غير خرجت من عندو لقيت اسمهان في وجهي كي شافتني طلعت حاجب قاتلي جوليا وين كنتي . قتلها قولي على الأقل صباح الخير وكنت عند اصيل نوض فيه راكي شفتيني. قاتلي جوليا حبيت نهدر معاك . قتلها الخير قولي . قاتلي راه عاجبني اصيل بزاف قلت زعما انتي مداصراتوا كون تقدري تهدري معاه وتقوليلوا بلي اسمهان عينها فيك وشوفي وش يرجعلك . بقيت نشوف معاها فمي مفتوح وش قاعدة تهدر هادي . قتلها كيفاش وش قاعدة تقولي انتي مهبولة . قاتلي علاه راكي حايرة هكدا . الهدرة تلفتلي كيفاش هادي يعجبها وانا ، حسيت العرق لبني . قتلها اسمهان ياك راني قتلك اصيل عندو حبيبتو يعني غير نحيه من راسك . قاتلي وشنو لي نحيه من راسي راني قتلك صاي دخل قلبي حبيتو . قتلها اسمهان متفهميش راني قتلك راه ناوي يخطب حبيبتوا ويموت عليها . قاتلي وانتي قوليلوا برك انا ندبر راسي نعرف كيفاه. نبعدها من طريقي ، انتي افريلي لفار مع اصيل وانا نفريهالك مع مسلم. قتلها شوفي باه تفهمي مليح انا لا عيني لا في مسلم لا في غيرو واصيل غير نحيه من بالك وانا منقولوش غير انساي . قاتلي صارر هكدا معليش أصلا وينا نهار قصدتك في حاجة ودرتيها بصح راكي تحتاجيني كاش نهار . راحت وخلاتني واقفة بلاكة نخمم كيفاه هادي يعجبها وتحبوا
