جلس مكانه وجلسو الكل على الطاوله وكانت مره كبيره وتكفيهم وزود وفتح جواله يصور الكود ويدخل على المنيو وفتح وناظرهم يتكلم : الكل قهوه عربيه ؟
هزو روسهم وتكلمت دلال : الا انا اسبريسو
هز راسه اصيل يضيف طلبها ودخل على انواع الحلا وطلب ست انواع مختلفه ومن كل نوع طبقين
اكد الطلب ونزل جواله يشوفهم هادين وتكلم يشبك يدينه : سولفو عطونا علومكم
صالح : والله المكان رايق
ود : يصير نجي كل اسبوع وكل اسبوع على واحد يدفع
هز راسه اصيل : صح حلوه الفكره
باتل : وكل اسبوع نفس الطلب مايتغير
ضحك اصيل يناظره وتكلم : زين جهز ١٦٠ من الحين
فتح عيونه باتل يناظره وضحكو من ملامح باتل وتكلم جراح : بخيل مايتغير
باتل : قصدي كل اسبوع نغير في الطلبات
هذال هز راسه : ابشر من الحين اختارو الغالي
ود : معليك باتل اساعدك في نص السعر
هز راسه باتل يرمي لها بوسه وشهقت رحاب تغطي فمها ولفو عليها بفجعه وتكلمت : ارسلت بوسه ل نوف
جيهان ضربتها : انتي عميا ماتشوفين ارسلها ل اخته وش دخل نوف
توترت نوف منهم وتكلمت رحاب : اها عبالي والله اسفه
امجد : انتبهي مره ثانيه ركزي
هزت راسها رحاب وتكلم نياف يناظر جواله : متصل متصل
لفو عليه واشر لهم نياف يسكتون ورد يحطه سبيكر وينزل الجوال ع الطاوله وتكلم الطرف الثاني : ماشتقت لي ؟
عقدو حواجبهم وتكلم نياف : وش يشوقني فيك ؟
عضو شفايفهم يمنعون ضحكتهم ورد الطرف الثاني : شكلك ماتبت
نياف : وماني بتايب لين اتوطى في بطنك ؟
الطرف الثاني : فكرت ولا للحين ؟
نياف سكت وكمل الطرف الثاني : انا والله اني احبك مير انت تجبرني على شي انا مبيه وانا اعلمك اسمع الكلام ونفذ
نياف رفع حواجبه يناظرهم مستغربين وتكلم : ووش بيني وبينك عشان انفذ كلامك ؟
الطرف الثاني : تحب المناقر انت وانا ابعلمك تروح تخ...
قاطعه نياف الي سكر الاسبيكر ورفع الجوال لاذنه : ماني بفاضي لهياط ورعان
نزل الجوال يسكر الخط ونزله على الطاوله ورفع راسه يناظرهم يناظرونه وتكلم اصيل : وش كان بيقول ؟
نياف بعدم اهتمام : ماعنده سالفه
ميل شفايفه اصيل ولف من وقفت الموظفه : شبكه ولا كاش ؟
اصيل طلع بطاقته : شبكه
رفع يده بالبطاقه يدفع وراحت الموظفه ولف اصيل على نياف وتكلمت ود : انا مدري احصلها منك ولا من العنود كلكم عندكم نفس البرود ويقهر ماتعطون اي ردت فعل تتكلمون وبس لو تصير مصيبه ماهتميتو
نياف فرد يدينه : مافيه شي يهم
رفعت حواجبها ود تناظره ولفو من جابو الطلب وهمست شادن : يزين المهيله
صالح ناظر الكاس الي نزلوه عنده وعقد حواجبه : ابك هذا وشنهو ؟
دلال وقفت : عطني هذا اسبريسو
صالح : وراهم بخيلين ماكثروها مغير في قاعة الكوب
دلال اخذت الكوب : هي كذا
كشر صالح وتكلمت دلال : مارح تفهم يابدوي يامتخلف
تأفف صالح وناظرهم يوزعون اطباق الحلى
رفع دلة القهوه يصب وينزل على الطاوله وهم يوزعون فناجيلهم
وتكلم صالح يشرب فنجانه : يزين المهيله بس خلي السبرسو الي تعرفينه
