ذياب هز راسه وابتسم : لا ماشاءالله عليك فطين الهم
هز راسه سعد ولف ينادي القهوجي يصب قهوه وناظر ذياب : حي الله ابو
سكت سعد يناظره وكمل ذياب : ابو محسن
هز راسه سعد : ابو محسن وابو
وناظر حاكم وتكلم حاكم يهز راسه : ابو سطام
هز راسه سعد : الله يحيكم
الكل : البقى
ذياب : وحنا ماودنا نطول الموضوع بس السالفه ومافيها الولد هذا يتيم اب وحنا اهله وبمثابة الاب له وجايين نخطب بنتك الكبيره اله على سنة الله ورسوله
ابتسم سعد بهدواء : لي الشرف والله وماشاءلله عليه
سكت يناظر ضاحي وهز راسه ضاحي بابتسامه : ضاحي
هز راسه سعد : ماشاءالله شكله شكل الي يصون النعمه وبنتي ماعليها خوف عنده
ارتاح ضاحي من كلامه وهز راسه ضاحي : لي الشرف والله اناسب رجالاً مثلك وشرواك
سعد ابتسم : شرواك الطيب
وعدل ظهره : ان شاءالله منتم راجعين خايبين لاكن يبي لنا وقت نسئل ونعرف وراي البنت اهم
هز راسه ذياب : ابد خذ راحتك وهذا رقمنا اذا قررتو عطونا رايكم
هز راسه سعد يسجل الرقم وناظره : ابشر
وقفو ذياب وحاكم وضاحي يطلعون وناظرو الجازي الي تنتظرهم وتقدم ضاحي عند امه : هاه يمه كيفها
الجازي : اسكت البنت عسل بس امها قعسه
ضاحي ناظرها بخوف : وراها ؟
الجازي مشت : اعلمك في البيت
ميل شفايفه ضاحي يمشي مع امه وركبو السياره راجعين البيت
تخصر يتلفت يدور وميل راسه من شافه جاي : ساعه احتري
حسام : يابن الناس اصبر وراك بغيت تاكلني
نياف طلع بوكه : خذ هذا حق سيارتك ولاعاد تطلع في طريقي مره ثانيه
حسام ناظره ياخذ الفلوس : انت الي ناظر طريقك زين
تأفف نياف يركب سيارته وحرك رايح للبيت وهو جن جنونه من ماردت عليه ود واخذ جواله يتصل مره ثانيه ونفس الاولى وفتح شوي من شباكه واخذ نفس يناظر طريقه وناظر الساعه الي تدخل على ست المغرب ووقف عند الغسال ياخذ ثيابه وغترته وحرك طريقه للبيت العنود
نزل يناظر البيت من برا وتقدم يدق الجرس وثوني وفتحت العنود : اهلن بأول شخص يدخل بيتي
ابتسم نياف يسلم عليها وناظر الحديقه : ماشاءالله هذا بيتكم ولا القصر مغيرين فيه
ضحكت العنود تضرب كتفه ولفو من طلع ذيب : ارحب
نياف ناظره بطرف عين : اختي فتحت لي الباب ورحبت فيني وانت داخل
وبغمزه : وش تسوي عشان تأخرت
ضربه ذيب يضحك : اجهز لك القهوه
ضحك نياف يناظر العنود وضرب كفها : كفو اخت نياف مشيه صح
تخصر ذيب يناظرهم وضحكت العنود : خفت اخرب القهوه وقال روحي لاخوك خلي القهوه لاهلها
هز راسه نياف وتكلم ذيب : هذا جزاي مريح اختك ماخليها تشتغل واجد
نياف : عقبالي
ضحكو العنود وذيب وكمل نياف يحك راسه : وشكلها بدت من اليوم
ذيب : شصار في سيارتك
نياف : زينوها الحمدالله خوي ضاحي هذا مدري كيف متحمله غثيث
ذيب رفع حواجبه : وراه ؟
نياف : مغير ايتحلطم على كل شي
العنود نزلت القهوه وبدت تصب وكمل نياف : يرجال هبل فيني سيارتي تاعب لين جبتها انا مدري كيف ضاحي ماكرشه
ذيب : ضاحي مايحب يكرش ترا حبيب مايحب يكسر خاطر احد
العنود : اجتمعو نجود نفسه
مسك راسه نياف : اجل بيصيحون عشان زعل احد
ضحت العنود : الطيور تقع على اشكالها
هز راسه نياف : نفسي بس حنا قماري
ذيب : وش سواء ضاحي صدق ؟
العنود : ماكلمتني نجود شكل للحين عندهم
نياف : وراء ماتنادون العيال نسمر هنا ؟
العنود هزت راسها : لا انا مخططه اذا خلصت اثاث وكل شي اعزمهم
نياف هز راسه : وين التوم ؟
ذيب : ساجنينهم
نياف ناظره بصدمه ولف يناظر العنود : هذا لاتخلينهم عنده ترا عادي يوديهم شبك نياق الحين
ضحك ذيب يرفع راسه وضحكت العنود توقف : ابوهم وامهم من عشاق الابل وش يردنا مانوديهم ؟
نياف بصدمه : الله يخلف عليكم بس
ضحكت العنود تدخل تجيبهم وتكى نياف يسولف مع ذيب
