قالي واش راح ديري كي تشوفيه قولي والوا راح يقولك زوج كلمات يكلحك بيهم يطلب السماح وانتي تسامحيه وفرات ، شوفي جوليا هداك الراجل ميستاهلش حتى يشوف وجهك شي لي دارو في يماك والعداب لي شافاتو بسبابو والشئ لي صرا في بابا وجدي بسبابو يخليني نقتلوا بلا شفقا وبلا رحمة ادا زدت شفتو منضمنش وش راح ندير فيه حتى هو عرف قدرو جا مرة من هداك الوقت مازاد رجع . قتلوا مدخلش روحك فيا اصيل ، هو جا باه يعطيني اسمو ، بعد كلشي راح نتحرر من كلمة بنت حرام وراح يولي عندي اسم كيفي كيف نتاجي علابالك بلي هدا حلم حياتي . ناض يعيط يا رب افهمي وش راح ديري بيه اسمو فواش راح يفيدك تفكري بلي راه 19 عام ما جيتي في بالو ما خمم فيك ، ما قال عندي بنت ما ندم ما حوس عليك . قتلوا بصح راه جا راه حوس عليا يكون ندم علابالي . حكملي وجهي بين يديه قالي شوفي فيا علابالك علاه ندم مش خاطر حس بلي نادم وحب يتعرف عليك ويصلح غلطةلالا هوجا يحوس عليك خاطر علابالو بلي راح يلقا حساب كبير عند ربي ، راه حاب يطلب السماح برك كي عاد علابالو بلي مابقاش ويموت وعلابالو بلي بينو وبين الجنة دعوتك انتي ويماك . شفت فيه مدهوشة قتلوا كيفاش مبقاش ويموت . طلقني ودار يستغفر وانا غير نشوف قاتلي ريان جوليا اقعدي نفهمك بالعقل . شفت معاها قتلها وش راه يقول هدا ،سمعتيه راه قالي راح يموت ،كيفاش يموت وانا مزلت ماشفتوش وما عشتش معاه . دار عندي يعيط خلعني قالي يا### متفهميش انتي علاه راكي تحوسي عليه ياك راكي عايشة احسن عيشة نهار قصدتينا ملقيتيناش في كتافك حتى راكي تبكي عليه عندك انا عندك مسلم عندك وسيم عندك خوالك حنا كامل مكفيناكش تبكي على المخنث هداك وادا على اسمو ماعندك ما ديري #### يبخر بيه اسمو كي كنتي تحتاجيه تاع الصح سمح فيك دوك راكي تبكي عليه يا والله راني حلفت نزيد نشوفك هبطتي دمعة عليه نجيبو ونبول عليه قدامك هكدا وندير فيه ونفعل فيه كلام العيب كامل قالو والمشكلة يهدر ويعيط على طول صوتو متأكدة الناس كامل سمعوه. قعدت مخلوعة فيه وريان غير تقولو بالعقل متعيطش اصيل الناس تسمع وشبيك وهو كلاني وكلا روحو راح يطرطق ، من بعد خرج بقيت مع ريان قاتلي جوليا راني كي اختك لكبيرة اسمعيني والله اصيل عندو الحق في هدرتو كامل كملي حياتك علاه راكي مزالكي حابسة في نقطة وحدة شوفي روحك كيفاش ، راكي في عمر نورمالمو ديما زاهية وفرحانة وانتي من لي عرفتك وانتي تبكي على نفس السبب بزاف جوليا . قتلها ولي كيما حالتي تفرح معندي حتى واحد نبقا هكدا ضايعة لي يجي يذلني ويقهرني علاه يكرهوني ياك مدرتلهم والوا ، حتى اختي . كنت نهدر ونبكي دمعتي منشفتش . قاتلي وش ديري بحبهم عندك لي يحبك ويفنى عليك علاه تحوسي على الباقي . شفت معاها . قاتلي متشوفيش فيا هكدا راه باين لي ناس كامل بلي يعشق فيك غير انتي لي بهلولة ولا راكي لاعبتها بهلولة ، شكون لي راح يدير علاجالك هكدا من غير ادا كان يحبك ، شوفي توخدي راي انساي عليك كلشي جوليا ابداي من جديد مع الناس لي تستاهلك فهمتي . سكتت نخمم في هدرتها لقيتو عاود. دخل قالي نوضي هيا نروحوا قتلوا ما عندي وين نروح راني قاعدة عند ريان . طبس حكمني على ذقني قالي شوفي خلي ليلة تفوت على خير راهي واصلة معايا للخر نوضي . قتلوا منروحش متفهمش هديك الدار منزيدش نروحلها ، ليوم تحاماو فيا ضربوني حڨروني إفهم شوف وش دارولي وريتلو يدي كانت زرقة ومجروحة . حكم يدي شافها قالي معليش انا نتفاهم معاهم ، هيا راهي قريب الخمسة ديرونجينا الناس هيا . قتلوا ريان ماشي ناس ياك نعرفوها راح نبقا عندها حتى نلقا حل.شفت معاها قتلها ياك تقبليني . قاتلي اقعدي كيما تحبي الدار دارك مفتوحة ليك . نطقلها هو قالها راكي تزيدي تعاوني فيها انتي. قاتلوا معليش اصيل خليها راهي عندي. قالها معليش ليوم برك غدوة الصباح نجي . ريان خرجت منعرف ادا هيا خرجت وحدها ولا هو لي غمزها باه تخرج . بيسك غير خرجت قدم عندي وقفني. باسني على خدي قالي توحشتك ،وكي جيت لقيتيني بدموعك . خزرت معاه قتلوا ياك قتلي نديك معايا هيا نروحو انا وياك اصيل منزيدوش نرجعو . قالي منقدرش دوك صرالي مشكل في الخدمة كي خرجت ليوم بلا إذن قادر يعاقبوني يميتوني لبلاصة بعيدة ممكن صحرا مكانش وين نخليك وزيد منقدرش نكري وتبقاي وحدك ، اصبري عليا نلقا حل . درتلو براسي ايه وسكتت
