بارت 34
كي سمعت غلق الباب بالمفتاح من برة طبطبت عليه قتلوا أفتح الباب خليني نخرج الدنيا ضلمة قالي ياك قلتي راح نبقا هنا اقعدي مالا باه تتعلمي كي نقولك كلمة تسمعيها . قتلوا اصيل أفتح الباب علاه راك ديرلي هكدا . نسمع فيه راح مشا من بعد نوض الطونوبيل تاعو وديمارا وانا خلاني هنا في دنيا ضلمة خيالك ماتقدريش تشوفيه ،رجعت نمشي للشمبرة كل مرة نصدم في حاجة حتى وصلت للشمبرة حوست على تلفوني لقيتو مطيش فوق السرير هزيتو وشعلت لفلاش نضوي بيه لقيت الباطري عشرة بالمئة ، بقيت نخمم كيفاه ندير فركتت على الشمع مكانش حتى ضو القمر ومكانش ، بقيت نستنى فيه دوك يرجع دوك يرجع فاتت نص ساعة ساعة هو والوا مرجعش نعيطلوا ميهزش عليا ومسلم تلفونوا يخرجلي خارج التغطية باين يخدم . وصلت 11:30 طفا التلفون رجعت الظلمة تقتل وبدالي الرعب
