فوتت نهاري عادي لغدوة وجدت حوايجي وسهلت للاقامة مع اصيل والفت بطريق معاه عرفت طبعو بلي ميحبش يهدر بزاف جاي سكوتي بصح مرة على مرة يهدر معايا حتى عقليتوا معايا تبدلت على اول مرة ، حبسنا في كفيتيريا باه نفطرو خاطر خرجنا بلا فطور . دخلنا انا وياه قعدنا متقابلين . ساكتين هو حاكم فيا نظرة عييت نفسرها مام انا بقيت نشوف معاه وليت نطقتوانا نولي في شعري على صبعي قتلوا اصيل علاه مزال متزوجتش مع انو ولاد خالي أقل منك ومتزوجين . قالي مزال منيش نخمم في الزواج . قتلوا وقتاه تخمم فيه حتى يشيب راسك . تبسم قالي وانتي وش قلقك ولا لقيتيلي عروسة . قتلوا لا هدرت برك أصلا معندو ما دخلني فيك . ضحك . كملت نهدر قتلوا وكيفاش حاب تكون عروستك . قالي وش فكرك في العراس على الصباح . قتلوا رانا نهدرو نكسرو الوقت ما بين ما جا الفطور قولي وش المواصفات لي تحبها . شاف معايا قالي لازم تكون عاقلة ومنحبش لمرا الواعرة . قتلوا برك هدا مكان والزين كيفاش بيضة سمرة . قالي ميهمش الزين . قتلوا ايه ان شاء الله تتزوج باه نتهنى منك وتتلها غير في مرتك . ضحك. جابولنا الفطور بديت ناكل من كلشي وبالخف ، هادي طبيعة فيا من الصغر ناكل بالخف تقول عليا راجل طبيعة مقدرتش نبدلها . طلعت راسي لقيتوا يشوف فيا . قالي انا حاب نفهم الماكلة لي راكي تاكلي فيها وين تروح وانتي رجليك تقول رجلين رتيلة . قتلوا حاشاك قالوا رجلين رتيلة انا لاطاي تاعي يخدمو فيها بالدراهم. قالي باينة وانتي تقول عليك مانش تاع البالي . قتلوا هديك عندك انت الرجالة برة يتراماو عند رجلي علاجالها . شاف معايا بشوفة تاع موت على غفلة ويجبدني من الشعر على الجنب . عيطت قتلوا اصيل وشبيك اطلق شعري الناس تشوف معانا . لمزية مكانش غاشي بزاف . قالي شوفي آخر مرة نسمع هدرة كيما هادي سينو نعدمك .قتلوا صاي آخر مرة اطلق شعري برك فضحتنا يا على الكشايف والبهادل . ولا طلقني وليت نعدل في شعري . قتلوا مهبول هدا . قالي سمعيني وش قلتي . قتلوا والوا ما قلت والوا قيلني برك . سمطلي الفطور قتلوا صاي شبعت هيا نروحوا . قالي كملي فطورك . قتلوا شبعت صاي . ولا خلص وشرى شيكولا سخونة وقهوة ليه وخرجنا. كملنا طريقنا انا غير ساكتة نشرب في الشيكولا ونمسد في راسي وجعني الكلب . شاف معايا قالي وجعتك . قتلوا متهدرش معايا مريض انت تجبدني من شعري في وسط الناس . قالي باه مرة الجاية تعرفي ما تهدري . سكتت ودورت راسي نتفرج من التاقة حتى وصلنا . قالي احكمي مصروفك و كي تسحقي حاجة عيطي ولا قولي لخولة هيا تفرزك اوكي . دورت رراسي عليه اففف علابالي صاي برك خليني هابطة . تبسم عليا قالي صحا هاكي هادي . دورت راسي وشنو . لقيتوا هاز حبة حلوى في يدو شفت فيه وحكمتها فتحتها كليتها . ضحك قالي صاي دوك روحي وكي نعيطلك هزي عليا . هبطت ودخلت باه راح . وانا طلعت لشمبرتي حطيت كابتي وخرجت ديراكت عند فيفي لقيتها في حالة سلمت عليها وبقات تحكيلي وش صرى معاها . كي كملت قتلها عيطيلو قوليلو راح نتلاقاو من بعد نروحو نهدرو معاه ونجبدوه بالهدرة ونسجلوه حتى يستعرف من بعد نهددوه بلي نشكيو بيه وش قولك .قاتلي منعرف نخاف يفيق بينا المرة لي فاتت غير سبيتو ضربني بلا رحمة يقدر يدير كلش نخاف كشما يديرلنا . قتلها ما عندو ما يقضيلنا مكان لاه تخافي . قاتلي اوكي دوك نعيطلوا . عيطتلوا قاتلوا كيما وصيتها قالها ارواحي للدار لي موالفين نتلاقاو فيها . كوبات قاتلي قالي ارواحي على الربعة كيما موالف قتلها صاي من بعد نروحو وندير كيما قتلك قاتلي بصح والله لا خايفة منو ومن خاوتي راني حصلت . قتلها نورمال تفوت ان شاء الله . بقينا نستناو حتى وصلت الربعة وجدنا رواحنا وخرجنا مع هبطنا لقيت خولة في وجهي سلمت عليها بقات تعظملي في الاجر على ماما من بعد قاتلي وين رايحة راكي خارجة . قتلها ايه رايحين نشرو من السوق انا وفيفي وادا عيطلك اصيل وسقساك عليا قوليلو راهي راقدة في شمبرتها . قاتلي بصح راح الحال جوليا خلي غدوة واخرجوا ياك علابالك الحالة كيفاش تولي في العشية . وصح مع العشية تتخلط الحالة سيرتوا وين بلاصة الاقامة غير لي مافيا قتلها لا راني مزروبة نقصيني حوايج لازم نشريهم ليوم وكيما وصيتك عندك لا تقودي بيا . قاتلي صاي كيما تحبي . كملنا خرجنا حكمنا تكسي ديراكت للدار . وصلنا لبلاصة فيها غير لي فيلا و الشجر والخلا قتلها وين جبتينا فيفي قاتلي هادي هيا الدار لي موالفين نتلاقاو فيها . قتلها ودرتي فيه كونفيونس وكنتي تجي معاه حتى لهدا الخلا والله ما عرفت ادا جايحة ولا بهلولة انتي . قاتلي هيا برك ندخلوا من بعد سبيني حتى تكرهي . مشينا لدارو جاية مع طرف وقدامها كشغل غابة انا بدا يحكمني الخوف ملڨري كنت نكورج في فيفي بصح شفت لبلاصة خفت . طبطبنا فتح علينا واحد ڨد الباب خلعني بصح من هدرة فيفي عرفتوا بلي هو لي كانت معاه شاف معايا قالها شكون هادي لي معاك وعلاه جبتيها معاك . قاتلوا صاحبتي ومنزيدش ندير فيك كونفيونس من آخر مرة من ضربتني.ضحك قالها وزعما جبتيها معاك دافع عليك وهيا قاعدة زوج عواد ننسف عليها طير . زوج رجال يعلقو على لاطاي تاعي في نهار واحد بديت نفقد الثيقة في روحي .قالنا ادخلوا
دخلنا بقينا واقفين في الساحة .بدات تهدر معاه فيفي وانا خليت التلفون يسجل في كلش . بدا يقولها دبري راسك متحصليهاش فيا شوفي مع شكون ديرتيها شكون لي راح يثبتلي بلي ولدي . بقا غير يزيد معاها في الهدرة وهيا كيفيك وانا غير ساكتة محبيتش ندخل روحي حتى قاتلوا انت مش راجل #### ولد #### وسيد يهيج علاها ضربها بيدو على وجها قريب ما طاحت . هنا نطقت قتلوا انت صح مش راجل والله نشكي بيك ولا مسمينيش جوليا رخيس والله نرشيك في الحبس. قالي انتي وش دخلك ### فينا اغلقي فمك ولا قودي من هنا . قتلوا منروحوش من هنا حتا تلقا حل لعملتك ولا نفضحك في نص الناس ونشكي بيك بنات الناس مش لعبة عندك . قالي كون جيتو بنات ناس ومتربين راكم مش عندي في الدار مع واحد عايش وحدو باين على واش راكم تحوسو بنات الفامليا راهم حاكمين ديارهم مش من راجل لراجل، وراني قتلك روحي حصليها في راس وحدوخر انا أخطيني انسايني .. قاتلو فيفي والله نشكي بيه ولي يصرا يصرا يا لوكان فيها موتي غير نفضحك مش انا لي يحشيهالي كلب ملڨط كيفك فهمت . المرة هادي طاح عڨابها ضرب بكل قوتوا مقدرتش نبعدو عليها من نجي نقرب باه نبعدو يضربني حتى انا ولا يدزني حتى نشوف فيها طاحت في الارض وهو عقابها يضرب برجلوا لكرشها حتى عادت تخرج في الدم من فمها . وانا غير نعيط مالقيت حتى حل أصلا واحد ما راح يسمعني البلاصة خالية وكل دار بعيدة على اختها . شفت الفاز تاع نوار محطوط مع الباب ونهزو ونضربوا بيه على راسو طاح ديراكت على وجهو وراسو ينزف . رميت الفاز من يدي وقربت منو نحرك فيه والوا محبش يتحرك وقيلا مات وانا لي حصلت فيها وحددي .
