فطنت على صوت المطر وريحة الڨارو فتحت عينيا وانا نتفكر وين راني شفت معاه لقيتوا يخزر قالي نضتي . عدلت روحي قتلوا اممم شحال راهي ساعة . قالي ستة . قتلوا هيا رجعني قبل ما ينوضوا ويشوفوني داخلة بالحالة هادي ، ديمارا يسوق وانا كل زوج دقايق نعطس وقيلا رايحة نمرض من المطر تاع البارح . حبس شرا قهوة ليه ورجع ركب حطها مرة على مرة يشرب منها سخفني بيها ، غير شفتوا حطها المرة هادي هزيتها شربت رشفة بنينة تقتل . شاف معايا قالي وقيلا نزيد نشعلك معاها قارو خير . قتلوا يا ريت شحال وانا في خاطري نجربوا. ضحك بستهزا قالي زعما لي شربت الشراب مجربتش الڨارو و راح تقوليلي جامي جربتيه . سكتت بيسك عندو الحق جربت ڨاع الأنواع والاشكال والاذواق سيرتوامن طلعت للافاك وخالطت بزاف ناس ورجال بالاخص . كان ديجا وصلنا وين الاقامة حبس . قتلوا انا نروح . جبد دراهم من بورتفاي تاعوا قالي حبسي هاكي هادو خليهم عندك تحتاجيهم . قتلوا لا مرسي عندي . حكمني من يدي وزير عليا قالي من جاوك شكون لي مدهملك . قتلوا وشبيك واحد ما مدهملي ياك انت لي خليتلهملي كي وصلتني المرة لولة . قالي مزالوا عندك لدوك..قتلوا ايه مصرفتش منهم بزاف أصلا انا منخرجش برة . قالي زيدي احكمي هادوا راح يجي نهار وتحتاجيهم . حكمتهم قتلوا مرسي يجي نهار ونردهملك . قالي اممم يجي نهار وترديهملي بالدوبل . قتلوا هيا ملا باي وسلملي عليهم ڨاع سيرتوا ماما . قالي الويكاند الجاي نجي نديك تفوتيه في دار . درتلوا باي وهبطت دخلت للشمبرة تاعي بدلت ووجدت روحي للقراية من وراها فوتت نهار كيما ڨاع ليمات كي روحت لعشية جات طبطبت عليا جارتي لي تسكن في شمبرة لي مقابلتني فتحت عليها قاتلي في ليل رانا دايرين حفلة ارواحي حتى انتي . قتلها وش من حفلة هادي لاه وش كاين. ضحكت قاتلي بلا اي سبة راح نديرو حفلة برك باه ندفوليو ارواحي مش راح تندمي . قتلها اوكي راني نجي .قاتلي صحا باي في ليل نتلاقاو .
في ليل وجدت روحي لبست من لبستي لي موالفة نروح نسهر بيهم تريكو لنص كرشي مع سروال سيري وطالوا طلقت شعري هكاك برك كيرلي . شوي مكياج وروحت عند الطفلة فتحتلي دخلت للشمبرة تاعها دايرة جو تاع سهرة تاع الصح les jeux de lumière والغناء افون . قعدت لقيت ديجا كاين بنات جاو.وقعدين ومعانا زوج من تاع لي افريكا . جاتني الطفلة قاتلي متحشميش حبيبتي خودي راحتك انا فريال ويعطولي فيفي .بقات تسميلي في البنات لي قاعدين وتعرفني بيهم عجبوني وبديت ندخل معاهم في الجو ديجا من بكري نحب هكدا على الأقل نحي شوي على خاطري . وقفت فيفي قالت هيا هيا متبقاوش قاعدين هيا وقت شطيح . وقفت انا لولة قتلها عندك الحق . ضحكت معايا قاتلي موالفة بيهم سهرات . ضحكت معاها قتلها كل ليلة . قاتلي انتي صاي دخلتي لڨوسطويا انا وياك نديرو حالة . محبسناش انا وياها من الشطيح فرغت قلبي شفتها جبدت ڨارو من الخزانة . قاتلي تجربي . قتلها هاتي علاش لا . تكيفناهم من بعد قالولي هدوك لبنات تاع لي فريكا نضفرولك شعرك كيفنا . ضفرولي شعري جاني يهبل المهم فوتت ليلة كاملة نايضة معاهم تهبل حتى للخمسة باه رقدنا كل عند فيفي قريب راح نرقدو فوق بعضانا . نضت على تلفوني يصوني شفت الساعة لقيتها 11 تاع الصباح يا راح عليا تيدي تاع التسعة هزيت على اصيل لي كان يعيط غير هزيت عليه قالي وين راكي انتي خولة من قبيل وهيا طبطب عليك في الشمبرة ومفتحتيش . قتلوا مافقتش وزيد علاه راها جاية عندي على الصباح هادي . قالي انا لي بعثتتها عندك ليوم عندك تيدي علاش مروحتيش . قتلوا مروحتش برك هكدا طلعتلي في راسي تسالني انت ومتزيدش تبعثلي القوادة تاعك هادي .كوبيت عليه زبل بعد ما نفاني لجد دنيا مزال حاب يفهم عليا . ناضت فيفي قاتلي شكون لي قلقك خلي نتحماو فيه. قتلها ولد خالي برك عيط يسقسي عليا. قاتلي باين فيه خانقك بزاف . ضحكت قتلها بزاف لدرجة دايرلي عساسة توصلوا كامل خباري . قاتلي هدا حب ولاعشق . قتلها لا حب لا عشق ، خايف لا نديرلهم فضيحة .ضحكت قاتلي واعرة انتي جوليا بصح عجبتيني . قتلها باينة نعجبك حبيبتي مكانش لي يشوفني ومنعجبوش . قاتلي وش رايك نخرجو ندورو انا وياك ، ختك راهي بايرة وحابة تفكر راجل. قتلها نخرجوا حبيبتي نخرجوا حتى انا راني بايرة . قاتلي شحال صاحبتي من راجل قبل . قتلها بزاف حتى نسيت شحال المهم لي يفورني اكثر هداك هو . قاتلي حتى انا هكدا ، دنيا غاليا وحنا لازمنا مصروف . ضحكت قاتلي هيا روحي وجدي روحك باه نخرجوا . قتلها اوكي هيا من بعد . لي فيه نڨة ما تتنڨا هادي هيا انا لي والف صنعة عمرو لا يبدلها غير لقيت وحدة عندها نفس صنعتي رجعت لعادتي .وليت كل يوم هكدا معاها في ليل نسهرو وفي نهار نخرجوا ندورو نجيبوا شحال من نميرو. وفي ليل نبقاو نهدرو معاهم وساعات نتلاقاوهم نفوتوا بيهم الوقت بصح كلشي بالدراهم وكلشي بحسابوا . باينة راح تقولولي كيفاش موصلوش خبارك لأصيل ، بعد ما حكمت خولة هددتها بشوي كلمات ووصيتها في كل مرة وش تقلوا صاي عادت خباري توصلوا كيما نحب انا ، وهكدا رجعت كلشي نديرو في راحتي سيرتوا من بعيدة وواحد ماعلابالوا بيا نضال برة لا قراية لا هم يحزنون .
