قدملي حتى قريب يصدم فيا بعدت عليه أصلا هو يخوف بلا والوا يزيد يقدملي قالي وش كنتي ديري عندو لداخل . قتلوا كنت نحكي معاه برك علاه ، ناض يعيط قالي اسمعي انتي راكي &&&& ب $$$ داخلة عندو في نص ليل وتقوليلي كنتي تحكي معاه برك . كي شفتو يعيط هكاك وڨاع جاو كي سمعو لعياط قتلوا والله كنت نهدر معاه برك . قالي اسمعي و شوفي من لخر الت &&&&& تاعك راني فايق بيه نزيد نلقاك تهدري معاه ولا قربتي لباب شمبرة تاعو نطبزك انتي وياه فهمتي ولبستك هادي نزيد نشوفك بيها نحرقها على لحمك تربية الكلاب لي راكي متربيتها متشميش بيها هنا فهمتي . خرجلوا مسلم قالوا شبيك تعيط عليها راك صحيح في عقلك انت وش مشكلتك معاها يخي حكينا قبيل وفهمتك ولا انت متفهمش مش كي عدتي انت لكبير راح نبقا ساكتلك قتلك غير جوليا مدورش بيها . قالوا انت تغلق فمك من بعد ونتفاهم معاك . انا بقيت غير باهة في كلامو عينيا حرقوني بالدموع عرفت روحي راح نبدا ندمع لاه وش درت انا حتى يقولي هكا جيت فايتة مخلانيش نفوت بقا واقف في وجهي شفت معاه قتلو بعد من طريقي . قالوا خالي اصيل خلي بنت عمتك علاه راك تعيط عليها هز صبعو في وجهي قالي آخر مرة نهدر هنا تمشي كيما نحب انا وتربيتك لقديمة تنسايها هنا مكانش ت$$$$ لي راكي متربية عليه فهمتي . بكيت قتلوا. فهمت بعد من طريقي أصلا انا لي غالطة لي جيت هنا. دخلت نجري للشمبرة تاعي وخليتهم كامل يشوفوا ويستشفاو علابالي جاتهم على قلبوهم كي لعسل سيرتو مرت خالي والوسطاني دوك يفهمو ويفسرو على كيفهم . من وراها ديراكت سمعتو يتعايط هو ومسلم قالوا وش كانت دير عندك هنا انت متفهمش وش وصيتك قبل ما ندخل وش حاب توصلي بفعايلك هادو . قالوا جات تهدر معايا برك وشبيك انت جاي صادم طيح راك صحيح في فمخك تهدر مع الطفلة كيما هكا . قالهم خالي يا الله كل واحد لشمبرتو هيا افرقوا عليا سوق هدا وانت اصيل الحقني للبيرو تاعي . سمعتو خبط الباب . بغيت نقطع يديا من الفقصة شحال غاضتني هدرتوا ، انا متربية تربية لكلاب طحت في سرير نبكي على طول صوتي غميت روحي بالمخدة بكيت اكثر من ما بكيت في جنازة ماما .
