ريم بقل حيله ضربت رجلها : هالحين انتي علامتس تاتنكدين علينا خلاص انسوه لين يجي
شادن ضربت رجلها : ماقلته يوم ضاحي فالمستشفى وتصيحين عليه
ريم ضحكت : يهيب يوجها ماتنسى
شادن بضحكه : والله مانسى
سكتو وبدت شادن تصب قهوه ولفو من دخلو نوره وسحاب وجلسو معهم وتكلمت شادن : مارحتو للعزبه ؟
هزو روسهم وتكلمت نوره : ابوه يطالب عمي صالح عشان مايودينا
مسكت راسها شادن تناظرهم : وراه
سحاب : يقول ماطمعت ذيب راح ومعادهو مطلعكم
شادن رفعت حواجبها تناظرهم وتكلمت ريم : اجلسن عندنا
سكتو يناظرونهم وتكلمت العنود : روحو مع الباقين طيب
نوره هزت راسها بالنفي وتكلمت بطفوله : مابي ابي عمي ذيب لانه مايخاف من ابوي الباقين ارخوم
ضحكو يناظرونها وفتحت يدينها نوره تناظرهم : وانا الصادقه
كملو يضحكون ويناظرونها متكتفه وزعلانه وفتحت يدينها شادن تحضنها : ياه يناس يزينها
سحاب سحبت نوره منها : لاتمونين اختي خليها
شادن سحبت سحاب معها : عمتس يالمصروعه
سحاب ضربت رجلينها : رجعنا للمصروعه
ضحكو يناظرونهم وتكلمت ريم : ياربي والله مدري كيف انتن بنات مهره وسطام
نوره تخصرت تناظرها بعصبيه : وش قصدتس؟
صفقت بيدينها العنود تضحك : يحلوها
ريم تخصرت تناظر نوره : وش فهمتي ؟
ضحكت نوره من قلدتها وتكلمت سحاب : حلوه ضحكتها
سكتو يناظرونها وتكلمت ريم : حددي كلنا نضحك
نوره رفعت يدها : تقصد مرت عمي
لفو يناظرون العنود ماسكه بطنها وتضحك وتكلمت شادن : صادقه
رفعت يدينها تمسح دموعها وتناظرهم واخذت نفس وتكلمت ريم : اضحكي مهب زين الزعل عليتس
هزت راسها العنود باحراج وتكلمت نوره تضحك : خدودها حمرت
شادن : اسكتي خلي البنت ترتاح
سكتت نوره تناظرهم ولفو من تكلم صقر من وراء الباب : فيه احد
سحاب وقفت تطلع : فيه البنات
صقر : نادي لي العنود
لفو يناظرون العنود ووقفت تطلع تكت على الباب وناظرته : وشو
صقر : محتاجه شي ناقصتس شي
عقدت حواجبها العنود باستغراب وهزت راسها : لا ليه
صقر : طيب اذا احتجتي شي علميني
هزت راسها العنود تناظره ولف صقر يطلع
رجعت تدخل وناظرتهم يناظرونها وتكلمت شادن : يابعد روحي ياخوي موصي عليتس
ناظرتها العنود تجلس بعدم فهم وتكلمت سحاب : سمعت عمي ذيب قبل يروح يوصي صقير عليتس
ابتسمت العنود بخفيف تناظرهم وسكتت تشرب فنجانها
وابتسمو البنات يناظرونها من استحت وسكتو
ثواني وتكلمت العنود : انتم كل يوم قهوه عربيه
ريم : مايصحصح الراس غيرها
شادن : تصحصح الراس بس ان ثار عليتس القيلون ماعينتي خير
ريم هزت يدها : الحمدالله مهب فيني
العنود ناظرت شادن : فيك قيلون ؟
هزت راسها شادن تناظرها : عشان كذا مكثر منها
ميلت شفايفها العنود تناظرهم يسولفون ولفت تناظر نوره وسحاب الي يناظرونها بابتسامه وابتسمت تناظرهم
دخل يناظرهم وسلم يجلس وردو السلام وتكلم ظافر : يرجال جدك معصب وراه ؟
صقر رفع كتوفه يناظرهم : وانا وش يعرفني رح اسئله
جلال ضحك : ضربت النفسه ذيب راح
صقر ابتسم : والله اني شايل همه الله يوفقه
العيال : امين
راضي : بس لو عطانا كم اغنيه تخفف الشوق اله
صقر : عند امه يخفف عليها
جلال بتركيز : ومرته ؟
صقر مسك البياله : ترا ابرنك ابها
ضحكو يناظرونه وتكلم ريان : عشان ذيبان صح
جلال : اولا يوصيه عليها كنه مهب راجع
سيف : خلاص يعيال وراكم
صقر ناظر سيف : لا يبوني اقوم اصفقهم واحد واحد الحين
العيال بصوت واحد : اسفين اسفين
صقر رفع اصبعه عند خشمه وناظرهم : غصب عنكم
ضحكو يناظرونه وتكلم سيف : صالح ماشفته في البيت ؟
صقر هز راسه : مهب فالبيت
ظافر : جدكم ماسكه فالقهوه وراكان معه
سيف وصقر تعدلو يناظرونه وتكلمو بصوت واحد : وراه
ظافر رفع كتوفه : مدري بس اشوفه معصب عليهم
فزو صقر وسيف يطلعون وسكتو العيال يناظرونهم
دخل القهوه وناظرو راكان وصالح متكتفين بعصبيه وناصر وفارس معهم وتكلم صقر : وشفيكم ؟
صالح : جدك
سيف : وراه
لفو من طلع عقاب من المطبخ وناظروه وتكلم بعصبيه : من سارقاً الاسطوانات اعترفو
عقدو حواجبهم صقر وسيف وتكلم راكان : ياجدي قلنا لك والله ماندري والقهوه مسكره من امس
عقاب بغضب : تعقبون ماتعدتكم
سكتو يناظرونه ولف على صقر وسيف وتكلم : وينكم من اولا ؟
سيف : موجودين بس علامك انت
عقاب بغضب : صياحي سمعوه كل من فالديره وراء ماجيتو من بدري
صقر رفع يدينه : اهدا وروق وعلمنى وشفيك
