهز راسها ولفو من تكلم سيف : عطيني ورده
هزت راسها البنت بالنفي وتكلمت بطفوله : انت ولد وماما جابت بنت
ابتسمو يشوفونها تناظر سيف وماده بوزها وتهز راسها يمين ويسار
ورجع يقول سيف وهو ماد يده : انا ماعمر احد عطاني ورده عطيني انتي
نياف كزه : انت علامك ماتبي خلاص نمر شوي ناخذ لك ورد
ميل شفايفه سيف يناظر البنت وهي ساكته وتفكر وتكلم : خلاص مبي روحي
رجع ظهره عالكرسي ولف يناظر المسرح وضحكو يشوفون البنت نزلت ورده على الطاوله وراحت
ابتسم ياخذ الورده : انا محد يردني
صقر : البنت حست بالذنب يوم خليتها
لف سيف يشوفها جلست ع الكرسي تناظر الورد وهي ماده بوزها بزعل
وجلست جنبها الحرمه تهرجها وتكلم سيف : لاتصيحين تكفين
سكت يناظرها واخذ الورده ووقف يروح لها
وابتسمو يناظرونه
تقدم يجلس قدامها ع الارض ورفع الورده يحطها في يدها وتكلم : ماتبين لاتعطيني
هزت راسها تناظر الورد وتكلمت : بس ماما جابت بنت زيي ماجابت ولد
سيف هز راسه : خلاص اذا جابت ولد المره الجايه تدقين علي واجي وتعطيني ورده
ضحكت الحرمه تمسك راسها وهزت راسها البنت بالنفي تناظره ورفع يده يطلع من جيبه فلوس واخذ ١٠ ومدها عليها : اعتبري اني شريتها منتس
لفت البنت تناظر الحرمه وتكلمت الحرمه ترفع يدها : لا الله يعافيك مانقبل
سيف هز راسه يناظر بوكيه الورد : الورد صار بليه اخذي العشره ورحي اشري ورد ابها
لفت البنت تناظر البوكيه وكان فيه ٣ وردات ولفت على سيف الي تكلم : تاخذين الورده ولا العشره اختاري ؟
ميلت شفايفها البنت تناظر العشره وتناظر الورده وناظرت سيف ورفعت يدها تاخذ العشره وهز راسه سيف يبوس راسها وتكلم : خلاص رضيتي
هزت راسها البنت تبتسم ووقف سيف يرجع لهم
ووقفت البنت تروح مع الحرمه
جلس وتنهد ولف يناظرهم يناظرونه وهز راسه بمعنى وشفيكم وتكلم ذيب وهو متكي : ماكنت ادري انك حنين ؟
صقر : كم عطيتها ؟
نياف : تراضيتو ؟
سيف رفع حواجبه : ارد على من فيكم كل اسئلتكم وراء بعض ؟
العنود : كلهم
سيف هز راسه يناظر ذيب : عن الحنيه من يومي حنين ومحب ازعل احد
وناظر صقر : عطيتها عشره تسكتها مبيها تصيح ،
وناظر نياف : ايه تراضينا
ميلو شفايفهم يناظرونه وتكلمت العنود : كيوت وش بعد ؟
سيف : تقول ماما جابت بنت وانت ولد قلت معليه اذا جابت ولد المره الجايه كلميني عشان تعطيني ورد
فتحو عيونهم يناظرونه بذهول ثواني ولفو يناظرون بعض وضحكو يمسكون بطونهم
وميل شفايفه سيف يناظر المسرح وهم يضحكون منه
