شفتها حطت تلفونها وناضت دارت جيهة البوطاجي راح تسربي قهوة ليها . جاتني فكرة في راسي شفت مع اصيل لقيتوا حتى قاعد يكونكتي ومرت خالي قاعدة طيب في العشاء ، لحت يدي جيهة التلفون سون سمير ودزيتو بصباعي طاحت من طابلة للارض على وجهو . ليكرو تاعو كامل تفتت ،غير سمعوا الخبطة شافوا كل مع التلفون ، وهي غير شافتوا عيطت يا تلفوني وراحت تجري ليه هزاتوا لقاتوا طراف طراف ما بقا فيه ما يصلح شافت ديراكت معايا قاتلي انتي لي طيحتيه تاع مكرة يا رخيسة علابالي بيك انتي من قبيل وانتي تشوفي معاه يا المشتاقة قتلها اسمعي اعرفي ما تهدري ، انتي لمعوقة على روحك حطيتيه مع الحاشية تاع الطابلة طاح وحدو . قاتلي والله لا تخسريه يا جيعانة يا المشتاقة علابالي انتي لي طيحتيه مكانش كيفاش يطيح وحدو عندو رجلين هو . شاف معانا اصيل قالها قاتلك بلي مش هيا لي طيحاتوا صاي . قاتلوا بصح والله غير قالها نجمة صاي قتلك هاتيه هنا . مدتهولوا وهيا تدمع في عينيها وانا نضحك لتحت لتحت المهم خلصت فيها حق الهدرة لي هدرتها الصباح .غير شافوا قالها صاي ما بقى فيه ما يصلح. ناضت تبكي قالها غدوة نجيبلك واحد خير منو هيا سكتينا برك . ولات خرجت . غير شافها خرجت خبط الطابلة على قوة جهدو حتى الكاس تاع الحليب ساح قالي شوفي آخر مرة ديري لهبال هدا تتبلاي فيهم من بعد تقوليلي راهم يحقرو فيا . قتلوا بصح والله ما انا لي طيحتوا . قالي بلا حليف شفتك منيش اعمى واخر مرة مدام راكي قاعدة هنا تحكمي قدرك ولا شوفي وين تروحي
