بتت هديك اليلة عند ريان بصح عيني مغفاتش غير نخمم في كلامها زعما اصيل صح يحبني يكون قاللها هيا صح تصرفاتو كامل تبين بلي يحبني بصح لحد لأن منطقهاش ، فرحة دخلت قلبي بيسك انا صح حبيتو مهما دارلي قبل نسيت كلش حنانتو عوضتلي كلشي ، انا نخمم هكدا و نتفكر دراهمو وقفت من بلاصتي نندب وجهي كون يحسبهم ويلقا ناقص قريب 15 مليون وش نقولو كون يقولي وش درتي بيهم وهو علابالو بيا من الدار منخرجش يا ربي تستر يا ربي . بقيت رايحة جاية نخمم وش نقولو طلع الصباح على الثمنية جا عندنا. طبطب دخلاتو ريان سلم على يماها بيسك تعرفو من بكري وقعد في الصالة . خرجت عندو قالي يخي قلتيلي نبات وخليتك هيا البسي نروحو. قتلوا بصح قالي لا بصح زوج تروحي ليوم ساعة متزيديهاش هنا . وليت سكتت ودخلت نلبس لحقتني ريان قاتلي كيما وصيتك جوليا اكسبي اصيل وكملي حياتك معاه وانساي عليك كلش راكي متزيديش تلقاي راجل يحبو كيفو . سلمت عليها وخرجت عندو حط يدو على كتافي وهبطنا . ركبنا في الطونوبيل في طريق ساكتين كل واحد في واش راهو يخمم . حتى وصلنا . قالي تطلعي ديراكت لشمبرتك فهمتي من ليوم واحد ما يزيد ينطق معاك بكلمة وحدة . دخلت ديراكت للشمبرة شوي ونسمع في الحس تحت صوتو عرفتوا يعارك فيهم كي خرجت . ضحكت في قلبي خلي يستاهلو المهم وحد الساعة وسكتو هو خرج واسمهان طلعت تجرب عندي دخلت نص وجها مغطي بلفاصمة وعينيها حمرين حتى وجها تبدل عليا قاتلي اشفاي على وجهي هدا ادا مخليتش اصيل يتزوجني في شهر منيش اسمهان ومنيش بنت فطيمة انتي لي بديتي الحرب معايا وانا لي نكملها . قتلها بعد وش درتي فيا كامل وتزيدي تهددي فيا لي في يدك ديريه اصيل يحبني انا مبقاش بزاف و يديني معاه بزواج ولا بلا زواج . قاتلي معليش ليام بيناتنا . خرجت ، دخلت وراها ريمة قاتلي وش كانت تقولك المهبولة هادي ثاني . قتلها خلينا منها وش صرى تحت سمعت لعياط بصح اصيل وصاني منهبطش . ضحكت قاتلي سينيما صرات تحت هههه اصيل طيحلهم حتى شبع قالهم تضربوها من ليوم راني قاعدلكم هنا و المرأ فيكم تزيد تقيسها ألور وش دار في اسمهان غسلها ونشرها بصح مفهمتش على واه المهم قاعد يقولها علاه قولتيلها . عرفتها على واه قاعد يهدر . المهم بردلي قلبي قاتلي نقولك سر يفرحك جوليا. قتلها واش . قاتلي. سمعت اصيل قال ليماه بلي راح يخطب . قلبي ضرب قتلها شكون . ضحكت قاتلي انتي . وقفت قتلها قولي والله . قاتلي والله كيما نقولك جوليا . طلعت فوق سرير نقفز ونعيط ونسوطي ونزغرت وهيا ميتة بالضحك. وتقولي اسكتي يا المهبولة دوك يقولو بلي راكب مهبولة صح اسكتي. قتلها خليني خليني ياربي راني نحبو وراح يتزوج بيا خليني فرحانة اول مرة نفرح في حياتي . عنقتني ريمة عادت تبكي معايا من الفرحة . بصح مكنتش علابالي بلي فرحتي راح تقلب حزن في حزن
