وصلني للدار هو رجع للخدمة ولبنات جاو عندي قعدو معايا ، انا كنت نستنى غير في اسمهان تجي عليه الأقل تسقسي عليا مهما كانت تبقى اختي وغير هيا لي بقاتلي من ريحة ماما بصح والوا طاحت من قلبي بزاف . عندي نهارين ما مشطتش شعري جات مرت خالي داتلي لدوش لقيتها موجدتلي كلش عاونتني دوشت مسكينةو مشطتلي شعري . رقدت جبتها سمانة كاملة تقلاش الماكلة توصلني حتى لسريري رفدت صحتي خير من قبل مزال غير رقبتي برك منقدرش ندور ولا نحركها بزاف وزيد مع هداك كولي تاع البونج قالتلي طبيبة تقعدي بيه ثلاث شهر . في ليل جاو عندي لبنات ريمة وخاوة اصيل (صوفيا ولينا ) قالولي اخرجي معانا غدوة نروحوا نشرو قش ربيع راكي في سمانتين متحركتيش من الدار . انا بيانسور قبلت تغميت من قعدة الدار وزيد توحشت نروح نخرج مع بنات . في الصباح نضت وجدت روحي لبست سروال مع فاست تاع جين اوفر سايز مع ديداس شعري لميتو كوتشوفال وخرجت هبطت لتحت كانت العشرة لقيت لولاد مكانش كامل غير مسلم قاعد يكونكتي بيسك ميخدمش . صبحت عليهم وقعدت جابتلي مرت خالي حليبي قاتلي راكي رايحة مع البنات قتلها ايه عيت من قعدة الدار قاتلي ايه روحي نحي على خاطرك شوي.شربت كي عدنا خارجين باه تفكرت بلي معنديش صوارد . سقسيت مرت خالي قتلها اصيل يخدم . قاتلي لا راه راقد ليوم مش خدام . خليتها دخلت للكوزينة وانا دورت طلعت عندو نطلبو يمدلي صوارد نشري حوايج . هو لي عودني كي نحتاج دراهم نطلبو جامي لا بخلني لي نطلبها تحضر من لي جيت هنا غير هو لي يصرف عليا . دقدقت الباب تاعو مرجعليش عرفتوا راقد فتحت ودخلت لقيتوا راقد حاط المخدة فوق راسوا الغطا يتلاوح في الارض منحي تريكو راقد غير بشورط أكحل قصير كيما تاع البحر. قعدت نتأمل فيه شوي من بعد قدمت عندو حطيت يدي على ظهرو نوض فيه غير حركتوا فاق شاف معايا فاتح عينيه غير نص . قالي جوليا وش راكي ديري هنا قتلوا والوا جيت باه نقولك راني خارجة مع البنات . مسح على شعرو وتقعد قالي وشكون شاورتي حتى راكي خارجة .قتلوا ياك مع البنات حتى خالي علابالو وزيد راح نشرو قش ربيع حابة نروح معاهم جامي خرجت معاهم . قالي روحي بصح بلا سمير تاعك لي ديريه في طريق لي يهدر معاك فوتيه بلا مشاكل قتلو علابالي ايه . قالي ايه روحي ربي يسهل . قتلوا اعطيني دراهم معنديش . ضحك قالي تسما جيتي تقوليلي بيك صلاحك وانا نقول كيفاش حتى جيتي تشاوري فيا. قتلوا باينة جيت بيا دراهم ولاه جيت نشوف صدرك العريان . عاد يضحك بالصوت قالي قداه تحتاجي قتلوا هات برك وقف راح للخزانة فتح الكوفر رميت عيني لقيتوا معمر دراهم ياجدك تقول خزينة الدولة هدا راه يكنز فيهم جبد وغلقوا جا ليا عطاهملي قالي هاكي هادو يكفوك زيادة حطيتهم في الساك .شفت معاه قتلوا مرسي . قالي هكا ناشفة . قتلوا المرة الجاية فكرني نجيبلك معاها كاس ما . قربلي انا تفرفجت سيرتوا من راه لابس غير شورت خفت منو ومن روحي طابس باس خدي بحنانة طول فيها قريب دقيقة ريحتوا دوختني . كي بعد عليا قالي هكا مواللاتش ناشفة . حسيت وجهي صهد ماكنتش بوسة نورمال كانت بوسة رومنسية بأمتياز . بعدت عليه سڨم روحوا قالي كي نعيطلك هزي عليا مطولوش بالاك راني نجي انا نروحكم . هزيت راسي قالي أيا روحي ولي تسخفي عليها اشريها . تبسمت معاه وهزيت راسي وخرجت . خرجت مع البنات أروع خرجة نخرجها في حياتي غير ضحك ولهبال معلابالنا بحتى واحد سيرتوا من عدنا قراب نفس العمر ووحدنا درنا راينا اي حاجة تعجبنا نشروها قش ماكلة اكسيسوارات قريب الربعة تاع العشية دخلنا باه ناكلو لاكرام . هما قعدو لداخل وانا خرجت باه نجيبلهم من المشينة . بقيت نقول للبيع وش يمدلي حسيت واحد وقف بجنبي . شفت . لقيتوا أخر واحد توقعتوا يخرجلي بعد هادي المدة كامل. شاف معايا قالي تفكرتيني ياك جولي. قتلوا عليلو وش راك دير هنا. قالي جيت نشوفك الا نسيتيني ولا مقدرتيش كيما انا مقدرتش ننساك بصح تبدلتي ياه بان عليك العز خير من الفقر لي كنتي فيه . وصح انا تبدلت صحتي لبستي كلشي مزال غير تصرفاتي برك قتلوا وش تحوس . قالي نحوس حقي من عندك جوليا حق لي درتيه فيا . قتلوا أهدر ديراكت وش جابك عندي بعد هادي المدة . قالي راني قتلك نحتاج حقي .حكمني تأنيب الضمير بيسك هو أكثر واحد خسرت معاه بكري كان تاع صح يفورني عليا يمدلي بالملاين لي يخدمهم في نهار كامل يمدهملي كل عشية ، يتمنالي الرضا نرضا كان ناويني للزواج بصح انا ستصغرتوا ورميتلوا الما واخر شي سبيتلوا يماه . قتلوا حقك كامل نرحعهولك . جبدت دراهم من الساك مديتلوا قتلوا الباقي نكملهمك غدوا . شاف مع يدي وضحك قالي حقي غالي بزاف وراح تخلصيه بدمك جوليا تفكري كلامي مليح. راح وخلاني واقفة بلاكة نستوعب في هدرتوا لي قالها .
