شفتوا رجع قارا بالجهد قدامي هبط كركرني من يدي دزني جيت في نص الطونوبيل قاعدة . ركب هو ردخ الباب دارلي يعيط هربلي ولد $$$$ انا اصيل يهربلي واحد نقش كيما هداك بصح نجيبووو نجيبو ولا منيش اصيل ، حكمني من بيل تاعي من قدام كي رجال وجبدني عندو قالي شكون هو مين تعرفيه انطقي قولي ولا واحد من لي كنتي مصاحبتهم بكري ومزالكي معاهم انطقييي ابنت لحرام متهبلينيش . قتلوا والله ما نعرفو هو لي حبس وحدو يحوس على النميرو تاعي ، كنت نرجف خفت منو بزاف مهما كان هو يقعد راجل وهو غير يطير وحدو . عاود زيرني من بيل وخضني حتى حسيت كرشي دارت . قالي نلقاك تكدبي شفتي نعلقك نعلقك من شفارك ، معليش معليش انا لي طحان لي خليتك على هواك وما مشيتكش بالكف قلت صغيرة ويتيمة منهزش يدي عليها ونجيها غير بالعقل بصح مزالوا ليام اقسم بالله غير التربية تاع الت##### لي تربيتي عليها يا بنت لحرام كون منحيهالكش منيش راجل اصبري برك . هزيت يدي وتلحت خبطتو ليدو قتلوا متزيدش تقولي بنت حرام ، انت لي ولد #### كون ما نديرهاش ونجيبلكم ولاد لحرام لدار منيش جوليا . ما فقتش كيفاه حكمني من الشعر وردخلي راسي على زجاج تاع الكارو زوج مرات حسيت راسي تشق على النص دنيا ولات تلعب قدامي دخت سيربلاص ما شفيت على والوا . فقت على كفوف في وجهي حسيت نار شاعلة فيه ، فتحت عينيا لقيتوا هو لي يضرب فيا بالكفوف قتلوا حبس صاي . طبس شوي ليا مخلوع قالي فقتي سيبو راكي تشوفي فيا . حكمني الضحك وش زعما عميت قتلوا بعدني بعدني . بعد عليا شوي عدلت روحي في الكرسي تاع الطونوبيل جيت راح نحرك رقبتي حسيت راسي ترج حطيت يدي عليه وجعني بزاف . قالي وجعك بزاف دوري نشوف جا راح يقدملي بعدت قتلوا متقربليش تنهد مسح على وجهو خبط الفولة قالي جوليا مكانش قصدي نضربك بصح انتي لي وصلتي روحك تشوفي فيا منيرفي وتزيدي ترديلي الهدرة الخاسرة لي قولتيها انا والله ما نحب نأذيك . دورت وجهي للكارو وسكتتت غصة في قلبي بلعتها وسكتت غاضتني هدرتوا في أي فرصة يلقا يهيني ديمارا خمس دقايق وصلنا للدار . نزلت دخلت وهو ورايا لقيت مرت خالي قاتلي على سلامتك جوليا . قتلها عيشك طاطا قاتلي ارواحي اقعدي بنتي ، شفت معاه لقيتوا قعد فوق فوتاي وطلق روحوا قتلها لا منيش قادرة راسي واجعني طالعة نرقد قاتلي على الأقل ارواحي تتغداي . طلعت قتلها منيش قادرة . وصلت لشمبرتي لبست بيجامتي شربت دواا تاع راس ، قريب رزاني في راسي لحلوف هدا تمديت في بلاصتي تفكرت كيفاش سبني بكيت حتى رقدت خمرت من نوم منعرف شحال ساعة رقدت . فتحت عينيا نتكسل لقيتوا قاعد فوق كرسي قدامي خلعني قتلو بسم الله يا ربي ، تقعدت في بلاصتي قتلوا وش راك دير انت في شمبرتي فوق راسي . قالي حبس راسك ولا مزال قتلوا علاه تحوس ياك انت قريب رزيتني فيه . تبسم وحط يدو على شعري قالي ملڨري راني حالف منمدش يدي عليك مي ليوم جهلتيني ، قولي صح جوليا ياك متعرفيش هداك الطفل . شفت معاه قتلوا راني قتلك منعرفوش هو لي جا تبلاني . قالي صاي نوضي نديك دوري ونتعشاو برة انا وياك . قتلو منروحش منيش قادرة. خربلي في شعري قالي نوضي يالله منيش نشاور فيك وقف جا ماشي حكمتلوا يدو . خزر معايا قتلوا متزيدش تسبني وتقولي بنت حرام تجرحني بزاف هاد الكلمة . عينيا دمعوا راح نبكي بيسك صح هاد الكلمة كي نسمعها تقتلني معقدتني من صغري . طبس وحكملي وجهي بيديه للزوج باس خدي لول قريب فمي وثاني كيف كيف . شاف في عينيا قالي وعد متزيدش تسمعيها لا مني لا من حتا واحد . مسحلي دموعي بصبعوا قالي كل كلمة قلتها الصباح تنسايها فهمتي ياك علابلك بيا نهدر برك ونتنرفا بالخف مديريش عليا .درتلوا براسي ايه. وقف قالي هيا وجدي روحك راني نستنى فيك لتحت نروحوا نتعشاو برة . هو خرج وانا بقيت نتبسم وحدي كي المهبولة انا صاي طحت فيه بالكعبات كل .
