بارت 35
كل مرة نتخيل حاجة رعب حكمت كوانة في الشمبرة وقاعدة نستنى وندعي في ربي غير يرجع ،ضرب الرعد قفزت من بلاصتي بدات الشتا الطيح ، زادتلي الرعب كثر من لي كنت فيه ، بكيت علاه ربي ديما مكتبلي التمرميد ، كون جا عندي اب كيما كامل الناس كون مارانيش هكدا لي يجي يحقرني ولي يجي يدير فيا وش حب لي يجي يحكم فيا
بارت 36
بقيت غير نستنى معلاباليش حتى شحال فات الوقت وانا بنفس البوزيسيو نفس القعدة جامدة تحريكا متحركتهاش الافكار جاو في بالي الجنون الزمبي يجي واحد ويقتلني المهم قتلني الوسواس زدت خوفت روحي اكثر ما راني خايفة شي لي دعيتو على اصيل في هديك دقيقة جامي دعيتو على واحد ، كرهتوا كره كبير . انا بديت نغفى شوي من النعاس نسمع في صوت الباب نضت من بلاصتي نجري خرجت للهول شفتو هو لي دخل مضوي بتلفونوا طرت عندو نجري من هداك الخوف لي كان فيا مصدقتش بلي رجع تحضنتو لصقت فيه بكيت قتلوا لمزية جيت كنت راح نموت بالخوف علاه خليتني هنا ورحت . قالي اششش علاه الخوف هدا كامل راني كنت هنا برك بجنب بالباب بالطونوبيل ما رحت حتى بلاصة ، زعما صح انا نروح ونخليك. قتلوا صح ما روحتش . قالي لاه مهبول انا نروح ونخليك تباتي وحدك هنا . وليت جبدت عليه ومسحت دموعي . طلعلي راسي ليه وبقا يمسحلي في وجهي بيديه قالي الهدرة لي قلتها البارح تنسايها فهمتي علابالي قستك بكلامي مكانش لازم نهدر هكدا مي انا هدا هو طبعي غير نتقلق نولي منعرفش نهدر وكامل علابالهم ، انتي مزالك صغيرة باه تعرفي علاه راني خايف مقلق عليك مدابيا ديما تبقاي تحت عيني باسكو انتي امانة خلاتك ماماك ليا انا بذات . بقيت نشوف معاه ملڨري والوا ما يبان منو من الضلمة بصح حسيتو صادق صح فب هدرتو . قتلوا بصح علاه قلت عليا متربية تربية الكلاب . حكمني على كتافي . قالي راني قتلك كنت مقلق معرفتش كيفاه خرجت من فمي الكلمة انتي انسايها. قتلوا انا نقدر ننساها بصح لي سمعوها ميقدروش ينساوها جاتهم على قلبهم باه يستشفاو فيا . قالي واحد ما يقدر يستشفى فيك مدامني انا حي ،لي يهدر كلمة انا نحاسبو . قتلوا و مسلم . قالي رجعنا لنفس لحكاية جوليا قتلك مسلم تبعدي عليه بعد السما على الارض ودصارة هديك تاع يعنقك ويبوسك من جبينك ومنعرف واش نزيد نشوفها تخلصوها غالية لزوج . قتلوا علاه . قالي وش هدرنا تسمعي الكلام وفرات مكانش هادي علاه . سكتت قالي هيا ولا راح تبقاي هنا على الضلمة.
