قتلوا منفتحش علاه جيت هنا علاه لاحقني . قالي افتحي متخلينيش نعيط جوليا ولا والله نكسر الباب على راسك . فتحت وبعدت على الباب. دخل شاف معايا قدملي قالي علاه نعيط متهزيش قولي . بعدت عليه قتلوا منهزش تسالني انت. قالي نسالك ايه ، شوفي كي الفحلة تهزي خماجك وقدامي للدار وهاد لقطة لي درتيها نهار ليوم تاع تخرجي من الدار راني فوتتها وبصح والله تعاوديها ننسا شكون انتي ونحط يدي عليك نطلقك ميتة . قتلوا من هنا منيش متحركة ، راح نبقى هنا في دار ماما . ناض يعيط انتي حابتني نضربك متقلقينيش امشي قدامي هيا . حتى انا عيطت عليه قتلوا منروحوش الدار لننهان فيها منزيدش ندخللها راني خليتهالك بيها بلي فيها ديجا انا من لول مكنتش حابة نسكن معاك انتم ما راكم حامليني وانا ما راني حاملتكم . قالي شوفي قدامك عشر دقائق راني ساكتلك بسيف تهزي حوايجك وتخرجي قدامي . قتلوا مافهمتش منروحش ازحي مش بسيف .
