جاو لامبيونس هزوا عبدوا لي كان غارق في دموا وانا معنقة رؤيا ونرجف وحدي وش درت يا ربي دوك ندخل للحبس وهو دوك يموت الافكار لي مش ملاح كل جاو في مخي دموعي عادوا يهبطوا قرب مني البوليسي قالي انتي لي ضربتيه مقدرتش نهدر غير نشوف فيه وانا مشوكية راح يدوني للحبس. نطقت رؤيا قاتلوا كانت ندافع على روحها هو لي تحرش بيها لفضيا وجسديا وڨاع شاهدين سقسي لي حبيتي وهو لي ضربها لول. قالها مش هنا نهدرو هيا معايا للمركز. نطقت بسيف قتلوا بصح هو لي بدا علاه نروح معاك للمركز .قالي اختي هيا معايا متعطليناش . حكمت في رؤيا قتلها منروحش وحدي. قاتلي متخافيش دوك نروح معاك هيا نورمال هو لي بدا. ركبا مع هداك البوليسي ومعانا زوج وحدخرين. وصلنا هبطنا دخلنا للبيرو تاعوا قالي اقعدي واحكي كلش بالتفصيل حكيتلوا كامل لي صرا حتى كي شفتوا من هز الكاس تاعي . قالي راح تقعدي عدنا هنا حتى نشوفوا حالتوا ويمد الاقوال تاعوا باه نشوفوا وش يصرا . رجعت نبكي قتلوا والله انا كنت ندافع على روحي سقسي ڨاع لي كانوا معانا شافوه وسمعوه وش قالي . قالي هادي هيا الاجراءات القانونية معندي ما راح نديرلك الله غالب . صونا التلفون تاعي كان عند رؤيا قاتلي طاطا فطيمة راهي تعيط. قتلها هزي عليها وقوليلها مزلنا ساهرين شوي ونجو . قالي البوليسي شكون ولي امرك ولا واحد من الاهل تاعك لازم يجي خاطر قادر تحتاجي لمحامي . قتلوا معندي حتى واحد غير ماما واختي وكون نقول لماما تتخلع وهي عندها لاطونسيو وسكر .قالي ملا عيطي لاختك تجي خاطر وحدك متقدري ديري والوا لازم واحد معاك وانا راح نعاونك . قتلوا يعطيك الصحة خويا ربي يسترك . قالي اعطيني لاكارت تاعك .قتلوا علاه .تبسم قالي لازم هيا اعطيني لاكارت .جبدتها من ساك ومدتهالوا بقا يقرا في الاسم واللقب حتى نشوف في راجل عينيه قريب خرجوا من راسوا قالي وش لقب تاعك .قتلوا راهو مكتوب في لاكارت ##### قالي راكي متأكدة .ضحكني زعما راح نغلط في لقب تاعي وشبيه هدا وقيلا دايخ .قتلوا ايه . قالي لقب تاعك ##### قتلوا ايه راني قولتهولك . قالي وش اسمها يماك قتلوا فطيمة تبسم حسيتوا فرح قالي واسم باباك . انا هنا تعڨنت معرفتش وش نقولوا سكتت قالي انطقي وش اسم باباك. قتلوا علاه تحوس . خبط البيرو ووقف قالي انطقي قولي اسم باباك خلعني ديجا هو جثة تاعوا وحدها تخلع سيرتوا باللبسة تاع لابوليس والسلاح لي في جنبوا بلا صوتوا كي عيط قريب حبسلي قلبي .قتلوا معلاباليش قالي كيفاش ماعلابالكش وش إسموا راكي تتمسخري بيا انتي .قتلوا والله ما علابالي . قالي كيفاش تعرفي القب تاعوا ومتعرفيش إسموا . تالموا خوفني بصوتوا قتلوا اللقب هداك تاع جدي مش تاع بابا . قالي تاع جدك بابات يماك .درتوا براسي ايه وهبطت راسي دوك يعرفها بلي راني بنت حرام .تنهد بالصوت وقعد فوق الكرسي وبقا ساكن يشوف معايا قالي في عمرك 19؟ درتلوا براسي ايه وانا ساكتة قالي تقراي؟ . كيف كيف درتلوا براسي ايه قالي قولتيلي قبيل عندك اختك شحال في عمرها ؟قتلوا 23. قالي وين ساكنين . سميتلوا لكرتي لي ساكنين فيه .قالي شكون يصرف عليكم قتلوا ماما . جاوبتوا وانا حايرة علاه راه يسقسي هكدا . وهو بقا مرة يمسح على شعروا ومرة يمسح على وجهوا يبان قاعد يفكر من بعد وقف تبسم معايا قالي خودي راحتك حتى نرجع بصح متخرجيش برة درتلوا براسي ايه وبقيت نشوف معاه وهو خارج ربي يبارك يهبل عجبني خسارة جا بوليسي سينو راني طيحتوا . وصلت 12 قاتلي رؤيا انا لازم نروح ماما دوك تتقلق عليا وانتي عيطي لطاطا فطيمة قوليلها بلي راكي بايتة عندي .عيطتلها وقولتلها . من بعد عيطت لاسمهان حكيتلها وش صرا قاتلي ترقد ماما ونجي عندك باه ما تفيقش . بقيت نستنى في بوليسي يرجع باه نعرف وش ندير بصح طول وانا حبيت نروح للتوالات خرجت من بيرو بقيت نمشي باه نروح للتوالات لقيتوا واقف مع واحد يشبهلوا بصح اضخم منو واكبر منو لابس كلش أكحل وهاز قاروا في يدوا ويهدر بالعياط بصح يشبهوا لبعض فوطوكوبي بلاك خاوة ولا ولاد عم . منعرف علاه بقيت نسمع وش يقولوا يمكن قلبي حس . نسمع فيه قالوا وش راح نديرو بيهم خلي يكملوا يعيشوا كيما كانوا عايشين علاه راك تكسر في راسك وحتى ادا باصات خلي تباصي واحد ما ضربها على يدها باه تروح تسهر مع زوفر . نطق لبوليسي قالوا بصح كون يسمع بابا .قالوا علاه راك حاب تجيبلنا تكسار راس بابا ما عندوا وين يسمع . قالوا بصح الوصية تاع جدي نسيتها ياك هو وصاك انت باه تفتش عليهم حتى تلقاهم .قالوا نفتش على &## منيش ناقص قحاب في داري معندنا ما نديرو &## && ادا غاضاتك خرجها من لحكاية هادي وابعثها لدارهم فيها باراكة علاه راك حاب تحصلها في راسنا ناقصين حنا بنات حرام . نطق البوليسي قالوا اصيل زيد خمم مليح مهما تعمل تبقا هازة اسمنا ودمنا منقدروش نتخلاو عليهم . قالوا انا راني قلت كلمتي لحكاية تموت هنا منيش ناقص تكسار الراس وانت لا شفت لا سمعت ابعثها تروح لدارهم وسلام عليكم وعمتك كون جا عينها فينا راهي جات كي مات باباها ويماها وطلبت سماح من خاوتها وعاشت معاهم حتا خدامة بصح هيا حبت الطريق العوجة ربي يسهل متجيش درك بعد 19 سنة تحب ترجع ماعندهم حتا رجعا عدنا .
