بارت 43
بعد ما فاتت تقريب ثلاث سوايع باه عيط اصيل عندها يسقسي عليك وين رانا قاتلوا على بلاصتنا شوي وجا عندنا شافت هيا معاه وتبسمت ولى غمزها قالها واش فوتتو وقت شباب ، ياك ما مليتوش .قاتلوا فوتنا وقت بزاف هايل يخي جوليا . درتلها براسي ايه وتبسمت معاها .قاتلوا صاي انا وجوليا من ليوم رانا صحبات انتيم وراح مرة على مرة نولوا نتلاقو ونديرو جورني كيما ليوم . حتى هو حسيتو فرح كي قاتلوا هكا قالها معليش . قالنا نديكم تتغداو قتلوا لا منيش قادرة حاسة راسي وجعني بزاف يمكن كي دورت في الشمس . قالي معليش هاكي المفتاح تاع الطونوبيل اركبي دوك نجي . انا مشيت شوي من بعد تفكرت الصاشي تاعي بقات عندها جيت راجعة نسمع فيها تقولوا سي نورمال يوجعها راسها وتتاثر عادي يعني وكان زاد عليها الوجع بالزاف مع الوقت نكتبلها مهدئ تشربو متخافش . قالها معليش راني درت فيك كونفيونس كي شافوني رجعتلهم سكتو حبيت نفهم على شكون كانو يهدرو من بعد قلت وش دخلني ملڨري توسوست شوي بصح فوتتها . قتلها رجعت على جال الصاشي تاعي . قاتلي ياااا نسيت باه نمدهالك .عطاتهالي وودعتها ورجعت ركبت في طونوبيل بقيت نستنى فيه حتى جا
