بارت 31
انا سمعت صوتوا وانا جنون ضربوني قتلها قوليلو قاتلك منجيش ولكان راجل وعندك النيف مدخلش روحك في عزريني ياك انا تربية الكلاب ولازم في دار نمشي بقانونك انت وملا راني خليتلك الدار باها بلي فيها . كوبيت وقفلت التلفون . كي قلتلها راني رايحة للاقامة علابالي راح يلحقني وليت ركبت حكمت تكسي لدارنا لقديمة وصلت غير شفت الكرتي تاعنا تفكرت كيفاه كنت عايشة ملڨري كنت في الهم والمزيرية ساعات منلقاوش عشا ليلة بصح كنت غير نشوف ماما ننسى كلشي كنت عايشة حياتي بالطول وبالعرض ماكنش لي يحاسبني ولا يقدر يهدر معايا كلمة كنت لي يهدر معايا نرجعلوا عشرة علاه لبارح مقدرتش نرجعلوا حتى كلمة . دخلت للدار لقيتها كيما خليناها بعد فرزتها ليه ليه ودخلت للشمبرة تع ماما عنقت مخدتها ورقدت .ما نضتش حتى اذن العصر . هزيت التلفون نشوف الساعة لقيتو طافي جيست ما شعلتوا دخلوني لي زابال تاع اصيل ومسلم عاود صونا التلفون لقيتها اسمهان هزيت علاها ناضت تعيط وين راكي انتي علاه قافلة تلفونك وقلتيلي راني رايحة للاقامة وطفلة هديك خولة قالت بلي ما روحتيش وين راكي . قتلها ما روحتش للاقامة ومنيش رايحة ابردوا . قاتلي ملا وين راكي اطفلة اصيل راه مقلب الدنيا هنا قالي كيفاش اختك تروح وتخرج من الدار وما تفيقيش بيها . قتلها تهناو راني لاباس عليا ونعرف ندبر راسي وحدي ومنيش راجعة لا الجامعة لا للدار . قاتلي ملا وين راح تقعدي قتلها عند وحدة صحبتي . وكوبيت علاها . بقيت قاعدة حتى قريب للمغرب خرجت نشري لعشا راح نموت بالجوع نهار كامل ما كليت والوا لقيتهم يبيعو في البوراك شريت ورجعت للدار كليت وعاودت رجعت لبلاصتي فوق سرير ماما ، مهما نسي روحي ونسيي نخمم في حاجة اخرى نلقى روحي نخمم في لي صرا لبارح جامي حسيت بالحقرة كيما لبارح . سمعت الباب تخلعت شكون راح يجي في الوقت هدا وقفت ورحت للباب قلت شكون قالي افتحي افتحي . عرفتوا من صوتوا كيفاش عرف بلي راني هنا هدا .
