رفعت اكتافها سلمى : يصيرون لبعض
صالح : اثنينهم ماتقبلو الموضوع
سلمى وهي توقف : عاد جدكم الله يهديه يحب يشبك المواضيع
تقدمت شادن تشيل معها وقام صالح يدخل الغرفه وناظر ذيب الي منسدح ويناظر السقف واخذ له قميص وطلع يتركه
...............................
طق الباب وبعد ثواني وصله صوت العنود وفتحت توقف تناظره وتكلم قايد : تجهزي وطلعي لبيت ابوي
رفعت حواجبها تناظره : وش هالنظام بعد الي اعرفه انهم يجون لبيت ابو العروس مو العروس الي تروح
قايد تكتف يناظرها : بدون حرش وطلعي لبيت ابوي حنى متعودين كذا
العنود : وانا ماتعودت كذا ومارح اطلع لبيت احد ياتجوني هنا ولا مافيه
اخذ نفس قايد يناظرها وابتسمت تناظره وتكلم : لاتعاندين ابوي
العنود بهدواء : ابوك الي لايعاندني
هز راسه قايد وطلع لبيت ابوه وسكرت الباب العنود وناظرت نجود الي تضحك : قسم مايمشوني على كيفهم يبغوني يجوني مايبغوني مابغاهم
نجود : تخيلي يلغي
العنود : ليته بس ماظن
ضحكت نجود تناظر العنود الي تفكر وسكتت
لف من دخلت شيخه وبيدينها ثوب وابتسم ياخذه منها وتكلمت بحزن من شافته يتصنع الابتسامه: يمه هد وطول بالك
ناظرها ذيب واخذ نفس : مهدي انا ومطول بالي بس ماني براضي عن الي يصير
شيخه : معليش يمه تحمل عشاني
تقدم ذيب يبوس راسها وتكلم : ابشري يبنظر عيني
ابتسمت شيخه تناظره بحزن وطلعت
ولبس ذيب وتعطر واخذ بشته يطلع وقف من تكلمت مشاعل : ذيب وش هالزين وش هالكشخه
غمض ذيب من وقفت قدامه وصد ينادي : سلمى ي سلمى
مشاعل : وش دعوه صديت مابينا
رجع ذيب ينادي و طلعت سلمى تركض وبيدها البخور : هلا هلا
وقفت تناظر مشاعل واقفه قدام ذيب بدون غطى وتكلمت : انتي ماتستحين الرجال كتب كتابه اليوم وانتي تلزقين فيه
فتحت عيونها مشاعل بصدمه وناظرت سلمى : كتب كتاب من ؟
ابتسمت سلمى تتقدم عند ذيب ورفعت البخور تبخره وهو صاد وتكلمت : كتب كتابه على المزيونه بسم الله عليهم لايقين على بعض
مشاعل عصبت وضربت رجلها في الارض تناظر ذيب الي صاد : ذيب صح هرجها ؟
ذيب ابتسم يناظر سلمى الي غمزت له وتكلم : بخريني وشوفي الدرب الريجيل يحترون
هزت راسها سلمى تلف على مشاعل : فارقي
اخذت نفس مشاعل تروح وضحكت سلمى ومشت مع ذيب للباب وطلع ذيب للمجلس ورجعت سلمى بابتسامه لمجلس الحريم تحط البخور الهم
دخل بجنب ابوه وسلمو بصوت واحد ووقفو يردون السلام عليهم وتقدم حاكم يجلس وذيب جنب المملك
لف يناظر قايد الي يناظره وصد يناظر عقاب الي مبتسم ويسولف ويضحك وناظر العيال الي في جهة يناظرونه وتنهد
لف من همس عقاب ل قايد : البنت جات ؟
قايد : عيت تجي تقول اذا تبوني تعالو عندي انا ماطلع من البيت
ابتسم ذيب من سمع كلام قايد وتكلم عقاب : وراك ماسحبتها
قايد : يبه وش اسحبها البيت جنبنا نودي الدفتر وتوقع وخلاص
عقاب بعصبيه: المفروض نفسها نفس الباقيات في بيتي ومايطلعن
قايد سكت يتعدل وصد عقاب يناظر ذيب الي يناظره ومبتسم وصد ذيب عنه لفو من تكلم المملك : ابو العروس يجي
وقف قايد يجلس في الجهة الثانيه وبداء المملك يتكلم وقايد يرد وراه ومن بعدها ذيب وابتسم المملك يناظر ذيب : وقع
مسك القلم ذيب يناظره ثواني ولف يناظر قايد وابوه وجده بتوتر ثواني وناظر العيال الي يناظرونه متوتري ولف يناظر عقاب ينظرات ترجي وهز راسه عقاب بالنفي يناظره وهمس : بسرعه
تنهد ذيب ينزل راسه ومد يده بالقلم يوقع ونزل القلم بعد ماخلص وعقد حواجبه بعصبيه
وناظر المملك من قال : بكلم العروس
هز راسه قايد يوقف ووقف معه المملك يطلع وعقاب وراهم وناظر صقر الي يناظره وهز راسه بمعنى رح معهم
هز راسه صقر يقوم يلحقهم
دخل البيت وناظر العنود وعقاب وقايد عندها والمملك وراء الباب يسئل العنود والعنود تناظر عقاب الي ماسك معصمها بغضب ويهمس لها : ردي موافقه
بعدت عنه بغضب وفكت يدها وهمست : صدقني بجلس على قلبك واعيفك اليوم الي فكرت فيه تحط راسك فراسي
لفت على الباب وتكلمت : موافقه
تقدم قايد ياخذ الدفتر وحطه قدام العنود الي اخذت القلم توقع وناظرت عقاب وابتسمت : مارح تبارك لي ؟
ناظرها عقاب ثواني وطلع بدون اي كلام
وطلع وراه قايد وتكلم صقر : ليه مارفضتي
رفعت اكتافها العنود تدخل وطلع صقر
دخل المجلس وناظرهم يسلمون على ذيب ويباركون
وبعد ماخلصو تقدم يسلم عليه وهمس : مابليد حيله وانا اخوك
سكت ذيب يناظره وجلس بعصبيه يناظر عقاب الي مبتسم يناظره ولف يناظر الرجال ورفع صوته : حياكم الله كلكم العرس بعد اسبوع ولحد يعيي
ناظره ذيب بصدمه يسمعهم يردون عليه ووقف يطلع تاركهم وقف من شاف امه وجدته وخواته وعمته طالعين وناظرته شيخه وتكلمت : مبروك يوليدي
هز راسه ذيب بدون رد وتكلمت ساره : يالله تعال لبس مرتك الدبله
فتح عيونه ذيب بصدمه يناظرهم و وقفت جنبه ساره ومسكت معصمه تمشي ويمشي معها وهو مذهول منهم
دخلت الجده سلمى تناظر البيت وابتسمت تشوف العنود جالسه فالصاله وتكلمت : مبروك يامي مبروك
رفعت راسها العنود من تكلمت وسكتت تناظرهم وتكلمت شيخه : تعال يذيب مرتك كاشخه وخالصه
ناظرتها العنود بصدمه وناظرت لبسها وكان فستان عادي وشعرها جامعة نصه وتاركه الباقي ومافيها اي مجوهرات ماعدا خاتم دبلة الي لبسها اياه بندر بس
رفعت راسها تناظرهم يناظرونها وتكلمت ساره وهي ماسكه يد ذيب وتسحبه يدخل : تعال وش فيك مستحي لبسها الدبله والشبكه واطلع
ناظرتهم العنود باستغراب وناظرها ذيب وسكتت
تقدم من دفته شادن يوقف جنبها وابتسمت : ابتسمو ابصوركم
ناظروها ماسكه جوال ورافعته وحط يده ذيب ع الكام : لالا مايحتاج
شادن : وش فيك ذكريات ياخي
هز راسه ذيب بالنفي وتقدمت شيخه وبيدها الشبكه وتكلمت : لبسها
لف ذيب يناظر العنود الي مصدومه وناظر امه الي اشرت له ورفع يدينه ياخذ العقد
ولف على العنود وقدم يدينه عند نحرها وغمض عيونه بعدم رضى من قدمته الجده سلمى زياده
بعد من تكلمت العنود بألم : شعري
سلمى : اجمعيه
تقدمت شادن تجمع شعرها ورجع ذيب يلبسها العقد
وهمس : لفي
لفت العنود تعطية ظهرها وسكره يناظر الشامات الي فبداية ظهرها
صد يمسح خشمه ولف من تكلمت شيخه : الدبله
ناظرتهم العنود ونزلت نظرها ليدها وشافت دبلة بندر ولفت من تكلمت ساره : شيليها
ناظرتهم يناظرونها وتقدم ذيب اخذ الدبله يلف عليها وتقدمت ساره : عطيني اشيلها
رجعت يدها العنود تناظرها بعصبيه وتوترت ساره ترجع مكانها ناظرتهم العنود ورفعت يدها اليمنى وتكلمت : هنا
ناظرو بعض وناظروها وتقدم ذيب بعدم اهتمام يدخل الدبلة وتقدما شيخه عند العنود الي جلست ثواني تناظر يدها ولفت عليها تاخذ الدبلة ورفع يده ذيب ودخلتها
ورفعو اصواتهم شيخه وساره يزغرطون وتقدمت الجده سلمى تبارك لهم والبنات وبعد التباريك طلع ذيب وطلعو معه يرجعون للبيت
تقدم عند الوانيت ونزل شماغه وبشته وحذفها مع الدريشه داخل السياره وركب يشغل رفع راسه يناظر الطريق وجمد مكانه يناظرها طالعه ونمرها جنبها
رفعت راسها وناظرته في الوانيت يناظرها وجلست ثواني وهي تناظره
صد عنها يمشي طريقه ومر من جنبها رايح
صدت من شافته راح وكملت طريقها تفتح سيارتها وركب شؤُتوُ وركبت بعده تشغل طالعه من الديره
دخلت مكتبها وتقدم عندها الممرض وتكلم : احد فقرات ظهره متحركه عن مكانها وضاغطه على الحبل الشوكي وهذا الي مشبب له شلل
نجود وهي تناظر الاوراق بين يدينها : يعني لازم عمليه
هز راسه الممرض وتكلمت : بقولهم واشوف
طلع الممرض ولفت تاخذ جوالها وتتصل على العنود وبعد ثواني ردت : هلا
نجود : اهلين كيفك
العنود : زينه
عقدت حواجبها نجود : كانك في سياره ؟
العنود بتنهيده : برجع للقصر كم يوم اريح
نجود : سوو لك شي ؟
هزت راسها العنود : لا نجود بسكر اكلمك اذا وصلت
هزت راسها نجود باستغراب : تمام
سكرت تدور في الاسامي واتصلت على الجازي وتكت تنتظر رد ابتسمت من ردت وتكلمن : اهلين كيفك
الجازي : هلا يامي الحمدالله بخير انتي اخبارتس
نجود : الحمدالله كيف رين وضاحي عندك
الجازي لفت تناظر ريم وضاحي الي جالسين عندها وتكلمت : اي والله عندي وش بغيتي ؟
نجود : ممكن تحطين سبيكر عشان يسمعون
الجازي : والله مدري وش تقولين بس هاتس ريم معتس
اخذت الجوال ريم باستغراب وعقدت حواجبها نجود : اقصد علي الصوت عشان يسمعون
ريم ابتسمت: هلا ايه فهمت امي ماتعرف للجوال وعطتني
نجود مسحت حاجبها وتكلمت ريم : حطيته عالي اهرجي
نجود ناظرت الاوراق وتكلمت : طلعت الاشاعه والنتائج واتضح فيه فقره في العمود متحركه عن مكانها وضاغطه ع الحبل الشوكي
سكتت ريم تناظرهم يناظرونها وتكلمت : وش يعيني ؟
نجود : يعني لازم يسوي عمليه عشان نعدل الفقره
ناظرو ضاحي الي عاقد حواجبه وتكلمت الجازي : ويصير يمشي
نجود بتوتر ماتبي تخوفهم : باذن الله
لفو يناظرون ضاحي الي ساكت يناظرهم وتكلم : متى ؟
نجود : بشوف الوقت وارد لكم
ريم : زين يروحي شي ثاني
نجود ابتسمت: لا بسكر انا
هزت راسها ريم وسكرت نجود وتكلمت ريم بفرح : الله ي ضاحي بترجع تمشي
ابتسم ضاحي يناظرهم ورفعت يدينها الجازي تحمد ربها وتدعي
